السلام عليكم وبعد ممالاشك فيه فأن رجال قبيلة سبيع فيهم من الامجاد مايغنيهم
ولكن عندما تكون الشهادة بالاشاده لاحد ابناء قبيلة سبيع من مطيرفإن هذا مجد على مجد لاسيما بأن المادح احد ابناء شيوخ مطير العظيمة (الشاعر نايف بن صقر بن جري السلماني)وجري السلماني مشهور جدا عند كل القبائل النجديه وبعض القبائل الاخرى
هذه قصيدة مهداه الي الاخ العزيز
الملازم أول/ فلاح بن مرزوق بن جلبان السبيعي
ولو انها ماتوفيه حقه لكن هذا ماجادت به القريحه
عسكري والعسكريه بها من كـل لـون=والسلوم اشكال والوان والعاقـل يحيـر
فيهم شيوخٍ تعداء الهقـاوي والضنـون=وفيهم اللي هقوة الصبح خابت به عصير
فيهم اللي للنواميـس والجزلـه زبـون=وفيهم اللي بالعواجه كما رقبـة البعيـر
وفيهم الفاهم وفيهـم بشـر لايفقهـون=خلق ربي طبعهم غيـر والافكـار غيـر
ولاذكرت اللي يشيل الرتب فوق المتـون=وش ملازم (يافلاح بن مرزوق)انت امير
اشهدانك يابن جلبـان للمحتـاج عـون=وانت فكّاك النشب وانت للعليـا وزيـر
عرق(ساس الطيب)مايندثر مدى قـرون=ساطعٍ نوره على الدرب لأحفـاده ينيـر
ودايم الأبناء على منهج الآبـاء يجـون=ونعم ياجلبان واللي على نهجـك يسيـر
هم هل الغلباء هل المجد ووساع الطعون=من تهقوى حربهم مالقى عنهـم مُجيـر
وفعلهم للضيف زبر الشحم ملي الصحون=كاسبيـن المجـد مايُذكَـرون إلابخيـر
قلتها وانا من اللـي ولدهـم مايخـون=يذكرالمعروف سيـفٍ لعدوانـه شطيـر
من رجالٍ يم حـوض المنايـا يـاردون=شيخ من روس السلامين حامين القصير
لابـةٍ لاجـا نهـار الملاقـا يفعـلـون=ورعهم من قو باسه مع اولهـم مغيـر
محتويـن المجـد بالعبدليّـه يعتـزون=ومنسبي لعيال عبّاد من ربعـي مطيـر
وســـــــلامتكم
نايف السلماني
وهذا رابط المشاركة الاصليه
اصغط هنا
غير متصل
