اسفلت وقشطه وضفدع وشوكولاته

[اخو شما]

في العاده انا احكم على جودة الطريق من خلال جودة


وتماسك ومتانة طبقته الاسفلتيه!!!


يعني اذا كان الرص والرش مافيه غش ;)

بينما يوجد تباعد كبيييييييير بين مكونات وجزئيات الطبقه

الاسفلتيه


فعندها وش اللي يحصل؟


الله يعين قائد المركبه( ارضيه وليست فضائيه)

ويعين ايضا المركبه نفسها :D على الهرقله والتفكك والتحويل

السريع لقراج الحراج تماما كما يحوَل مريض الخرمه الى الطائف

المأنوس :(

على الاسعاف الخايب الرجاء المتعوس :D :p :D


وبما اننا ندردش عن الطبقات فدعونا نشوف وش معنى الطبقات


الاجتماعيه في كل مجتمع ونمر قليلا على المثل القائل:

" الناس مقامات" :)


من المعلوم ان في كل مجتمع سواء غربي او شرقي طبعا هذا ينحصر

في عالم الانس :D

ولا أدري فقد يكون اخواننا الجن متساوين في الطبقات ;)

مع انني اعتقد انه يوجد بينهم هذا التمييز والطبقيه

زيهم زينا محدش احسن من حد ياعم ;)

فهذا كبيرهم ابليس

وابناءه وطواغيته منزلون كلٌ على حسب شطارته

وغوايته لأخوانهم الانس المساكين :( :(















الظاهر انا شطحنا عن الموضوع شوي :D :p :D

وهذا كله على فكره من تدليس ابليس اللي تونا جايبين سيرته


يوجد بالمجتمعات ثلاث طبقات وهي:

1- الطبقه الغنيه وينضوي تحت لواءها الاتي:

( الملوك_الامراء_ الاغنياء الفاحشين ..لاتفهمونا غلط اقصد الفاحشين

في الثراء ;) )

وفي هذه الطبقه نوعين اثنين وهما:














النوع الاول:


برجوازيه ارستقراطيه...يحبون ان يمسكوا بالمنديل من طرفه :D


وعطستهم غير مسموعه ..اوتسووووو :p


ويالله الواحد منهم يلتفت وتكثر عندهم دائما كلمة ياي ياي


تلقاهم دائما طفشانين متأففين

ويحبون المقتنيات القديمه كالشمعدان ومسدس السميث ومفتاح مغارة


علي بابا الحرامي :D ( على فكره الطيور على اشكالها تقع ;) )

وصوره تذكاريه لشهر زاد صاحبة الملك الذي كان يتزوج كل ليله

بفتاه زي الأمر :) وبعد مايلعب معها احيه يقتلها


حتى جاءت شهر زاد بألف ليله وليله والف قصه وقصه

فسكتت عن الكلام المباح

حتى انبلج نور الصباح ;)









النوع الثاني من الطبقه الاولى:


طبقه غنيه بس مع جنبها :D


مثل مايقولون عنز بدو وطاحت في مريسه :D :p :D

تلقا اهم شي عندهم........فلوس

وتقبل جباههم والرؤوس


ومن البطره وزود النعمه صاروا يأكلون القنبري( هناك من ينطقها جنبري)



في كوؤس


مخلوط بشوية مايونيز وصلصة السوس :)


واذا اكلوا مايأكلون مثلنا


انتم خابرين حنا نخلص الوجبه في خمس دقائق او اقل

مدري طفاقه والا جوع :p

همه لا ..........

اولا مقبلات...تنفخ النفس ولا تفتحها :D

ثانيا الوجبه الرئيسيه وطبق اليوم ويحتوي على:


ضفدع على الطريقه الاسكندنافيه


او ستيك خمسه سنتيمتر في مثلها


او يمكن يخربها وياكل نصف دجاجه على الطريقه الهنديه( الكاري ;) )


او جزء من سنام حاشي توه مفرود :D :D على الطريقه الفرنسيه



ثالثا الحلا او الديزيرت او الديسير


وياعيني على الحلا ;)

فانيلا او شوكولاته ( بعض الشعوب يحلي بجبنه :D )


وبصحه وعافيه على البك وان شاء الله ان النظام الغذائي بتاعك


مايصبهوش خلل
















والله ياحنا طولنا في الموضوع ولكن الله يعينكم تحملوني تراها كلها


دردشه لاتودي ولاتجيب ;)


ومثل مانتم شايفين بدأنا بالاسفلت وانتهينا بالشوكولاته :D :D


على فكره لونهم كله اسود


الله لايسود ايامنا
















2- الطبقه الثانيه من المجتمع هي الطبقه الوسطى


وهي اهم طبقه


ودائما سبحان الله مايكون الوسط والوسطيه في شي الا زانه



حتى وسط البدن والحوض اذا هو ميه الميه ياسلام ;)


واذا فيه خلل تلقاك تمشي بدون كنترول


يعني تحذف


واذا قام الوسط يهز او يهتز :D فمشكله( من المشاهد ان مشكله الاوساط

والاهتزاز تكثر في لبنان ومصر ودرة العروس :D :p :D )


اما اذا كان الوسط متماسك تماما كقشطة التاج :D


فصحتين وعافيه ;)


وهذه الطبقه هي الوحيده القادره على تحريك الدفه والعجله الاقتصاديه

لأي بلد



وهي التي تملك القوه الشرائيه


وبأنهيارها ينهار البلد وما حصد


بمعنى ان الغني هو صاحب السلعه والمسوق لها وحتى يظل قابعا على


عرشه لابد ان ياتي اخينا في الله من جزيرة الطبقه الوسطى

فيشتري ويسلك الشغله ;)

ويحرك الدوره الاقتصاديه تماما......... كأنه دودة القز :D :D


صح والا لا؟ :p


فليس من المعقول ان يشتري الغني من نفسه ويبيع عليها


وكذلك ليس من المعقول ان تقدم الطبقه المعدمه والتي سنتكلم عنها بعد


قليل بالشراء بشكل دوري ومستمر














اذن فالعامود الفقري للأقتصاد المتين هو الطبقه الوسطى


( مدرسون_ موظفون_ ضباط_ مهندسون_ رجال اعمال مبتدئون :D ...الخ)


على فكره فيه مدرسين انتقلوا من الطبقه الوسطى للغنيه


بس عاد مأدري راحوا للبرجوازيه


او الاخرى ام ضفادع :D :p :D :p
















3- الطبقه الثالثه في المجتمع:


الفقيره المعدمه.....ماكله هواء كما يقال( مع ان الهواء لايؤكل بل يستنشق ;) )



ومن الغريب المضحك المبكي :( :(



ان شعارها دائما:


" القناعة كنز لايفنى"



على فكره الشعار ذا ماسوقه لهم وضحك عليهم فيه الا الاغنياء



لأنه لو ان كل فقير سأل نفسه:


أجل انا عندي شي حتى اقنع!!!!!!!



طبعا الدين والصحه والعقل خارج المعادله من الناحيه الفلسفيه


واحد يقطع الطريق على مداخلات وزعل الاخوان المطاوعه والملتزمون ;)


..........( مع تحفظي الشديد على لفظ مطوع وملتزم)...............



طبعا هده الطبقه تتميز بالاتي:


اكل النواشف اذا امكن :(


يستخدمون التمر مع الشاي بدلا من البسكويت :D :D


الشغل في المصانع واستنشاق ثاني اكسيد الكربون



تجميع الحديد والقواطي :( :(



مسح الاحذيه تونا ماوصلنا لهذه المرحله الله يكفينا الشر :(



سياراتهم اذا كانوا يملكون سيارات ماتشتغل الا بالاشتراك :D



لها طرطره وصرصره من اول الشارع


وتلقاهم يركنونها كيفما اتفق :D



لأنهم لو كانوا يملكون


كدلك او روز رايس او بي ام او اودي او فكسار( سيارة الكشخه عند


البدو :D :D )



كان شفتهم بلشانين فيها



وتلقى شكلهم اصلا غلط وهم راكبين فيها :D :D




الا ابغى اسأل سؤال؟















شعار القناعه كنز لايفنى



لو مثلا جمعنا مليون توقيع عفوا اقصد مليون شعار



كم تساوي في سوق الاسم والبورصه والسندات ;)




ومن العجب ايها الساده الكرماء اعضاء منتديات سبيع الافاضل



انه من المستحيل ان يصبح العالم كله طبقه واحده


والا لفسدت الارض والسموات


فهذا ناموس الله وسنته في الاكوان


تماما كما انه لايمكن ان يصبح اعضاء منتديات سبيع كلهم مشرفين :D :D


او كلهم اعضاء مساكين على باب الله :( :(


او كلهم صاحب الموقع ومدير المنتدى( احترامي سيدي )



تدرون انا تعبت من الكتابه..................... مع السلامه ;)


















لحظه لحظه وين رايحين :D :D قدام ماأروح نسيت اقول شي؟




كل واحد منكم يصنف نفسه في أي طبقه!!!



فأما ان يكون فوق الخط ( خط الفقر :) )


او تحت الخط ( ياويحي عنه :( )


او على الخط تماما ( لا الى هؤلاء ولا الى هؤلاء بس ترى عليه خطر ;) )


















والظاهر انكم طراه الخطوط والاسفلت مسكتم خط :D :p :D






ودمتم على خير ;)

اخو شما

[الشامل]

السلام عليكم ورحمة الله وبركاته

اخو شما يعطيك العافيه على الموضوع

وحلو عطتسهم لاتسمع اتسسو >>>>> هذا شغل البرستيج

تحياتي لك ودمت لنا يالغالي

[خالد الشماسي]

اظنك نسيت تعلمنا انت من اي الطبقات


اخو شما


دمت ودام ابداعك الا متناهي

[اخو شما]

اخوي الشامل
حتى العطسه يمسحونها بخمسة ملايين دولار
لاتنسى باشراحيل وشراءه منديل ام كلثوم
اما نحن فيكفينا الفاين او ريالين :D
شكرا لك على المرور الكريم


ابو عمر
انا اتنقل بين هذه الطبقات الثلاث
اول الشهر برجوازي :D
وفي منتصفه وسطي
وفي اخره اقرط :D على شعار الفداغه :D كنز لا يفنى
شكرا لك يابو عمر على المرور والتعليق


ودمتم على خير
اخو شما

[الصامت]

أنا أقول في البيت القادم
الرد الخاصم في هذا الزمن الكاتم
لكل كسول
والباسم لكل بسول
[FONT=Comic Sans MS]
[SIZE=6]يقول الشاعر يا اخوي أخو شما[/FONT][/SIZE]

أنا أقول من لا يتعب النفس ما يعتاش##ومن كان به خله مع الناس عزا له

[سعد بن جراش]

بسم الله الرحمن الرحيم


ياشيخ روح منك لله وش هالسوالف


تدري

باخذ معك فالعلم لفه ولفه ))(( لو كان جاني تالي الوقت دوخه


:D
نرجع للاسفلت والشوكولاته



انا اقول فعلا كلامك فيه الكثير من الصحه


ولو ان اكثر الطبقات تصيبها الكحه (عند اخراج الدراهم )


لكن ماقلت لنا المدرسين اللي راحوا للطبقه الاوله وش لون راحوا



على طاري اسعاف الخرمه

مرة من المرارير :D كان عندي مريض محول للطايف اخر الليل ويجلسون

يدرورون السواق المناوب ساعتين مالقوه ويعودون يتصلون على واحد ثاني ويجيبونه (على ملا وشه) والنوم يشر شر من وجهه ويخلونه يسوق
الاسعاف وانا امسك قلبي من حالته وحالة الضجر اللي شفتها عليه لان اصلا اليوم ذاك كان ماعنده شغل لكن انقاذ للموقف تم استدعاءه وماصدقت على الله انه وصل بمريضي للطايف :(
على فكره ترى مبنى مستشفى الخرمه الجديد جاهز له مده ولاادري ليش ماشغلوه لين الحين (الظاهر لقو ان المستشفيات ماتخارج بيحولونه شي ثاني ؟؟؟؟ )






وعلى طاري الاكلات


عزمت مره ضيوف جوني وانا كنت في جده واحترت وين اوديهم المهم تغانمت مطعم على الكورنيش (شكل المطعم من الخارج شي ) المهم يوم قلطتهم وعاينت في قائمة الطعام لاوالله علوم مادري من وين اجيها (طبعا ماعاد اقدر اقول قوموا نغير المطعم بيقولون اكيد لقاه غالي )
واطلب لك ذيك التشكيله اللي على كيفك (امحق كيف ) ويوم جابوها لاوالله يوم كل واحد خذ له لقمه وعود على السلطه ويروح وجهي كنه حبة خردل

المهم خلصنا من الاكل ويوم جيت احاسب لاوالله العلم اللي مايسر

واكع حول الالف ريال على عيشة مادري وش شكلها وياليتهم عاد كلوها

وعاااااااااااااااشت مطاعم الماكسيمم (الله يعز ريدان ) :D




واخيرا وتبي الصراحه


والله يافي ديارنا من الطبقة الاخيرة نسبه كبيرة جدا ومايعلم باحوالهم غير الله وبعض العارفين ببواطن الامور ويا امورهم انها مصلحه وانها ماشيه معهم بالبركه عسى الله يرزقهم ويعينهم على هذه الدنيا بخير


اتمنى تكونون فهمتوا شي من ثرثرتي

ترى راسي داخ

[اخو شما]

الصامت
الف شكر على المرور الكريم
وتقبل تحياتي




سعد ابن جراش
:D :D :D
وش قصدك بذا التمتير ذا