|
رد : عجران بن شرفي وابن منديل عند ابن خميس
كُتب : [ 13 - 02 - 2007 ]
اقتباس:
المشاركة الأصلية كتبت بواسطة مسلط 22
بسم الله الرحمن الرحيم
الشيخ الشاعر الفارس عجران بن شرفي واحد شيوخ ال علي من الصعبة من بني عمر من سبيع بن عامر الغلباء والشيخ
عجران بن شرفي شيخ شاعر اعمى من قبيلة سبيع يعرف علامات الارض ويرمي بالبندق ويركب الذلول ويفعل كثيرا مما يفعله المبصرون وهوكريم ذو عوائد لايذبح لضيفه الماعز ولايثني الدله له جولات في مدح امراء عصره قتله الامير عبد العزيز بن رشيد وقيل انه جاور عند العجمان لسبب اغضبه على جماعته وقد اجتمعت جيرته عند العجمان بمنديل بن غصاب الخالدي المجاور لهم ايضا فهم العجمان بغزوا جماعته سبيع ومعهم ابن غصاب الذي يعرف فروسية سبيع ومواقف شجاعتهم فنهاه عجران عن الغزو مع العجمان وقال له اني اخشى عليك من جماعتي تكون ضحيتهم او على الاقل يذهب جوادك وسلاحك غنيمة لهم فقال ابن منديل انا قد وعدت العجمان بالمغزا معهم واخشى ان يقولوا ذل وغزا مع العجمان واعان الله سبيعا عليهم فردوهم وكسبوا من العجمان ما كسبوا بما في ذلك فرس ابن منديل وسلاحه فعاد راجلا مسلوب السلاح وجاء الى عجران وقال امانتك ياطيب الامانه لانه قبل المغزى امن عجران سلاحه وفرسه ان يردها ان وخذت ورفض عجران الامانه ونخاه فلم يكن من عجران الاان ادركته حمية الجوار والشيمه فركب الى جماعته واتى بفرس ابن منديل وسلاحه وجعل يتغنى بقصيدته التاليه يابوفهد دوك العيـون أسهـرنـي وقلب الخطا كنه على كيـر شبـاب والرواية الاخرى للبيت
ياابوسعد دوك العيون اسهرني= وقلب الخطا كنه على كير شباب
أونـس همـوم بالحشـا ضيقـنـي= كنـي علـى ملـه ونومـي تقـلاب
تداحـم القيفـان يــوم اخلفـنـي= سيل مع البطحـا وحاديـه محنـاب
أكنهـن مــن خـوفـتي يزلفـنـي =وأنا لحكي الـزور مانـاب حبـاب
ياراكـب هجـن الــى روحـنـي= يشدن جول الربـد لـي ثار مرتـاب
ماتـوهـن بالمـشـي بيـدربـنـي= هجن علـى قطـع المناهيـج دراب
يشـدن لسفـن بالبحـر يسبحـنـي= والعصر فالديرة مـن البعـد قـراب
واللـي مهيضنـي علـوم يجـنـي= ودي نقايضهـن بزينـات الأجـواب
سوالـف ابـن جحيـش ماونسنـي =يوم سمي ........ للهرج مـا صـاب
يـوم اقبلـن جموعـهـم عزلـنـي =جاء مشرب للطمع مـع كـل كسـاب
تجاولـن واقـفـن ثــم اقبلـنـي= وجاء بينهن في مقطـع الجـو ملعـاب
وتصاقلن مـن حـر مـا يونسنـي =من كـل قـرم فالملاقـاة معطـاب
ظنيت في ربعـي ولا خـاب ظنـي= وانا احمد اللي يودع الظن ماخـاب
أفعالهـم يـوم الملاقـى اعجبـنـي =عاداتهم فالكـون تفريـق الاحبـاب
كـم واحـد عقـب الملاقـى يونـي= في وردنـا خلـي تعشـاه الأذيـاب
لعيـون بيـض فالظلـل فرعـنـي =يزهن خط النيل والكحـل وخضـاب
لعيونهـن يـوم انهـن غطرفـنـي =يرمن باصوات كما صـوت ربـاب
كسيـرة والذبـح فيـهـم مجـنـي =يبرى لها مـن بـاذر الـدم صبـاب
حـريـبـنـا والله مايـرجـهـنـي= والى رقد كنه علـى جمـر لهـاب
كـم هجمـة نجـي عليهـا نغـنـي =ونجي لها من بين اهلهـا ومغـراب
لـون الجنـب فيهـا لهـا مستكنـي =تغاوروه اللـي يـدورون الأوجـاب
بمخـيـرات فاللـحـم يرتـعـنـي= بايمان من ضارين فيهـا بالأشبـاب
بايـمـان ربــع مايقرونـهـنـي= رزانة لاحـل بالجيـش ضبضـاب
دافوا لهـن ملـح عليـه اشفهـنـي =ودرج يصبونه على الحـش لا راب
صبوا رصاص الـدرج لبطونهنـي= للكبـد والاناهـب القـلـب نـهـاب
للساق مـع قلـب الفـرس يحملنـي= مضرابهـن يـاوي والله مضـراب
بكبودهـم منـا جــروح جلـنـي =ماعاد يبريهـن كثيـرات الأطبـاب
جاهن مـن القبلـه مـزون نشنـي= يهتال منهـا راعـد البيـت والبـاب
رشاشهـن سو البـلا لا امطـرنـي =يشيب منهـن جاهـل مابعـد شـاب
يـوم ان منديـل عليـكـم يشنـي =ولا منكم اللي ردهـا لابـن غصـاب
وعليـه زلبـات الرمك صفننـي =واهلهن على عوج المناصيب قضـاب
ورماحنـا فـي ظهوركـم علقنـي =في مقطع الدفه من الكتـف نشـاب
وراحـت بكـم عـزم ولا عودنـي= والخيل من ضرب المزاريج هـراب
وراكان دين عقـب ماهـو يغنـي= وعطى المطوعه عقب ماهوب حراب
يابـو فـلاح لحربـنـا لاتشـنـي= مالك علينا نصـر والله لـه أسبـاب
واللـي باهلهـن فاللـقـى عثـرنـي= ست وثمانين حسـاب بـالا قطـاب
وظعونكـم مـع الغلـس سربـنـي= ولاينزلون الا قمر خمس قـد غـاب
وذيدانكـم عقـب الطنـى رددنــي= مابيـن جـلال ومـا بيـن حطـاب
وانتم سالمين والسلام |
بسم الله الرحمن الرحيم
الاخوة الاعزاء ابن باتل وابو بندر السلام عليكم ورحمة الله وبركاته وبعد اشكركم على المرور بابيات الشيخ عجران بن شرفي رحمه الله كما لايفوتني شكر الاخ ابو بندر على مايبذله من مجهود تجاه الغلباء وشعرائها القداما والمحدثين وانتم سالمين وغانمين والسلام
|