[مشهور*قطر]

ياطير ياطير ياطير السعد ياللي ترف الجناح= قد قالها الشاعر حبيب وانا بالطرق لاحيتها
واقول مشهور يامشهور ياطير الهدد والفلاح= ياللي كفوفك بدم الصيد يامشهور حنيتها
انا خويك على الشده الا بارت يدين الشحاح= روس المبادي على شانك صلاة العصر عنيتها
خيلت برق(ن) يلوح وهاضني برق الحيا يوم لاح=وانا جري(ن)على الخطوه الا طالت تخطيتها
الهجر ومفارق الخلان للخلان سم(ن)ذحاح= صدقت ماقيل عن قيس الملوح يوم عانيتها
مواري العاشقين الصادقين معلقين السلاح= في قمتن حيها يبكي ولا يبكى على ميتها
ياشين قرب القلوب الا جرى بين الجنوب انتزاح= القي على المستمع بعض الدروس اللي تلقيتها
ياقوم تدرون وش قوم العزى بي توه اليوم باح= حزن وحسايف على كم فرصتن حانت وعديتها
لو تعرفونه عذرتوني الا صحت ورفعت الصياح=لكن ياهني عينن ماراتها مثل ماريتها
قمة جمال ودلالن في تعزال الطوال الشناح= سبحانك الله كيف اكملت فيها الوصف واعطيتها
ياوجد قلبي عليها وجد مهمومن يجر الصياح=ويون ونة حزينن تسهر النايم تناهيتها
خليتني ضامين باقصى المضامي كل ماقام طاح= وين انت بتروح من كبدن ضماها لك ولا اسقيتها
صوتي تعداك انا ماني من اللي يطردون الضحاح= اعرف حدودي لكن حقك علي اليا تعديتها
خذني واخذ ماتبي في ضمتن منك وشربة قراح= حقك علي لو تبين اردها بعدين رديتها
من ذاق ماذقت معذورن الا واق الرقيبه وناح= وان ناحت الورق جر الصوت مثلي يوم لاحيتها