قصيده ترحيبيه للشاعر /علي بن ربح السبيعي بمناسبة زيارة سبيع اهل رنيه لأخيه الشاعر / فهيد بن ربح السبيعي
بتاريخ 18/10/1427ه
توكلنا على الله لا اله إلا الاله الله=احد فردٍ صمد جل وعلا شانه وتعضيمه
جليل الملك لاينسا ولايسها ولايخفاه=خفايا الكون ويسير نظام الكون تقويمه
بست ايام يتفنن بديع الصنع في مبناه=تكامل بكتمال الست ترتيبه وتنظيمه
رفع سبع او بسطهن سبع واخرج ماه مع مرعاه=رواسيها الجبال الشم وصروح السماء خيمه
مصابيحه نجوم وشمس مع بدرٍ تشع اضواه=ليامنه كشف بدد دجاء ليله وتعتيمه
تحت سقف الكريم إللي رفع سقف السماء وارساه=رفعهن سبع والكرسي على عرشع بتصميمه
تجلى فوق كرسيه ومن يدعي سمع نجواه=يجيب لدعوة المضطر لو كثروا غراريمه
تضرع بالدعا عبده بظلمات البحر وانجاه=تعالى منقذ المدرك من البحر ولواهيمه
بعد ذكره وتعظيمه نساله رحمته ورضاه=عسى يغفر لهذا الجمع ويبدد مواثيمه
بتوحيد الربوبيه مع أُلوهيته واسماه=على سنة شفيع الخلق وكتابه وتحكيمه
عدد رش السحاب إللي من المنشاء تنثر ماه=ليامنه نثر وبله تمزع وانقشع غيمه
هلا يامرحبا في مرحبا ترحيبتاً مهداه=نيابه عن مقام الحفل فالحفل ابمعازيمه
تراحيب المطر والعود فالمجمر تفوح اشلاه=يذعذعبه نسيم النود مع نفحة نواسيمه
بنفح المسك والريحان والمعنى يجر غناه=يردد كلمة الترحيب ويلحن ترانيمه
تحيه باسم ابن مصلح عليها كلمته وامضاه=يوزعها لكل الجمع تخصيصه وتعميمه
نيابه عن بني صامل شغاميم الكرم والجاه=وعن شيخٍ فعول اهله لها تاريخ ومقيمه
سندنا شيخنا راجح عسى الله يحفظه بحماه=حليف الراي العلى صيرمياً من صواريمه
ولد نسل الحرار إللي لهم شعري على منحاه=مهوب اول ولاخر نص في فعله وتفعيمه
يقدم صاحب اليمنى على ماقدمت يمناه=مع التقدير وإللي زارنا نسعد بتكريمه
اهل رنيه رجالاً جودهم مايختلف مبداه=لهم منا مئة مليار ترحيبه وتسليمه
هل المثلوثه إللي ذكرها في اقصى الوطن وادناه=وابن قطنان صوت بالعشاء في اقسى مواسيمه
اهل رنيه واهل بيشه بحزات اللزوم دهاه=وهل الخرمه مع اهل رماح واطرافه واقاليمه
من الخفجي ليا فيضة خريم وفيضة التنهاه=مع اهل الخرج والحاير وجيانه واحاويمه
جمعهم عزوةٍ وحده ليا جاء للمقام عزاه=سلايل عزوة الغلباء سنام المجد واقليمه
هل الغلباء سروج الخيل ولحم الشعاف حماه=يجي للشعر فيهم ذوق والكلمه لها قيمه
وارحب بالصوامل كل من شرف وشرفناه=رموز امجاد فالدنيا وفي الدين وتعاليمه
على قول المثل علم الحيا والطيبين انباه=تبين وكل طقة راس للعاقل بتعليمه
تعدد قيمة اهل الفعل وفعول الرجال اشباه=عددك إللي يساوي ناتجه ضربه وتقسيمه
ولكن الكلام إللي يصب الراي في معناه=صبي المرجله والجود مايترك ملازيمه
مبادي كل مدغوشٍ مقام المرجله يزهاه=تراكاء عزوة الغلباء على عزمه وتعزيمه
اشارة علم والعارف يعرف العلم من مغزاه=عناوين الرساله تشرح المعنى لتفهيمه
يزيد الحكي ترديده وطول الليل في مسراه=وكثر الجهل في الاعراب مشتركه قواسيمه
يقوله شاعرٍ ماقال غيرإللي عليه املاه=ضميره والكلام احكام كلاً له مفاهيمه
كذا وإذا ان به شخصاً عطاني شي من مخباه=يمنه والله المنان ةاقسم له بتحريمه
بدايتها دعا مع ذكر واختم بالدعاء لله=بواسع رحمته يحسن عملنا في خواتيمه
شكراً لأخي العزيز
ربح السبيعي
على إيراد رائعه من روائع علم من أعلام القبيله في الشعر
علي بن ربح شاعر لايحب الإعلام والإعلام يبحث عنه
والشكر لأبويزيد لهذا الطلب الرائع
وسلمت يمينـــــك التى حملـــــــت لنا هذا المســـــك الفواح قصيده جزززززززززززله من راس جزززززززززل
سلمت ياربح وصح لسان الشاعر العلم علــــي بن ربــــــح.
وشكراااا لك يابوخالد على تلبية طلــــب اخيك.
واستغل هذه المناسبه لتوجيـــه نــــداء هام لكل ابناء الغلبا لتزويدنا فى هذا الصرح الشامخ بقصائد شعراء القبيله الذين لم يخدموا اعلاميااااا بالشكل المطلوب ومااكثرهم.
غير متصل
