تغطية :حصريا: حفل عشاء على شرف المحامي / طلال سعد الجلال السهلي ،، بعد التعديل

[فهيد بن راكان آل دخيل الله الملحي]

بسم الله الرحمن الرحيم
السلام عليكم ورحمة الله وبركاته ،،

تغطية اخوكم / فهيد بن راكان الملحي السبيعي ،،

،،،
أقام الاعلامي والشاعر / خالد العبد الله القريشي السبيعي واخوانه الكرام حفل عشاء على شرف المحامي (( المحامي / طلال سعد الجلال السهلي )) لوقفاته المشرفه بجانب الشاعر / خالد العبد الله القريشي وكذلك وقفاته مع ابناء القبيله وهذا ليس بغريب على (( ابوسعد )) لوقفاته الطيبه والتي لا ينكرها احد ،،

المحامي / طلال سعد الجلال السهلي ،،

وهنا نفيدكم بانه حضر الحفل من ابناء قبيلة سبيع الغلباء وابناء قبيلة السهول الكرام وعلى رأسهم آل الجلال وهم :-
رجل الاعمال السيد / مشبب الجلال ورجال الاعمال السيد / صطام الجلال والسيد / سعد الجلال والسيد سعود الجلال ومجحم الجلال ومتعب الجلال وابنائهم الكرام وكما حضر ضيوف من المملكه العربيه السعودية من ابناء سبيع الغلباء وكذلك حضر الحفل بعض ابناء القبائل الاخرى ومنهم :-
الشيخ / مانع بن ربعيه الشمري والشيخ / دهيم محماس الدوسري والسيد / خالد سعود العويهان والسيد / محمد الحرفان حيث انهم شرفوا هذا الحفل بحضورهم الكريم جميعهم ،،
وتخلل هذا الحفل :
- كلمة قالها الشاعر / خالد العبد الله السبيعي
- وعريف الندوه الشاعر / سعد عبد الله المشعبي
- وكما شارك شعراء من ابناء قبيلة سبيع الغلباء وعلى الترتيب التالي :
- الشاعر / خالد العبد الله السبيعي
- والشاعر / خالدج الفيصل السبيعي
- والشاعر / نايف العويد
- والشاعر / فارس الجويعد السبيعي
- والشاعر / شافي بن عبد الرحمن السبيعي
- والشاعر / خالد المحسن السبيعي
- والشاعر / خالد الجنيح السبيعي
وكما تم تكريم المحامي / طلال سعد الجلال السهلي بتقديم درع من قبل الشاعر / خالد العبد الله السبيعي
لوقفاته الطيبه والمشرفه ،،
ولاانسى لقد حضرت قناة المختلف مشكوره لتغطية هذا الحفل وسوف يتم الاعلان عن عرض هذا الحفل في القناه في الايام القادمه ان شاء الله تعالي ،،
وهنا قال الشاعر / خالد العبد الله القريشي ابيات في المحامي / طلال سعد الجلال السهلي افتخارا بوقفاته الطيبه ،،

يامرحبا ترحيبة البدو للسيل = وألف هلا بربرعنا والاصاحيب
اعداد ما شاف العرب نجمة سهيل = واعداد ما تشرق من الشرق وتغيب
يامرحبا والفال شقر الفناجيل = وعتالها الخرفان مع الشمخ النيب

أقولها باسم الرجال الحلاحيل = انا ولد عبد الله وخالي عضيب

واليكم التغطية المصوره :

الاعلامي والشاعر / خالد العبد الله القريشي

السيد / شعيل ابوضيدان القريشي ،،

وهنا بداية دخول ابناء السهول ( الجلال ) الكرام وابنائهم ،،

وهنا استقبال رجل الاعمال السيد / مشبب الجلال والسيد / صطام الجلال والسيد / سعود الجلال والسيد / مجحم الجلال والمحامي / طلال الجلال وجميع الجلال الكرام

رجال الاعمال السيد / مشبب الجلال السهلي ،،

وهنا اخوكم مع رجال الاعمال السيد / صطام الجلال السهلي ،،

اخوكم ومع المحامي / طلال الجلال ورجال الاعمال السيد / الحميدي الجلال السهلي ،،

ومن هنا نبدا في بداية الحفل ،،

وكان عريف الندوه الغالي على قلوبنا الشاعر / سعد بن عبد الله المشعبي والذي شرفنا بحضوره الرائع والذي ألقى كلمة و تقديم كل ما احتواه الحفل وكما ألقى قصيده الرائعه،،

بعد إذن راع الحفل يا طيبين الفال=اببدى بدايه بس ماهي بدائيّه
مابي لا عدم تركيز ومكالمة جوّال=معي ركزّوا والامر يحتاج أهميّه
حدثنا جلل مادام في حضرة الجلاّل=ولا كل ليله يا رياجيل عاديّه
يدور الزمان ويختلف والجبال جبال=بقت من ورى خشم الظروف الطبيعيّه
جبالٍ تضدّ الريح وتزبّن الرجّال=لاحدّه زمانه بين هذي وهذيّه
زبنهم وعيّن عندهم طيب علم وفال=لفاهم وقفّى والتراحيب مثنيّه
وباستسمح الحضّار لو للشعر معدال=ابكسر من شروطه بتكرار قافيّه
لعينك بعيد القاف يا محمد الجلاّل=ركيزة سبيع الظلع ولاّ الحداريّه
لو الشيب ينطق بالفخر والله ان قد قال=وقاري خذيته من محمد وجا ليّه
ولعينك بعيد القاف يا مشبب الجلال=تزاهى على متنه بشوتٍ حساويّه
ليا لبسها تقضى اللوازم على ايّة حال=لو انها ورى حد النجوم السماويّه
ولعينك بعيد القاف يا سعد ابن جلاّل=يا حيّ النبا الزاكي ويا حيّ راعيّه
حما طيب جدانه من الجال لين الجال=حجى من شكا جور الزمان وبلاويّه
ولعينك بعيد القاف يا مجحم الجلاّل=ليا حل ذكره قيل للذكر ياحيّه
بليهان لا صارن حمول الجمال ثقال=برك وارتكا للحمل فزعه وماويّه
ولعينك بعيد القاف يا سعود ابن جلاّل=عسى الله يبيحه كل ماحل طاريّه
وعسى الله يبيحه كل بان فيّ ومال=وعسى الله يبيحه كل ماجت شماليّه
بعد زال من وجه البسيطه وهو لازال=يجينا مع الحيين باذكاره الحيّه
هذولا رجالٍ قدّمو للرجال افعال=ولهم فوق صفحات المواقيف ماريّه
بني عمّنا من دون شك وبدون جدال=ولا خير في رجلٍ تجاهل بن اخيّه
يا خالد عساني ما تنقدّت بك ياخال=عقب سقت نفسي سوق والنيّه النيّه
بعد جيت لك ياخال قدر وغلا واجلال=وراسي تزاحم يا القريشي طواريّه
قسم بسم ربّي ما اتباكا على الاطلال=وانا مشعبي ومحنكّتني قريشيّه

وهنا الاعلامي الشاعر/ خالد العبدالله عندما القى كلمته بترحيب الضيوف وكما ألقى ابياته لمدح المحامي / طلال الجلال السهلي والسهول الكرام ،،
كفينه يمين

طيب المواقف يفرق رجال ورجال=والطايله للي على الطيب ضارين
شروا طلال ابن سعد نسل جلال=حر ٍ بنىللطيب دار وعناوين
له وقفة ٍ بالمواجبه تشرح البال=وقفة رفيق ٍ جاء لفعله براهين
كان البشر اكفوفها ايمين وشمال=طلال صارت كل كفينه يمين
امعرب الجدين من عم ٍ وخال=والنعم سجل له بالامجاد نعمين
نعم اليمين اللي خذت طيب والافعال=والاصل من روس السهول والزقاعين
سهولٍ لهم بالطيبل منزل ومدهال=سهلين للصاحب على الضد قاسين
وليا مدحت الفعل برهان الاقوال=يستاهلون المدح ماضي وذالحين
من بيننا يموت عاذل وعذال=ذولا بنى عمي على العسر واللين
قلتله وأنا من لابة ٍ تحمي الجال=سبيع المكارم محتمين الميادين
ويالله يا منزل تبارك والانفال=لا تقطع المعروف وأهل البنا الزين
وطيب المواقف يفرق رجال ورجال=والطايله للي على الطيب ضارين

وهنا الشاعر / خالد فيصل السبيعي وألقاء قصيدته ،،
مدح قبيلة سبيع وقبيلة السهول

أرحبي يالقصايد في محافل سبيع =‏وانتشي يا لقوافي في مقام السهول
‏لو حروف البلاغه ما اعتقد تستطيع =‏تاصل لمستوى الأمجاد لو هي تطول
‏و أروع الشعر نظمه في سماهم يشيع =‏دام الا مجاد تملى الارض عرض وطول
‏مجدهم في سما التاريخ صرحه رفيع =‏شامخ بالمواقف ما يعرف النزول
‏صيت ربعي به التاريخ غصب يذيع =‏شاهد المجد بالتاريخ ماض الفعول
‏لو ذكرنا من التاريخ مجد بديع =‏ما نوفي حقوق المجد مهما نقول
‏كم هدمنا لعين الطيب سد منيع =‏و كم معيب ليا منا زعلنا يزول
‏كانها بالشجاعه شاب منها الرضيع =‏وكان جت للكرم نذهل كبار العقول
‏ما نبيع السلوم الأوله مانبيع =‏دام فينا على الطالات حب وفضول
‏وفى ختام القصيده بأعتذر للجميع =‏حيث تاريخ ربعي ما يوفيه قول
‏قلت للشعر طيع و قال لي كيف اطيع =‏صعبٍ اوصف سبيع و صعب وصف السهول

‏كما اضاف هذه القصيدة الشاعر خالد فيصل السبيعي اهداء إلى الاستاذ متعب ابن ناصر الجلال والتي جاءت نتيجة

سمعته الطيبة رغم اني حتى كتابة هذة القصيدة لم اتشرف بمعرفته شخصيا ،

مسا الخير يا رجل هوى الطيب له منوال =‏كريم الفعايل سبرة العز منوال
‏ورث طيب راسه من مواريث عم وخال =‏وراثة وفا الجدين من عمه وخاله
‏صحيح الرجال اهل الوفا ينجبون عيان =‏و كل يربى حسب مفهومه عياله
‏و انا اقصد بقولي ( متعب الناصر الجلال ) =‏سليل المكارم منزل المجد منزاله
‏انا ما اعرفه كشخص اعرفه ذكر وافعال =‏عرفته من اذكار الوفا عنه بأفعاله
‏ولكن كلمته على الهاتف الجوال =‏وغمرني بقول المر جلة عبر جواله
‏كلا مه خذاله في سما خاطري تجوال=‏من اللي سماته يدرك الفعل والقاله
‏ولقيته وفي ٍ بالمواقف مثل ما قال =‏لا والله تعدت طيبته كل ما قاله
‏ولاهي غريبه منه رجل حفيد رجال =‏وكل ٍ حسب شيمة هله يرمي حباله

‏

وهنا الشاعر / نايف العويد وألقاء قصيدته ،،

بسم الله أبدى .. فـي بدايـة كلامـي=سلام ياهل الحفل .. واللي حضر فيـه
تعم .. ربعـي دون تحديـد أسامـي=وكل حاضر وغايب عن الحفل تعنيـه
يامرحبـا .. ياعزوتـي ياحـزامـي=كل من حضر حفل ( القريشي ) بحييه
ومع فايـق التقديـر .. والاحترامـي=ترى العتب مرفوع وايضا المشاريـه
بمدح لـي رجـالاً عـزازاً حشامـي=وفي مدحهم شعـري تزاحـم معانيـه
وبخص ( أبو جلال ) مروي الضوامي=( محمد ) اللـي ياعسـى الله يبقيـه
في الطيب حاز ونال ارفـع وسامـي=لاذكروا اهـل الطيـب محـدٍ بناسيـه
وبخص ( أبو مجحم ) عظيم المقامـي=طيـب وطيبـه كلنـا نفتخـر فـيـه
( كريم سبلا ) مـن ارجـالاً كرامـي=ضيفه مـن كبـار الصنايـا يعشيـه
و( سعد ) مثل ظلعاً طويـلاً وزامـي=وافـي خصـال وافـيـاتٍ معانـيـه
أسمه عظيـم ومـن رجـالاً عظامـي=والطيـب لوهـو بالملاييـن يشريـه
و( مجحم ) وريث الطيب نسل القطامي=مليـار نعـم يقـال لاحـل داعـيـه
مجناه راس اللـي عسـاه الرحامـي=( أبو جنيح ) لاطرى الطيـب نطريـه
هذاك ( أبو عايض ) لأذكرت لسامـي=كـلاً ينعـم لـه ليـا حـل طـاريـه
ولا من مدحت امدح ( طلال المحامي )=كريم .. طلق احجاج .. وافي ونغليـه
ويستاهلـون المـدح والله عمـامـي=واخـص بالتقديـر والمـدح راعيـه
عمي ( أبو مزعل ) كريم .. الكرامـي=هو تاج راسي .. عزوتي وافتخر فيه
وفي مـدح ربعـي ماعليـه ملامـي=فيهم جزيل الشعـر تطـرب قوافيـه
مافيـه فـرقٍ بينـهـم بالأسـامـي=هـذا ولـد عـمٍ وهـذا أبـن اخيـه
والعذر منكم .. كـان قصـر كلامـي=عذري معي .. والشعر شابت قوافيـه

وهنا الشاعر / فارس الجويعد السبيعي وألقاء قصيدته ،،

اقولها من قلب صادق ليا قلت=انك تطول الطايله في سماها
لو مالت زحول الرياجيل ماملت=يا هامه جبال السراة ومداها
انت الذي لا قلت يا بوسعد طلت=وغيرك يقول وتتعبه ما قواها
ولا انت يا كحيلان شلت وتحملت=ذيك الحمول الكايده من غثاها
مديت سمنى الجود لا ما تسألت=ما رحت تنشد عن خوافي بلاها
حق ٍ على لا شفت فعلك تناولت=بيوت القوافي يوم فكري بناها
مع هزيل الحرف لا ما تعاملت=اتعب على الجزله وادور وراها
اخذ وانقي من دررها ليا جلت=حتى اكتمل عقد القصيد وزهاها
يا ذيب طابتلك وبأفعالها نلت=يابن الرجال اللي يذرى ذراها
شاعر ولي نظره ليا من تأملت =ويشدني طيب الرجال ووفاها
الطيب يبقى له صدى وان تجاهلت=وراع الوفاء يبطي وهو ما نساها
وانا خويك لأمحل الوقت ما شلت=هموم الزمان اللى تزايد عناها
والحمد الله ما ذكر اني توسلت=الا لرب الكون عالم خفاها

وهنا الشاعر / شافي بن عبد الرحمن السبيعي وألقاء قصيدته ،،

قبل أعبر وأرحب وابتدي بالقاف ،،، أذكر الواحد المعبود وابدابه
بسم منزل سبا والحشر والاعراف ،،، عالم بما نكن وما جهرنا به
لا بدأ اللازم الغصاب والميقاف ،،، احتمي ما قفي واجمل اللابه
مرحبا عد من يسعى ومن يطاف ،،، وعد حر تعشا صيد مخلابه
اجتمعنا وجينا والقلوب انظاف ،،، عند من كمل الماجوب وارهابه
اجتماع القبيله عز يا العراف ،،، والسهول وسبيع السيف وانصابه
في زمان الجهل والغزو والانكاف ،،، رمحهم في عداهم بان ومضرابه
يشهد الوقت والتاريخ والاشراف ،،، يوم شبت الجزيره حرب وانهابه
عزنا وارثينه من زمان طاف ،،، فعل بين وكل يحسب احسابه
خطوه بخطوه ونتبع خطا الاسلاف ،،، كل طيب بفضل الله فزنابه
وفي زمان الكتل والمال والاحلاف ،،، ما نفع راعي المشعاب مشعابه
الزمن خطوته قدام ماهي اخلاف ،،، والعرب تطرق التاريخ وابوابه
ماش فالناس واحد كامل الاوصاف ،،، وكل بما اعطاه الله يرضابه
والحيا والفعل يذكر قبل ينشاف ،،، والكفو تحترمه اعداه واصحابه
يا ابنا آدم تذكر للعمر قصاف ،،، حظ من باليمين يقدم اكتابه

وهنا الشاعر / خالد المحسن السبيعي وألقاء قصيدته ،، ( وانتظر استلام القصيده من الشاعر )

وهنا الشاعر / خالد الجنيح السبيعي وألقاء قصيدته ،،
قد لي سنه يا خالد من الجزيلات ،،، لو ان لها في ميدان الافكار جوله
شاعر فكر ما نيب شاعر حركات ،،، البحر غصت امواجه وجبت لوله
اتعبت على الابداع في كل الابيات ،،، والمستمع يشفق عليها ويوله
ودعوتك هذي هيضتني بالذات ،،، في مدح من يستاهل اللي بقوله
كريم واسنافي وراعي جمالات ،،، يقول وكل اللي يقوله يطوله
ان نصيته ابشر بالسعد والمسرات ،،، وش فزعته وش طنخته وش قبوله
علي الحرام انه زبون المهمات ،،، يقضي لوزم اللي نصاه بسهوله
المعضله قدام عينه سهالات ،،، في وقفته كل الصعاب محلوله
ابوسعد مثل الجبال المنيفات ،،، ذراه مثل طويق عرضه وطوله
ابوسعد ان جيت ابوصف كما اللآت ،،، نهر كرم بحر وفاء مجد دوله
بالمختصر وان راحت علوم وان جات ،،، يكفي عن اكثار المدايح فعوله
للطيب في وجه السنافي علامات ،،، كنه يطول النايفات بسهوله

وهنا قام الشاعر / خالد العبد الله بتكريم المحامي / طلال سعد الجلال لوقفاته الطيبه والمشرفه ،،
وهنا جانب من الحضور ،،

واخيرا اشكرك الشاعر / خالد العبد الله على ما قدمه واتمني لكم التوفيق ،،
ودمتم بالف خير ،،
محبكم ،،

.

[كلاش]

جزاك الله الف خير يابوخالد
على المجهود الطيب

[فهيد بن راكان آل دخيل الله الملحي]

،،

العفو اخي العزيز/ كلاش والف شكر على الرد الطيب ،،

ودمت بخير ،،




.