[مسلط 22]

بسم الله الرحمن الرحيم

كان الشيخ / جفران بن سعد شيخ العزة من سبيع وجماعته نازلين على الحويظ من ضواحي المزاحمية وكان ذلك مقياض الصيف ومعهم الشاعر الكبير / سالم بن نمشان القريني وبعد إنتهاء فصل الصيف رحل الشيخ / جفران بقبيلته للدهناء والصمان فتوجد عليهم الشاعر بهذه الأبيات :

شدوا هل المقطان جعله مسافير
= عز القصير وكاسبين النفيله

يتلون جفران زبون المقاصير
= زبن الحصان إلى تردى هذيله

له ربعة تبنى على جانب البير
= وأهل الركاب اللي بعيد تجيله

يدهل محله بالليالي المعاسير
= وكم هاشل لا شاف بيته يجي له

من روس غلبا ناطحين المخاسير
= أهل الكرم وأهل الرباع الظليله

اّلاد ابن عزوان قروم مشاهير
= حماية التالي نهار الدبيله

لا جاء نهار فيه شر بلا خير
= وصاح المصيح فوق راس الطويله

صاح المصيح فوق روس العناقير
= والمال بالرعيان زود جفيله

لحقوا على قب (ن) سواة المعاصير
= واللي وقع بنحورهم عزتي له

كزوا عقيد القوم دون المصاغير
= وخلي عشا عرج (ن) جراها هزيله

عاداتهم بالهوش جدع المشاهير
= واللي طريح مالقا من يشيله

وصلاة ربي عد وبل الشخاتير
= على نبي وضح الله دليله

وأنتم سالمون وغانمون والسلام .