اعضاء منتدى سيع الغلبا السلام عليكم ورحمة الله وبركاته حبيت ان اقوم بنقل هذه القصيده للشاعر//فايز مسرع المكاحله السبيعي عسى ان تحوز على رضاكم ويقول فيها.؛
بديت وذكر ربي ببتديبه=الاه الكون مااعبد رب غيره
وليامنا بدينا في الصعيبه=ماتسوى عندنا حبة شعيره
اقوله والعرب تشهد لقولي=رجال الحق ورجالٍٍ خبيره
ليامنك ساءلت وقيل منهم= سوالك منهو متيه قصيره
ولا تساءل مدورت الدوادي= ملفقت القصص من كل ديره
يجاوبك الحكيم بكل صدقه=سبيع الي لهم نخوه وجيره
مـزايـاهم كـثـيـره ماتـعـدد=وكلن له مـواقـيـفـن كـثيـره
لـنـا في دارنـا عـز وكرامـه=ولنا وقفات في شبه الجزيره
سبيعي من اصل والفخذ مكحل=اـنـا في قـمـة التاريخ سيره
على وقت مضى في وقت ماضي=اخو طفله لنا شيخ العشيره
يــهــزم الـقــوم لادارت رحـاهــا=عـــدوه ذوقـــه دم وذخـيـره
معه ربعه متعبت الاصايل=خذينا الاوله ماهي الاخيره
وهـذال يـدير القـوم بعـده=يقـود الـقوم ويصـد المـغـيره
وجدي فايز كحيلان فارس=نهار الغزو تتبعه المسيره
عقيد وقايد وشهم وسنافي=ورب البيت دايم يستخيره
عطاه الحظ عالي في زمانه=لاجاب الكسب مايزعل خشيره
ورث لعياله دروب المراجل=ولاحدن جاب هقواتن صغيره
انا في مدح ربعي ماتراجع=مديحين ومواقفنا خطيره
يومن الخبل مايمسي من الذل=سبرنا القوم في راس الجديره
ذكرت من القليل وباقي اكثر= وغزواتن مانحصيها كبيره
اعلم من جهل وافخر بربعي= ولاحدن يلحقه شكن وغيره
وفي عهد الملك نعلن ولانا=على شرع الله اجيالن غفيره
وصلات الله على الهادي محمد=عدد ماتمطر مزونن غزيره
غير متصل
