منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
من غلاكم عنيت من الديار البعيده
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ياسلامي على روس الرجال المجيده = عد برق المزون وعد وبل الخيالي
من هواجيس صدراً في لقاكم سعيده = اسعدالله مساكم يافهود الرجالي
جيت اشارك فرحكم جعل ربي يزيده = وبارك الله على فواز وفواز خالي
من غلاكم عنيت من الديار البعيده = ولله ان معنايه لاجل خاطر خوالي
ماعليه من اهل الهينه والمكيده = انتم اهل الفضيله والفخر والمعالي
عصر صكات بقعاء والصباح وهجيده= يوم فعل الرجل مايطلعه بالريالي
كود شذرت مصاقيل السيوف البليده = جمعنا ماتفرق الليالي ليالي
ويوم ولت مراميل الزمان الشديده = الله يجيرنا من وقت طامن وعالي
ماقصدت الحق المقباس راس الوقيده = جيت افاخر بكم في نايفات الطوالي
وانتم من البديده يوم عد البديده = وقيل من لاله اول ماتجي له توالي
والتواريخ من زمان بجره شهيده = يشهد الله لكم تاريخ مابه جدالي
مانقول العلوم الا العلوم الاكيده = والبراهين واجد ماهي قولت يقالي
والعذروالسموحه عن قصور القصيده = غير رب الملا ماحداً يجيب الكمالي
وتمت اعداد ماخطت حروف الجريده = وعد صفق الهواء وعداد حب الرمالي
وصلو وسلمو على صفاوي عبيده = الشفيع المشفع في نهار الهوالي
التعديل الأخير تم بواسطة سعود المسعودي ; 10 - 08 - 2009 الساعة 11:53
مهما يجيك من الخطأ من رفيقك................حاول تغاضي والخطأ لا يجي منك
ترى رفيقك لو وقف في طريقك................مثل الرصيد ان قل وان زاد بالبنك
وأعرف عدوك قبل تعرف صديقك................ومن لا يحس بضيقتك ما درى عنك
ولا تأيد المخطي لو أنه شقيقك................وش عذرك من اللي عن أيسرك وأيمنك
غير متصل
