قصة الخييلي الدوسري مع العزيزي السبيعي

[محمد بن سلطان]

قصة قصيره قرأتها وانا اتصفح منتدى قبيلة الخييلات الدواسر ولكن عبرتها كبيره .. وقمت بنقلها من المنتدى واتمنى ان تحوز على رضاكم ..

تجاور كل من عبيد بن حويل الخييلي و دحيم بن عبد الله بن برمان العزيزي السبيعي وقد كانوا في ضواحي رماح ، واخذوا وقت طويل وهم جيران على حشمه وتقدير وبعد فتره قتل ولد عبيد الخييلي ولد دحيم بن برمان من غير عمد بطريقة الخطأ ثم جاب الخييلي ولده لأبن برمان وقال :هذا ولدي إذا اردت قتله اقتله ، وقال بن برمان : والله ماني مخلي مرة جاري تبكي مثل مرتي واعتقه لوجه الله ولا يستغرب الطيب من الطيبين وقال الخييلي هذه القصيده رد ثناء على جارهـ :-

ياراكبـن هجـنٍ مراديـم وسمـان=عيـرات الانضـاء مايرقـع حفاهـا
ياراكبين الهجـن نصوهـن عمـان=ومروا على رفحا وروحـوا وراهـا
في كل ديره جـددوا لابـن برمـان=قصرٍ مـن البيضـاء رفيـعٍ بناهـا
ثم اجنبوا مـن عندكـم يـم نجـران=دار المذاكـر دوجـوا فـي قراهـا
حطوا له البيضاء على كـل مابـان=راعي الفعـول اللـي طـريٍ نباهـا
ومروا على الخرمه وحطوا بها اعلان=اعلان بيضاء كل من جـاء قراهـا
وابنوا بدار سبيع بيضـآ لهـا شـان=مـن مـر ديرتهـم يشوقـه بناهـا
نصوهن الحاير عسـى دربكـم زان=ديـرة سبيـع متيهيـن قصـراهـا
اللي عطا جاره عطـآ مابعـد كـان=عطيـةٍ ماقبـلـه احــدٍ عطـاهـا
ماهيب لاغرسٍ ولا ابـلٍ ولاضـان=ولاعطـا دنيـآ يــدور جـزاهـا
يبغى العلـوم الطيبـه مثـل ماكـان=قصيرتـه عطيـت ولدهـا وجاهـا
يافاعل الحسنى جـزاك الله احسـان=فعلت لك حسنـى علـى الله جزاهـا

مثال رائع للتسامح وتقدير العشره والجيره والصداقه ..

تقبلوا تحياتي ،،

اخوكم
محمد بن سلطان الثوري

[سعد المحمدي]

لاهنت يابو سلطان هذه امهي غريبه علي سبيع
شكراً علي هالقصه الطيبه

[بحر الشوق]

بيض الله وجهك يا محمد على ايراد هذه القصه المخلده
ولاهيب غريبه على اهل الطيب

[لعيونك]

لا هنت على الموضوع
ولا هيب غريبه على سبيع الغلبا

[ابن الغلبا]

لا هنت على هالقصه اللي ماهي غرييبه على سبيع الغلبا

[مخايل الغربي]

بسم الله الرحمن الرحيم
المكرم الاخ محمد بن سلطان السلام عليكم ورحمة الله وبركاته وبعد بيض الله وجهك على نقل هالقصه التي تدل على حسن الجوار وكل عام وانت بخير وانت سالم والسلام

[عالي مقامه]

والله ونعم في سبيع الغلبا اهل المواجيب والنواميس

[المسعري]

والله ونعم بالسبيعي وصح السان الدوسري

[ذيب الجبور]

كفو ياسبيع ماهيب غريبه عندكم أنتم دايما هل الطولات والمراجل

ولفعول الطبيه.....


رحم الله من قيلة فيه وصح السان من قالها ولاهان من نشرها

[شحيفان بن ملفي]

مشكور اخوي سلطان الثوري