منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
العهد
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
أعزائي أعضاء ومتصفحي منتدانا العزيز أخوكم / مفرح سيف الملحي السبيعي يعايدكم بهذه القصيده ونرجوا أن تحوز على رضاكم لأنه هدفنا :-
إذا تردى الرجل لا تقعد تذمه =عدل خطاياه ولا خله وشانه
يمكن له أحداً يجيه الطيب من يمه =ويصلح اللي حصل بيديه ولسانه
تراك منت بوكيل آدم على الأمه =و كلاً عيونه على المحار والدانه
الصقر ما ينزل إلا عالي القمه=لا من تضايق شلع ثم فل جنحانه
لو كان يقسى عليه الوقت ما همه =والأحرار في رزقها ما هيب بلشانه
ولا تبدي اللي بصدرك وأنت باللمه=ولا تصدق العلم حتى يبين برهانه
وإذا عطيت العهد تم العهد تمه =العهد ميثاق ما هو سهل نسيانه
ولا تجامل اللي يخون ويهفي الذمه =وتلقى الجزى عند رب الكون سبحانه
وأنا أشهد إن في الحياه دروسً مهمه=للي يجضون من طاريه عدوانه
وإلا الردي والله إن يجيك بمطمه =حتى ولو قلتله عان السنع عانه
لاكنك اتحمله يا طيب ولمه=خله يكافيك في توجيه ورعانه
خله يتطابق لا صار مسكرً فمه=ما هو جمل لو سمعت ضريس نيبانه
ما هو بلامن ندبته شمر بكمه =وأروى كبودً لفعل الطيب عطشانه
ما تنفعك فزعتً تجيك من خمه=إلا اعتبرها خطا مقصود وإهانه
وفي ختامها الصدر جعله ينفرح همه=بعد ما دون قصيدي بأعذب الحانه
أخي الكريم الشاعر / مفرح سيف الملحي السبيعي ( فاهم النظرة ) السلام عليكم ورحمة الله وبركاته وبعد : كل عام وأنتم بخير وصحة وسلامة والعيد عليكم مبارك أعاده الله علينا وعليكم وعلى إخواننا المسلمين في كل مكان باليمن والخيرات والبركة والمسرات وصح لسانك وسلم ونبضك وبنانك وإعتلا شانك على هذه القصيدة الجميلة الرائعة والمعبرة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
رد: العهد
