يقول ابوزيد الهلالي سلامه =ونيران قلبي زايداتن وقيد
ياغادين مني على متن ضامر= تقطع فيافي برها البعيد
الى جيت الغضبان بلغ سلامي =واعطه كتابي من غير نكيد
قله لقد طلبت عشر اموالنا= وخاطبتنا بالغيظ و التهديد
وطلبت بنات مكحلات نواعس= بنات الاماره مثل ورد البيد
ما كنت تعلم ياخسيس وراهن= اسود قروم هلال وكل عنيد
وراهن حسن امير قيس وعامر= حام النساء من كل قرم عنيد
وراهن ابو تكنا بدير بن فايد= على متن ضامر مثل نار وقيد
وراهن ابو موسى ذياب بن غانم= على ظهر خضرا للغزال تصيد
وراهن ابوضرغام شيخ شبابنا =ستين الف قومه وتزيد
وانا ابو زيد الهلالي سلامه =اخلي الفوارس على التراب مديد
افني اكابركم وكل رجالكم= واجعل دمكم على التراب بديد
وقال الامير حسن بن علي بن سرحان شيخ بوادي بني هلال وجد قبيلة مليح
انا حسن ما جابتن حيضريه= ولا زهملتني عند بيبان دوره
انا حسن هراج مراج مجلس= الى تاه راي القوم عدلت اموره
دورن تلقان وراء شمخ الذرى =اضرب بعيدان القنا من يدوره
اضرب لعينى بكرتي بنت فاطري= يعيش مع الماء ما بدا من شطوره
تملا القدح بكر وتملاه ثاني= وتاتي صميل الوقت حزة فطوره
ومع ابلنا تسعة الاف خلفه= ولا خلفتن الا ويتبعها جروره
ورعيانها تسعين عبد مقنزع =وتسعين صبابي الدلي في نحوره
والى نزلنا منزل ما يسرها =الصبح وحنا معتلين ظهوره
معشى عشينا بادهم دبة الحياء= حمضن وماء ماليات نحوره
ومعشى عشينا بعكاش ياطب =والخيل تشكي الحفا من جروره
ومعشى عشينا بضياع وضيعت =كد ضيعت حيرانها من دروره
ومعشى عشينا فوقن بالنقاء =خلينا اجا مثل الصبايا نحوره
ومعشى عشينا فوق الراشد= العصر جفلنا معاشي بقوره
ومعشى عشينا بحفرة جوف حفره =قليلن وباها نابيات قصوره
جزاك الله خير يابوشعيفان على ايراد القصيدتين