يازمان العجايب يازمان الفلوس

[طامي الرياحي]

السلام عليكم ورحمة الله وبركاته

بعد غيبه عنكم لفتره بسبب انشغالي
في منتدى قبيلتي
الا انني اعود لكم اليوم

واقدم لكم هذه القصيدة
التي ارجو ان ترقى لاذواقكم الراقيه

يالسانـي تكلـم وارسـلـي ياهـجـوس=وشرحي كل علـمٍ صـار فيـه التبـاس
انعكس فهم الامـه والزمـا ن مغكـوس=وامتلى قلب بعض الناس حسـرة ويـاس
كم شجيعاً على جمر الزمـان محمـوس=ويتصبر ولـو شـرب المـراره بكـاس
ويترجـا عيـال الخايبـيـن الهـيـوس=وان تمـرد علـى واقـع زمانـه يـداس
مـن همومـه عروقـه ناحـلاةٍ يبـوس=مير وشلون يعدل وقـت مسعـاه خـاس
يازمـان اتلعجايـب يازمـان الفـلـوس=يازماناً على الطيـب صعيـب المـراس
يازمـانٍ بـك الثعلـب يحـد الضـروس=واعتلت فيك هامـات السلـق والبسـاس
والله اني من دروسك خذيـت الـدروس=درس مع درس زود ضيقتـي والعمـاس
وانت ياللي ماجربـت الزمـان النحـوس=اعرف ان الزمـان اليـوم فيـه انتكـاس
وانشد اهـل المعرفـه طيبيـن النفـوس=واقتبس منهـم العلـم الصحيـح اقتبـاس
وابتعد عـن مرافقـة الرخـوم النجـوس=وش تبى من مرافقة الضعوف الخسـاس
مايحامون جنبـك فـي النهـار العبـوس=لو بوقت السعه عندك طـوال الحسـاس
واحدٍ فوق صرح المجـد مالـه رمـوس=لا تحطه علـى جنبـك نهـار الـدواس
في الرياجيل فرقـاً واضـحٍ ومحسـوس=كانه الفرق من بيـن الذهـب والنحـاس
اصل صم الصخر ماهوب مثل الطعـوس=ميز الفرق وانته فيـك خمـس الحـواس
والمجالس بعظهـا مالـك ابهـا جلـوس=لو على التجربه يدفعك بعـض الحمـاس
مايجالس هدوس النـاس غيـر الهـدوس=والمثل قال كـلٍ لـه مـع النـاس نـاس
طول عمر الرجول رجول والروس روس=بينهن فرق شاسـع بالنظـر مـا يقـاس
الردا في الردي طول الحيـاة مغـروس=وابيض الوجه له بالعز والمجـد سـاس
لايهمـك ولوطالـت قـرون التـيـوس=مـا تـدوم السعـادة والهنـا والونـاس
ماحداً مـن مقاديـر الزمـان محـروس=كل عـوداً لـو ابطـى مقتفيـه اليبـاس
وان تحداك وقتـك دوس الاخطـار دوس=لا تلبـس مـن ثيـاب المذلـه لـبـاس
لو حنتك الليالـي بامرهـا حنـي قـوس=لا تنزل مقامك وانـت فـي القـوم راس
كل سبعٍ فـروس يجيـه سبـعٍ فـروس=وان تهـاون عزومـه يفترسـه افتـراس
واعرف ان الليالـي حدهـا حـد مـوس=مـن تراخالهـا ترميـه تحـت المـداس
والرجوله ماهي في لبس زيـن اللبـوس=والتقصوي بجمـع المـال لؤلـؤ ومـاس
كم غنين عـن الفعـل الجميـل محبـوس=حابسـه شـح نفسـه ياعسـاه الفـلاس
وكم فقيراً لهامـات المعـا لـي يجـوس=لابـسٍ بالفخروالعـز والمجـد طــاس
لويقظـي حياتـه فـي تعاسـه وبـوس=نحو فعـل الجمايـل يدفعـه قـو بـاس
ومن تجرا على حلف اليميـن الغمـوس=بشـره بالتعاسـه والـنـدم والـفـلاس
لو جمع مال بقعى حاسه الوقـت حـوس=والنهايـه قبـر مظلـم ومتـريـن لاس

[أبو يزيد]

لو حنتك الليالي بامرهـا حنـي قـوس
لا تنزل مقامك وانت فـي القـوم راس
,,

,,

,,
والرجوله ماهي في لبس زين اللبـوس
والتقصوي بجمع المـال لؤلـؤ ومـاس
كم غنين عن الفعل الجميـل محبـوس
حابسه شـح نفسـه ياعسـاه الفـلاس
وكم فقيراً لهامات المعـا لـي يجـوس
لابـسٍ بالفخروالعـز والمجـد طـاس
لويقظي حياتـه فـي تعاسـه وبـوس
نحو فعـل الجمايـل يدفعـه قـو بـاس
ومن تجرا على حلف اليميـن الغمـوس
بشـره بالتعاسـه والنـدم والـفـلاس
لو جمع مال بقعى حاسه الوقت حـوس
والنهايـه قبـر مظلـم ومتريـن لاس

الله الله
ياطامي الرياحي

قصيده رائعه بروعة حضورك
ابيات تشع بالحكمه والجزاله.
لاهنت وسلمت يمينك,,,

[ماضي المديري]

قصيده رائعه بروعة حضورك

مرحبابك ياطامي

تقبل تحياتي

[فـــالح السبيعي]

ماشاء الله عليك

إبداع متناهي وحكم ثمينه

صح لسانك ياطامي

[منصور الحري]

صح لسانك ياطامي ويامرحبابك في كل وقت

[فتى العزه]

صح لسانك


ياطامي


قصيده جزله من شاعر جزل

[طامي الرياحي]

ابو يزيد

الجميل
هو ردك

لاهنت

ولا عدمناك

[طامي الرياحي]

عقيد القوم

الله يبقيك ياراعي مرحبا

ولك الشكر على المرور والرد الجميل

لاهنت

[طامي الرياحي]

ابو بندر


لك الشكر على المرور
وعلى الرد

لاهنت

[طامي الرياحي]

منصور

صح بدمك

وتبقى على الترحيب

لاهنت

ولا عدمناك