الشعر مع غالي الأهداف ينساحي=صف الغوالي بصدري صف طابوري
وعذب القوافي تمرجح لي تمرجاحي=وأضحك لها ضحك مستانس ومسروري
ألعب بقافي مثل لعبي لمسباحي=وأدلعه مثل تدليعي لبندوري
ياللي على منبرك تدعوا للإصلاحي=الله يصلحك ومن الشر مأجوري
قلبك من الحقد دلوه صار مياحي=والقول من يمكم ماهوب مأثوري
الهمز واللمز ليش تحطه سلاحي=هذا سلاح الضعيف وكل معسوري
لاتتبع الغاويين أهل التمداحي=مافيه مجرور غير بحرف مجروري
متخفيٍ لك وراء إسم رجال وسناحي=وحنا نعرف الصياح اللي وراء السوري
قلته وأنا من رجالٍ طيبهم فاحي=ربعي من الوقت الأول جالهم دوري
حنا بني عمر سنام المجد وضاحي=من فعلنا كم فريقٍ راح مكسوري
وش قال راكان بن حثلين ياصاحي=في حربهم سم ساعه قول مشهوري
عن حقنا طاردينٍ كل مجتاحي=في السلم والحرب مانخطي من الشوري
والهرج تاليه عندي علم فضاحي=لو أفضحه للعرب بتموت مقهوري
إمسك طريقك مادام السد ما باحي=قدام لأزعل وأجيك بشي محظوري
كانك خبل فالخبل يجلس ويرتاحي=وكانك جمل فالجمل يبرك على الزوري
والقافله ماشيه والكلب نباحي=واللي يعكس الطريق ندق له بوري