يامن عيــــن ابن اشـــــماس يوم السمر طاب

[خـوي الدرب]

يامن عين ابن اشماس يوم السمر طاب .... عسا الله يوفقنا لبـــــــذل الســــــبايب

عسا حضه الليـــله مثل حض مشــــعاب .... ليا خربت الدعـــوى يفك النشـــــايب

[مندوب سبيع]

مساك الله بالخير ياخوي الدرب .. ‏‏

يغيب المدير وفيه لاغاب نواب ** وانا ياخوي الدرب ذالليل نايب‏

عسى الله يكفينا المشاكل والانشاب ** ومن عاش فالدنيا يشوف العجايب

[خـوي الدرب]

تقــدم بعـد ياصاحبـــي صاحـــبك غــاب .... ومعــذور لامن صــار فالـوقت غـــايب

ترى الجمره الليله علــى راس مشـــهاب .... ليـا شـــبت النــيره نشـــب الشــبايـب

[مندوب سبيع]

حظرنا بميقاف السعد بين الاصحاب ** طرات السوالف بين ربع وقرايب‏

‏‏
والا ياخوي الدرب ماعنك مجناب ** ليا شبت النيران فانت السبايب

[خـوي الدرب]

ناباها على غيـرك وجيت انت طلاب .... لكـن استلـمها مـن عطـيب الضـرايب

ابطويك ذا الليله مثـل طـويت الداب .... واباشـب فـوق الـراس نــار و لهايــب

[مندوب سبيع]

تبيها وتخطيها وجاتك على الباب ** نبا نقبرك في قبر ماله نصايب

ياراع الهقاوي جوك عكفان الاشناب ** بعد غزك الغاوي لعين الصلايب

[خـوي الدرب]

بعـد صرت بين الضـرس ياهــيه ونـاب .... ترفـق ولا تجـني علـيك المصـايـب

انــا هـقوتـي علـيىء علـى راس مـرقـاب .... ومثـلك نـوريه القـشر و العـجايب

[مندوب سبيع]

لابالله حشرك الحظ في وسط سرداب ** اخذها على المكشوف حاضر وغايب

ابو زيد تخلف هقوته هقوت ذياب ** وهذا مثل والا المراجل وهايب

[عبدالله الحضبي]

روعه شكرا لكما على التميز

[خـوي الدرب]

يامندوب ريح مالك و مال الانشاب .... نعرفك ترى منته لها فالحرايب

اشـوف الثعالب قامت تحد الانياب .... ولابه غرابه في زمان الغـرايب