[ريال الفسحه]

ضيوف المنتدى الجدد :

الاخ / ابـــو ثــــواب


الاخ / المـــحــــمـــدي


الاخ / .. حبـيـت .. ولـكن


الاخ / ذيـــــبـــــــان


الاخ / الكفو

رحبوا بهم ياعضاء المنتدى والمشرفين وخلوني اسولف عليكم كيف لقيت الربع ذولا وش صار :



والله يالربع كنت جالس عند باب المنتدى ولادريت الا والددسن تصفط جنبه

زنزلوووووو منها هالرياجيل ... والله مار اشوفهم والواحد منهم لابس بشت

قلت وش هالشيوخ ... اللي جونا فالمنتدى ..... والله مار .... ارحب بهم

واقلطهم في مجلس المنتدى .... واطمر على الشبك بذبح الذبيحه .. ويوم مسكت الطلي

والله مار ادري اني نسيت السكين

والله وانا افك الطلي واعود اطامر للمطبخ وادور السكين ووووووادورها

مالقيتها .... حسبي الله على من اخذها والله لعلم ابو عمر اكيد ماخذها راعيها خابره سروق

سارق ٍ توقيعي مهوب عاد السكين:D

وانا اجيك اطمر .... والله وانا اشوف البندق .... قلت مافيه والله يالضيوف ذولا ان يتعشون

والله مار اجيب البندق وانا اطمر للشبك .. وانا اشوف الطلي وهو يعاين في زين ....

قلت ميده وش فيك ياطلي مستغرب اول مره تشوف واحد يذبح طلي بالبندق .....

مافيه سكين وش اسوي ؟ ياخوي ضااااااااااعت مدري سرقها راعيها<<<< يقول للطلي ياخوي :D

المهم تشاينت اني اذبحه في الشبك ... قلت خلني افكه واتقابل انا وياه وجهاً لوجه ......

على شاني حسيت ان ذبحت الطلي فالشبك (( غدر )) :D

وانا افكه وانا اتقابل انا وياه وجه ٍ لوجه زي ماقلت ... والملعون يعطيني راسه .....

وانا اخم البندق ... والله مار تخم ولا ماتخم .... طلعت مافيها رصاص

وهو ينجفني على الدنسه .... ليني على خشتي افحط فالشبك..... والغنم تنفك من الشبك

وهي تغدي ....... والطلي ينحاش معها

وعانوني جايكم الحين ادور الغنم ومتقلدن البندق ..... والضيوف رحبت بهم وقلطو عندنا فالمنتدى وحياهم

الله ,,, ورحبوا بهم يالربع .... والله يعقل علي الغنم والطلي والله اني وراه




وســــــلا مــــتكم

[MARQUEE=RIGHT]طط بيب طط بيب طط بيب طط :p[/MARQUEE]