عكس اتجاه (الغضياني) و منهاجه

[ابن الوديان]

هذه مجاراة بدأها الشاعر / مهدف وجاراه إعجاباً وأحتراماً له الشاعر / ناصر الفراعنه أترككم معها :ـ
.


الى صاحب الشان \مع التحيه




طارت طيور الهوا بالجو ملتجه
ورقابها صوب نجم سهيل منعاجه

وقالو محرم يجي من بعد ذا الحجه
وبعض العرب في شهر عاشور حجاجه

وقلنا على مثل هذ ا نقوم الحجه
لو ان بعض العرب يكثر تحجاجه

شاعر- مهندس وريس قوم وموجه
ما يجهله كيف مدخاله ومخراجه

وليا نواله طريقٍ(ن) بالقدم وجه
ماهمه الليل في مسراه و ادلاجه

عساه ياخذ مع الأيام له سجه
وعساه دايم بخير ويضحك حجاجه

المشكله لا خبر لا علم لا ضجه
عكس اتجاه (الغضياني) و منهاجه

على كذا اشوف بعض الناس محتجه
مجرد اعتاب والا مالها حاجه

يالله عسى الوسم دايم وبله يزجه
وتبطي بروقه على الوديان لعاجه
.
.
فكانت المجاراة من الشاعر ناصر الفراعنه :
,
,

هم على هم معلوق الحشا كجه
في مقعد الروح إسراءه ومعراجه

قام يتعاقب علي من وين ما اوجه
كنه مع القلب في جنزير درّاجه

في حلقي الماء يخال اكفاه وامجه
وابن آدمٍ ما يقول الا بما واجه

لعيونك اجذب عروق الدلو وارجّه
وانظم من اللولو المنثور ديباجه

يا خال حقك علينا ما يبي حجه
الخال والد وعند الضيق نحتاجه

وما يبور في خاله الا واحدٍ دجه
هلباجةٍ وين ما تلقاه هلباجه

مانيب ادور من حقوقك علي هجه
انا كما الراس وانتم في العرب تاجه

فلم حصل في عجل ومصاحبه صجه
غير الثلاثه ما احد يدري بمونتاجه

وحنيت من عن بلدنا مبعدٍ فجه
من كايد الخطّ ملويّه وبطناجه

وشرط الخوي كان واضح ما يبي لجه
وقلنا على ما يبي لو يقلب الصاجه

وصارت عن القوم دون الوسع والبجه
عكس اتجاه (الطليحاني) ومنهاجه

لعل نوٍ يسابق وابله عجه
يفتق سما نازل الوديان وهاجه

[س ب ع 777]

	ابن الوديان اشكرك على نقل الموضوع الرائع جعله الله في موازين اعمالك تقبل مروري يالذيب :sparkles:والى الأمام س ب ع 777

[ابن الوديان]

اخي الكريم سبع 777
بارك الله فيك
.
مرورك على المشاركه زادتها روعه
.

[مسلط 22]

أخوي / ابن الوديان شكرا لك على القصيدة ومجاراتها وصحت ألسن الشعراء وبيض الله وجهك مع أطيب أمنياتي وخالص تحياتي .

[ابن الوديان]

اخي مسلط 22
ووجهك ابيض
.
والحمد لله بأن ما اوردناه قد نال استحسانكم
.
تقبل خالص تحياتي