ان كان فالدنيا حظوظ وتوافيق
الله ييسرنــا لدرب الجمـــــــــاله
مدري علام الوقت يحتاج توثيق
من شان ماتنسى علوم الجزاله
وقت يضيق خاطر الرجل تضييق
اضيق من اوسع سم الابره مجاله
ضيق على حرن رقا قمت طويق
الله يذكرنـــا بوقت الجهـــــــــــاله
من شان ماتجرح حرارن محاليق
تشابهة شيخان معها عمـــــاله
والوقت مايحتاج درجه وتلبيق
لابد مايثبت بدون انحيـــــــــاله
وفعل الرجال اهل الوفا والمواثيق
يثبت ولا ينزاح لآخر مطــــــــاله
بأول زمان الرجل يعلق معاليق
ويسعى ليبقى ذكر فعله مثـاله
أما علا ذكره وطاف المخاليق
واصبح مثل دارج وكلن دعــاله
وروس العيال اللي وراهم بملاحيق
تصبح مابين نجوم والطيب شاله
واللا نسوه وكل فعله تلافيق
وأرث ردات الفعل مما مضــاله
واليا طرق فعله مابين الطواريق
يالله بسترك لايجيلي ما جـــاله
حلق عليه العلم لوطاق ماطيق
وكلن جرحه بهرجة وانتحـــاله
وترى الهروج اثبات مافيه تعليق
من قال له هرجه يثبت مقــاله
وانا رقيت وطفت كل المطاليق
وصلت لي مشراف صعب وصاله
من لابتن لاصار للفعل تدقيق
يبقى لضربتنا وسوم ودلالــــــه
نطرح شيوخ القوم من دون تحقيق
واللي يجي بعده من اطيب عياله
من ذكرنا تنشف حناجر من الريق
من هيبه فينا وسطوه واصاله
ماني من اللي يتبعون المطافيق
اللي تبع تبعن عناله عنـــــــاله
تبقى لي اسرارن بوسط الصناديق
ماني من اللي مايصون الرساله
آرد على عد الشعاب المخانيق
يجلا الكبود الضاميات بدلاله
مارد على عد هماجن من شقيق
من شرب منه اليوم ياشين فاله
اقلط وتلقالك دلالن و اباريق
والعود الازرق مانمل اجتوالــه
افهم ترى للطيب وصف ومناطيق
تحفي قدم منهو عناله مشاله
غير متصل
