الـتـقـاعــد

[عبدالله]

الله يجـيبك ياالـتقاعد ونرتاح= يا الله عسى فى الامر خيرٍ وخيره
النفس طابت يا عسى الهم ينزاح = من قلبي المقـهـور ناره سعيره
مليت أنـا الروتين جيّه ومرواح = وحبوب ضغطي في المخابي ذخيره
ناخذ حقوق الخدمه منهم والأرباح= نبني لـنا فلّــه حلـوه وكـبيره
ربي بلاني بريـسٍ شبه سـفّاح = عـنتر زمانـه بس ما من بصـيره
لا من زعل تقول ذا كلب نـبـّاح = له زوجةٍ بلشه ودائم تديره
لو تطلبه بقريـد تسمع له اصياح = كنّـه قـطارٍ لا مشى مع صفيره
ما مر لى مسؤول مثله ولا راح= نطلب من الله ينتبدل بغـيره
لاني بـشكايٍ ولانـي بـصيّاح = يا كود أفضفض من همومٍ كثيره
زرت الأطباء وزرت عشرين جرّاح= وكل دكتورٍ آجـي وستـشيره
قالوا علاجك بالتـقاعد وتـرتاح = مـع أم عيالـك العجـيّز منيـره
مع كل صبحٍ تمد يدها بتفاح = وبالوجبة الدسمـه تراها خبيره
تصحى تقهويني مع الديك لا صاح = ماهي بنات اليوم تسمع شخيره
وقت الضحى أجلس مع سعود وبطّاح = ربعٍ نشامى وكلنا اهل ديره
دايم سوالفهم بها ضحك ومـزاح = ما يعرفون أبـداً سوالـف حقيـره
قالوا تزوج واترك الهم يا صاح = فى القاهره تلقى هنادى وسميره
لكن انا حرٍ ونادى بملواح = لا لوحت به أم عيالى الاميـره
آجي لها بليا شـعورٍ ومرتـاح = مغرم هواهـا لو روحي أسيره
سايح بحبّه مثل زبدٍ اليا ساح = منسى ماضيها فى الليالى العسيره
كنّا حياةٍ كلها كفاح بكفـاح = تستاهل الحب هى تراها جـديره
مالى حبيبٍ غيرها اليوم يا بداح = والعين عـن شوفة سواها ضريره
الحظ معها لا تقولون لى طاح = هاذى عمود البيت بنت الجـزيره
يا الله تجيب السعد كله والأفراح = نطلب رضا الرحمن ومعْه السـتيـره

منقول

[الواضح]

ربي بلاني بريـسٍ شبه سـفّاح عـنتر زمانـه بس ما من بصـيره


تسلم يمينك
اخي عبدالله ولاهنت

[المولع]

لا من زعل تقول ذا كلب نبّاح@@@ له زوجـةٍ بلشـه ودائـم تديـره
لو تطلبه بقريد تسمع له اصياح@@@ كنّه قطارٍ لا مشى مـع صفيـره

اما هذي عزالله صدق فيها
ماعاقبنا الا اللي مرته تشوته كل شوي ويجي بسلطة الدوله ينفخ على شمطان اللحى
تنعاف الوظايف عقب ذي

صح لسانك ولسان من قالها

لاهنت على النقل

[اخو شما]

الله يجيبك ياالتقاعد ونرتاح
........................يا الله عسى فى الامر خيـرٍ وخيـره
النفس طابت يا عسى الهم ينزاح
.........................من قلبي المقهور نـاره سعيـره
مليت أنا الروتين جيّه ومرواح
.........................وحبوب ضغطي في المخابي ذخيره

شاعر ياعبدالله ولاتعلمنا
صح لسانك يالذيب
ودمت على خير
اخو شما

[السيف]

الله لا يهينك يا عبدالله على القصيده الطيبه

وتسلم يمينك على نقلها

تحياتي

[عبدالله]

الواضح
المولع
اخو شما
السيف
تسلمون على مروركم الكريم وردودكم الطيبه وشكرا خاص للسيف على التنسيق

[البدر]

لاهنت يا عبدالله

قصيدة جميلة جدا صح لساااانك ملايييييين وسلمت يمناك الي كتبتها لنا في هذا القسم

بس عاد التقاعد بدري عليه وانتم وظايفكم ماتقاعدون الا على الستين يعني الله يعينك :)


اخوك البدر