بسم الله الرحمن الرحيم
هذي قصيدة للشاعر مسلط بن شعيفان ابو اثنين السبيعي وأثناء تقليبي للقصائد في الأنترنت وجدت هذا الرد الجميل لضيدان بن قضعان العجمي عليها وهو يتمنى لو كانت له:
يامير انا عندك حشيـم وغالـي=ولا احب انا شي يمس الكرامـه
نفسي تروم المرجلـه والمعالـي=هذا هدف نفسي وهـذا مرامـه
تاجرت في باب الشكالـه بمالـي=بعت الرخامه واشتريت القرامـه
أنا مهبول وجايـز لـي هبالـي=هبال طيب ولا صحاوة رخامـه
هاذي تواصيفي وهاذي خصالـي=يقوله الي مازهف فـي كلامـه
ان جزت لك فانا الرفيق الموالـي=وإن عفتني مسموح ومع السلامه
دور وتلقالـك رفـيـق بـدالـي=وكل يبي رفقتـك ترفـع مقامـه
وانا مقامي من عزيـز الجلالـي=للعـز عنـوان وللمجـد هامـه
متعنز مابين جدا وخالـي=مانيب من زرقـان وادي تهامـه
عندما سمع الشاعر الكبير ضيدان بن قضعان هذا البيت:
أنا مهبول وجايـز لـي هبالـي=هبال طيب ولا صحاوة رخامـه
قال قصيدة راااائعة جدااا يتمنى لو كان له:
حييت يا مسلـط كريـم السبالـي=من هول بيتٍ يستحـق الزعامـه
بيت ن يجوز لطيبين الرجالي =شرواك يارمز الكرم والشهامه
بيتٍ تمنيتـه وهـو مـا ينالـي=ودامه خطف قبلي فلا لي ملامـه
(( انا أتهم أنك سارقه مـن خيالـي=في ليلة قلبي غـرق فـي منامـه ))
لو كان وقتـي غرنـي عزتالـي=وغديت طير شابكٍ له حمامه
وقت ٍ على كسابه الطيـب مالـي=يلعب بشيخان العرب لعـب دامـه
من اول تذرى خشـوم الجبالـي=واليوم يغني عن ذرا الضلع خامه
ومع كل هذا مـا جمعـت الريالـي=ويهون موتي دون جرح الكرامـه
واجود باليمنى وتجهـل شمالـي=وهبال مسلط يعطي الراس زامه
حي (( مهبـول )) صامـل مـا يبالـي=ولا صاحي وقت الشدايـد (( هلامـه ))
الشعر بنتٍ لابـو زيـد الهلالـي=وبيتك يلوح بخدها كنه شامه
(( أنا أشهد انك سارقه من خيالي=في ليلة قلبي غرق فـي منامـه
منقووووووووول