اقتباس:
المشاركة الأصلية كتبت بواسطة راعي الذود
بالله ياهل المنتدى ساعدوني=تكفون ياربعي عسى فالكم زين
عساكم لدرب الرشاد تهدوني=من عقب ماضيعت كل البراهيـــن
باسباب من لاله مثيل(ن)ولوني=غرون صغيريغر سلم المحبيـــــن
الخد براق(ن)سرى بالمزوني=وفالرمش بندق وشلفا ورمحيـــن
زود لقلبي من اطعونه اطعوني=وقبل وداعه زاد فالكبد ثنتيـــن
واقفى وخلاني سهير العيوني=اسهرطوال الليل والناس ممسيـن
وعليه الاحي ساجعات الحوني=وانزل من الغرمول وناحر لتيــن
وعزي لحالي من كثير الغبوني=ان كان طول بعد مريوشة العين
والخاتمه ياهل المنتدىشاوروني=وصلوا على محمد شفيع المصلين
|
وصح لسانك ياراع الذود وجاريناك بالأبيات المتواضعه والعذر والسموحه
ياراعي الذود المحبه جنوني=والحب قدامك ذبح له ملايين
قبلك رجالٍ في الغرام يهذوني=كلٍ قتله العشق حتى السلاطين
ومجنون ليلى قصته ماتهوني=بأسباب ليلى صار ضمن المجانين
تشكي وأنا في ماضيات السنوني=أتبع خيال الزين وأسرح مع الزين
وأنسى ليا من العرب ذكروني=وفي الدرب ألف يسار واللفه يمين
على الذي من سبته ضايقوني=ناسٍ ماتعرف للمحبه قوانين
زودٍ على ماصابني عذبوني=وصرت أنتبه والواحد أشوفه إثنين
وكم من شجاعٍ للمنايا زبوني=ما هد حيله غير حلو المزايين
ويالربع راع الذود منه أعذروني=ماشفت له حلٍ يعدل الموازين
والحب بلوى ياعرب صدقوني=يشعل بوسط الجوف نار وبراكين