هذه القصيده قلتها مجارات لشاعرالكبير ناصر الفراعنه السبيعي التي يقول فيها
ياوقنا اللي فيه صار الذنب راس= مواخر الاذناب تسجد لها روس
الى ان قال
وياراكبن من نقوت الهجن عرماس=من دار سلطان السواحيل قابوس
تلفي على لباسة الحمر الادقاس = شمر هل العادات ريس ومريوس
وفي الاخير يقول
عجزت افسر غامض الحلم ياناس= تصغر له انفوس وتكبر لها نفوس
اليكم القصيده
ياوقتنا اللي صار فيه الثعل ساس = العز لايمكن يجي يوم مدسوس
ياوقت صار الشعر للكيف مرواس= والحس ما يغنيك عن شي ملموس
ياوقت يوم انا على قب الافراس= ضياغمن ناطا على كل غطروس
وقايعن ماهي سواليف لباس= تذهب به اذهان وتذهن بها روس
واللي سلم لامن تغشاله أنعاس= يفر من نومه تخاييل كابوس
واليوم صار الشيخ من يملك الماس= وشاخت بنا ياوقت من كان دنفوس
وياراكبن حمرا من الهجن نسناس= بنت العبكلي غايتي ياهل العوس
من دار ريضان الحفر غرب من ساس= درع الجزيره لاغدى الجو محيوس
تخبط يمينه حرتاً تركز الراس= فج النحر حمرا من الهجن نسنوس
وقم الرباع ونابها تو ماناس= مثل الهلال اليا خذى زويت القوس
لراع الشداد عيونها تقل حراس= حمراً كما خلاص الحساء فوقه ادبوس
حره وكن وروكها حين الامراس= سيل تقافى مع مفاتيق محبوس
ولا درهمة مع خايعن مابه أوناس= هريف ذيب من عنى الجوع ممسوس
بدار القصيم اعصير تسمع لها أضراس= لايابعد ناغي وماشد طرطوس
ملفاك ناصر من هل الدرع والطاس = كسابت العليا على كل ناموس
حمّاية التالي شبا كل لولاس= عوق الخصيم بيوم فارس ومفروس
غلبا لها في مجلس العز نبراس= ريف الرفيق مدلهت كل محسوس
في مجلس يطرد غثا كل وسواس= ومذرا لا قبقب سنا كل فانوس
والعود الازرق مع مباكير محماس= وصنيتا فيها المفاطيح مكبوس
وليا دفاء في نومته كل هلباس= عطه الرساله وما حواء فكر سنعوس
بسلام ازكى من رياحين نسناس= وعد النجوم وعد انسن ومانوس
وما اعتلى ركن الحرم كف لماس= على النقا ماهي سواليف دنفوس
ياذيب لغزك حيرن وصرت محتاس= اللغز وافي لو غدى الفكري محيوس
في سوق الاسهم ناوين اخذ الكاس= من قبل ماياتي علي يوم منحوس
ناس بلا ذمه ولافيهم أحساس= ناس عسلهم وسطه السم مدسوس
يقطع زمان العولمه دمر الناس= مثل الجهاز اليا تفرمت به الدوس
وماقل دل وزبدة الهرج مقياس= وصلاة ربي عد ما هب نسنوس
على شفيع يوم الارياق يباس= المصطفى الهادي لجنات فردوس
الشاعر / مقبل الشمري
غير متصل
