لــــــــــبيه لو تكتب ثمنها على شيك**حبة خشم جاااااااااالس ولبيه مافيه

[هاجري وربي الله]

اللي يصرفني لاقـــــــــــــــلت باجيك=حلفت لو ماالقى معازيب ماجيـــــــه
ياشيخ انا غني واقول الله يغـــــــــنيك=اللي عطاه الله القناعه بتغنــــــــيه
مطامعي متعديات مخابـــــــــــــــــيك=اطمع مزايا الرجل مطمع مخابــــيه
لاجيتك اشحذ قول مانيب مــــــــعطيك=اجيك ضيف واجب الضيف يبغيـــه
هـــــــــــلا وسهلا وارحب الله يحييك=كرامة الضيف يبيها وتقريــــــــــــه
ماقول فيك قصور صيـــــــــتك يكفيك=خايف على حظي ولا نيب مهفـــــيه
وشيخ ولــــــــد شيخ ولا فيك تشكيك=لاشك شيخا لايبيني ولابـــــــــــــــيه
لاهوب كرها لك ولادقة فـــــــــــــيك=طبعك يخرب طيبك اللي تسويـــــــــه
منته ببوي اقول عونك ولـــــــــــبيك=سمّ ونعم وافرح ولاهوب لبــــــــــيه
لــــــــــبيه لو تكتب ثمنها على شيك=حبة خشم جالس ولبيه مافيه
اعلم وادر مافي الــــهواجر صعاليك=شئ ينزل روسنا ماندانيه
ماحنب للخرده عبــــــــــــيد ممالـــيك= لو تملك الخرده من الهيه للهيـــــه
نذر ويمين اثنين والثالثه ذيـــــــــــك=مااخضع براسي للمصالح ووطـــيه
نفسي عزيزه فوق سحب السما تيك=اهين نفسي ليه واذ لها لــــــــــــــيه
الكنز عـز النفس للاعلى يعلـــــــيك=من عز نفسه للعوالي تعليــــــــــــــه
بصيحلك يا اللي صياحي بيصحيك=اللي بيصغي للنصيحه بتصحـــــــــــــيه
لامنك خليت المـــــــــــــعزه تخليك=مهيب دكان تبيعه وتشريـــــــــــــــــــه
يااللي لك اذن تسمع اللي يوصيك=وصّاك مطلق وابومطلق موصــــــــيه

[المزاح]

ارحب ياهاجري وربك الله وربنا .....

وتسلم يمينك على المشاركه الرائعه وصح لسان صاحب القصيده الجزله التي فيها من الحكم والمعاني الطيبه ...

ويعطيك العافيه وتقبل تحياتي

[هاجري وربي الله]

المرحب باقي ويسعدني مرورك

[اخو شما]

اعلم وادر مافي الــــهواجر صعاليك
............................شئ ينزل روسنا ماندانيه

والنعم فيك يالهاجري وبربعك

قبيله عزيزه لها فعول وامجاد

قصيده جزله صح لسان قائلها

حياك الله يالهاجري في منتدى سبيع الغلبا

حياك الله في منتدى سبيع لباسة البشوث كبار البخوت

حياك الله في منتدى سبيع هل المثلوثه

حياك الله في منتدى سبيع مدلهة الجار متيه البكار

مرحبا والله ومسهلا فيك يالهاجري

تفضل المنتدى منتداك وحنا اخوانك

سعيدون جدا بانضمامك لمنتديات سبيع الغلبا

[هاجري وربي الله]

الله لايهينك والله يبقيك ويحيك وهذا الشئ كنت متوقعه منكم وليست غريبه فأنتم قبيله عريقه اصيله ذات حسب ونسب واهل الكرم والمورءه ;

[مروّض]

حياك الله يا الهاجري...

و الهواجر قبيله عريقه ذات تاريخ معروف...و نعم فيهم من دون قصور في الاخرين

مطامعي متعديات مخابيك=اطمع مزايا الرجل مطمع مخابيه

صح لسانك على القصيده...أبياتها جزله...و مفرداتها جميله

استمر معنا يا الهاجري...ننتظر مشاركاتك

و سلمت لنا يا الغالي...

[خالد الشماسي]

أرحب يالهاجري

وصح لسااااااااااااانك ملايين على هالجزله

تحمل معاني جميلة جدا

والنعم بالهواجر من غير قصور في باقي القبايل


تفضل مرحبا ومسهلا <<< قرى الضيف :)

[عــرق الشــــري]

مرحبا يالهاجري

وصح لسانك على هالجزله

ابيات شامخه

وسلم الله مطلق وابو مطلق والله

ياهلا ومسهلا

[ابن جـــــــراح]

مطلق بن ناصر الهاجري

ارحب ملايين

وصح لسانك يا القرم ملايين

والف نعم في الهواجر

فعلا قصيده جزله بيض الله وجهك عليها

ونحن سعيدون بانظمامك الينا

اخ وعزيز يا الهاجري علينا

تحياتي لك

[هاجري وربي الله]

الله لا يهينكم وانا اسعد بانضمامي اليكم تحياتي ياسبيع الغلبا يا سبيع لطامة العايل