منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
كتبتها بمناسبة إنتداب صديق العمر إلى أحدى الدول وعز علي فراقه وجادة القريحة بهذه الأبيات أرجو أن تنال إعجابكم,,,,,
ياوداع ارحل ترانا عن جنابك غافلين=ياكبر هم المفارق والسبب لحظة وداع
بس مؤمن بالذي أوحى الى الهادي الأمين=سالك(ن) درب إتباع وتارك(ن) درب إبتداع
وفي حياتي لي تجارب تذهل الطفل الجنين=وقالوا إسأل خير تسأل من ملك خبرة وباع
ياسَعد ياسٍعد منهو يذكرك جنبه قطين=في زمن جل المعارف أصبحت عكس الطباع
والطبع عكس التطبع وأنت لك طبع(ن) متين=غارسه عود عظيم(ن) قد ظهر صيته وشاع
الشجاعة والكرم في ذبحة الشاه السمين=كم سبقت إلي من أعماله يفوح الإصطناع
ياسَعد طول غيابك وأنت توك ياعوين=مابعد أقفت رحالك وأرتفع راس الشراع
كيف قلي وإن حصل في غيبتك فرقا سنين=يمكن إني غصب عني يكتفي صبري إنطياع
ومن مكاني لمكانك أعتبرها خطوتين=والحقيقة هيه أكثر من ألف باع(ن) وباع
والنهايه أذكر إلي قد جمع عين(ن) لعين=عين يوسف لبو يوسف عقب طول الإنقطاع
ما شاء الله عليك يبو صيته
متأكد ان هذي مهيب بداية
أقل شي يجول بخاطرك شي من الشعر وتازنه وتضبطه
وتكتب شين بسيط وتمحيه
المهم ان قصيدتك جزله جزله جزله وشعارن واجد يبطون ما جابوا مثلها
صح لسانك مليوووووووووووووووووووووووووووون
غير متصل
