بسم الله الرحمن الرحيم
السلام عليكم ورحمة الله وبركاته
هذي قصة مع القصيدة التي كثيراا مانسمع عنها,, وهي للشاعر جبر الحمادي ,, : وهي ياطويلين العمر والسلامه,ان الرجال
كان يسكن مكة المكرمه , وكان صاحب كرم وجود, ومن اطيب ربعه في ذلك الوقت, وكان يبيع ويشتري ويطلب رزقه من رب العلمين, وكان بيته مفتوح لربعه والضيفان اللي يلفون عليه, واشتهر بالكرم عند الجماعه
وكان له ولد من غير زوجته التي عنده وقد طلق ام ابنه الكبير
وكان والده لايعجبه ماصار اليه ولده من خمول وكثير النوم اللي على غير فايده, وفي يوم من الايام وصى زوجته اذا جاء كالعاده يدور
الغداء ولا العشاء , الا تفتحله الباب , وكان قصده لعل يظهر له قلب مثل الناس والعالم , وينفع نفسه ولايكون اتكاليا , وان ابوه لن يدوم له , وعندما سكرت بوجهه الباب , وبعد كثير من الطق فتحت له الباب وكان الوقت الضحى , وكان ابوه قد حضر فقال ابياتا على ابنه وفهمها الولد وهو يقووووول:
ياعاشقيـن النـوم مافيـه ثـابـه.. ماسر في المسعى كلاب(ن) رقودي
ترقد لو ان الناس تمشـي ضبابـه.. ومطعومهن من الوسخ والجلـودي
وان كان ماجاك الولد فـي شبابـه.. فالمرجله مثل الحطب في الوقودي
حتيش لو هـو وليـدي وش ابابـه ..لانافـع( ن) نفسـه ولافيـه زودي
وعندما سمعها الولد احتس في نفسه وظهر يدور من يرافقه الى الغربه لطلب الرزق, وعندما وجد من امثاله
وقصدهم قصده مشوا جميع وعندما وصلوا المستجده بضواحي حائل خالفهم ناس يعرفونهم متجهين الى مكة
فارسل معهم رسالة الى ابوه على شكل قصيده وهو يقوووووووول:
ياهل الركايب مصرخات الاشـده...مربعـات ويكسـرن اللـواحـي
تلفون جبر اللي علومـه مسـده...ذباح كبـش مدوريـن الرباحـي
قلـه ترانـي واطـي المستجـده...ومن لانشدني مادرى عن امراحي
لـزوم يذكرنـي لاجـاه ضـده...لاعودوا عقب اللقـا للسلاحـي
لامن كل(ن) وصل بالضيق حـده...والمر من كبده تدريـق وفاحـي
وحينما وصل الخبر ابوه جبر ندم ندما شديدا لانه هو السبب في ابتعاد ابنه عنه وترك البيع والشراء والبيت
واخذ رفاقه معه وراح يدور على ولده , ولم يلقاه ورجع ومن معه وهو حزين وقال هذه القصيده:
أقول يازرفيل قـم ولـع لنـا النـار....في ماقـع(ن) مـن السيـل طاحـي
في ماقع(ن) ماطب من عقب الامطار...ياكود غـزلان(ن) تبـوح البراحـي
ثم سو لي فنجال(ن) يوم انت بيطار...أشقر كما زهـم النعـام الضراحـي
ماهمني الا كان جا بالبيـت خطـار...متذكـريـن فعولـنـا يـافـلاحـي
أنـا وعبـدالله وزرفيـل والـكـار...غبنا علـى مثـل النعـام المداحـي
غبنا على هجن(ن) مع الـدو عبـار...يشـدن سفـن مقتفيهـا الريـاحـي
ثم لحق عليه الهم وبلغ معه المرض حتى الموت وتوفي وهو حزين اثناءطريقة للعودة الى اهله ودياره...
اللهم صل على محمد وعلى آله وصحبه أجمعين
غير متصل
