سبيع والوقفة الجادة مع فرعون الشعر (( شارك برأيك ))

[عطيب المضاريب]

السلام عليكم ورحمة الله وبركاته
صباح / مساء الخير لجميع القراء

احب ان اوجه رساله عتاب الى كل ابناء سبيع على العموم
وذلك بسبب الخروج المر لبدر المليحي من المسابقة كاقل نسبة تصويت في المسابقة

وكانت اسباب (( النسبة المخجلة للتصويت للشاعر بدر )) كثيره ومن ابرزها //

الاتكالية وضيق الوقت وعدم وجود لجان للدعم


وكان فيه حجه لمن لم يصوت لبدر قد يقتنع بها البعض وقد يرفضها البعض وهي ان ممثلين سبيع في المسابقة شاعرين وبيتشتت التصويت على الاثنين لو تأهلو للدور القادم


وهالحين انعدمت الحجج وصار الممثل الوحيد لسبيع في المسابقة هو الشاعر ناصر الفراعنه
وهو مرشح وبقوة لنيل البيرق وذلك بشهادة الجميع


ولكن يعلم الجميع ان نسبة 50 % هي لدرجة اللجنة و50 % كتصويت جمهور


درجات اللجنة ازهلوها لان ابو فارس هرم من اهرام الشعر وسينتزع ال 50% بالراحة



ولكن ماذا عن تصويت الجمهور ؟؟؟



هل سنقف بقوووووة مع شاعرنا وندفع الغالي والنفيس من اجل حصد درجات التصويت كامله

والا بنقول ان ابو فارس بيملك شعبية عند كل الجماهير بتأهله للمراحل القادمة


جماهير ابو فارس من القبايل الاخرى على العين والرأس ونشكرهم من كل الاعماق على وقفتهم مع ابو فارس بالتصويت ولكن البرنامج يعتمد على التعصب القبلي

ويمكن يكون احد جماهير ناصر الفراعنه من القبايل الاخرى يريد التصويت لابو فارس ولكن يكون هناك شاعر من قبيلته ينافس ابو فارس !! وهنا اكيد انه بيصوت لابن عمه لان اللي مافيه خير لربعه ما فيه خير للاجناب


انا اكثر سؤال أسأله هالايام من خوياي هو وش جهزتو يا سبيع لمشاركة ناصر !! وهل اعلنتو اللجان لاستقبال الدعم ؟؟ وكم رقم الحساب للي يبي يرسل مبلغ للتصويت؟؟ ووين الاستراحه اللي بيستقبل فيها الدعم ؟؟ ومن هو الشاعر الذيب اللي تحس انه متفاعل مع مشاركة ناصر ويحاول ان يجمع شعار سبيع لدعم ناصر ؟؟


اسئلة كثيره توجه لي هالايام من اكثر من شخص وكلهم استغربو يوم قلت ما فيه اي تجهيز حالي
حتى ان واحد قال والله لو ان ابو فارس من قبيلتنا كان جمعنا له ملاييين لانه مرشح بقوووه لنيل البيرق ومانا بمعتبرين الفلوس اللي بتروح لشاعر فحل مثله خساره .. وعلمني عاد عن اجتماعات قبايل في قصور افراح بحضور امرائهم وجمعو مبالغ مهيب هينه على ان شاعرهم مهوب بذاك الشاعريه ولا يعتبر مرشح قوي ولكن الربع جادين في فزعتهم لشاعرهم والنقاط اللي بتخصم عليه من اللجنة بيعوضونها ربعه بالتصويت


واتمنى لو ان نتحرك بسرعه في كل الاتجاهات وبتعاون من ادارة منتديات سبيع وانا خايف لا نتأخر في هالتحركات لأن الوقت كالسيف ان لم تقطعه قطعك


وانا من هذا المنبر (( وش عنده المريخي )) اشدد على اهمية اعلان اللجان المستقبلة للدعم باسرع وقت ممكن

لأن اذا حضر الماء بطل التيمم فاذا حضرت اللجان غابت الارتجالية والخطط العشوائية والافكار الغبيه


وتتوزع اللجان كل واختصاصه وكل واحد عليها رئيس معروف وثقة

ومثال بسيط للجان

لجنة اعلانية // وتكون مسؤلة عن توزيع منشورات ورسايل جوال نصيه تحث على التصويت للشاعر ويكون رئيسها رجال راعي حركه ونشيط ولا ننسى تثبيت لوحات كبار في رماح والخرمه ورنيه وفيها صور ابو فارس وارقام التصويت

لجنة الزيارات // تكون هاللجنة فيها رجال معروفين وعندهم اسلوب اقناع جيد ويزورن امراء سبيع ورجال اعمالها في محلاتهم ويسلمون عليهم ويطلبون منهم الوقفه الجادة مع ممثل سبيع في المسابقة ويعطونهم ارقام الحسابات

لجنة المالية // ويكون فيها رجال لهم خبره بالمحاسبة والامور المالية ويحصون كل ريال يدخل الحسابات او تم التبرع فيها في مقر الدعم وانا مستعد لتولي رئاسة هاللجنة

لجنة لاستقبال الاقتراحات // ويكون مسؤل عنها واحد يعرف ينخل الاقتراحات المفيده لحملة الدعم ويرفعها الى رئيس اللجنة المالية(( اللي هو انا )) لاعتمادها



وانا اتوقع ان ابو فارس بيطلع في قرعة الاسبوع القادم (( طولت علينا يا ابو فارس ))
ولازم نتحرك في اسرع وقت ممكن
وانا متأكد ان اقتراحاتي هذي مهيب رايحه عبث وان ادارة المنتدى ومشرفيه بيحاولون يطبقون هالكلام فعليا


واتمنى من جميع من يمر على هالموضوع ان يرد ويناقش علشان نطلع بافضل طريقة تضمن لنا البيرق
وصدقوني ان قيمة البيرق المعنوية تسااااوي ملاييين الريالات


واعذورني على بعض الذبات البايخة لكن حبيت اجاري ابو مشاري في بعض طلعاته اللي ما ادري وش تبي

[رآعي الأوله]

يرفع موضوعك الممتاز لسبيع كافة


والقبيلة لا تخلو من الكفاءات و الإمكانات للقيام بأكثر من هذة الأمور التي ذكرتها لدعم أبوفارس: سواء بالرجال أو المال


أرجو أن تتخطف مثل هذة الأقترحات الأيدي المختصة والمتمكنة في القبيلة

وكما ذكرت..الوقت كسيف


ولا فات الفوت ماعاد ينفع الصوت


ولو أخذنا الموضوع بدون لجان وخلافة وحصرناة في كل من يقول أنا سبيعي فقط


فأنت تعلم أن السبيعي يذبح في الأسبوع أكثر من ذبيحة ويفعل مناسبة كرامة لناس فيهم والله اللي يسوى و فيهم والله اللي مايسوى

فلو جعل كل سبيعي قيمة ذبيحة واحدة كرامة لبو فارس على شكل تصويت لة وهو يسوى، والله أن أبو فارس ما يحتاج لأحد في العالم كلة أنة يصوتلة من خارج سبيع..يعني الشغلة بس نبيها قيمة ذبيحة من كل شخص.


أدري أني هايطت شوي..لكن والله أنة الصحيح

[خالد الشماسي]

يا هلا بعطيب المضاريب


والله يا طويل العمر انت مكبر المسألة تنظيمياً ،، لجان ورجال أعمال ..الخ


السالفة وما فيها كل واحد يمر موزع الجوال اللي قريب من بيته ويشتري من بطقات شحن

المخفظة 300=450


و لا نبي من كل واحد موظف الا يصوت بهذه البطاقة لشاعرنا الكبير ابو فارس


اما ستراحات وقصور تكلفتها 100.000 فهي لغير هذا الهدف لأنه مضيعة للوقت والمال


رجال الأعمال وش يجون عدته .. يدفعون الديات .. ولا يعتقون الرقاب .. ولا يقيمون مهرجانات القبيلة .


ونحن يجب أن نقوم بدورنا كأفراد لنا قيمتنا بالقبيلة


كل ما جاء واجب قالوا امراء القبيلة ورجال الأعمال !!


أنا وأنت و مليون سبيعي يجب أن نصوت بهذه البطاقة 300= 450


وشرح التصويت بـ 100 رسالة موجود في هذا القسم


وفعلاً الأراء الغبية والإتكالية ستكون معول هدم لجمع القبيلة وجمهور ناصر للتصويت بكميات عالية .




شكرا لك

[مرقاب]

خالد الشماسي رايك سديد بس الظاهر ان عطيب المظاريب متحمس شوي لايهمك ياعطيب المظاريب كلنا بنصوت لبوفارس والحاظر يعلم الغايب لازم نوقف وقفة رجل واحد في التصويت وطريقة الاخ خالد الشماسي ممتازه 300=450