[منصور الحري]

الله يرحـم حبنـا اللـي قتلتـــيه=جفت دموعي والبقا فى حياتــك
ياللاسـف كل الاسـف مابكيتـــيه=انتى الغرور اعماك مع حب ذاتك
انتي بديتي الحب وانتي نهيتيـه=اقرى عليه الفاتحه فى صلاتـــك
انتي رعيتي الحب وانتي طعنتيه=توني دريت ان الغدر من صفاتـك
انتي شريتي الحب مني وبعتــيـه=عسـى الثمن يكون سبت غناتـــك
انتي بنيتي الحب وانتي هدمتـيه =الله واكبر من يسـوي سواتــك
انتي رسمتي الدرب بس مامشيتيه =اعماك عن درب الغرام التفاتــك
انتي كتبتي العهد وانتي مسحتيـه =مـحـاولة تزوير فى ذكـرياتـــك
مره لبستي الحب ومره فصــخــتيه=هــذا الهوى لاتحسبينه عـباتــك
قلتي احفظه تذكار واقول مابيه=تذكار حبي هو شهـادة وفاتـــــك
خلي جمالك ينفعك واستغـلـــــيه=روحي وري اللي قال لك ياحلاتــك
اخذي الهوى وياك لشى احتفظ فيه =يمكن يجي يوم يهدم حياتـــــك

الشاعر: طلال السعيد