أولاً أحب أمسي على الجميع وانا عضو جديد ويشرفني اني اكون معكم في هذا المنتدى الرائع
انا انسان غيور على ديرتي وعلى ربعي وعلى شعارنا
انتم تعرفون وش صار في شاعر المليون .. وكيف كانت النتيجة // ومن ما احزني أن شعارنا كانوا متألقين وهضم حقهم بطريقة مفبركة .. بالذات الشاعر العزيز ناصر الفراعنة فقد شاهدته الحلقة واحزني منظرهم فأرجوا من شعارنا عدم المشاركة في شاعر الميلون وها انتم تشاهدون بانفسكم الاعلام القائم حالياً لبدء موسمه الثالث ما ادري عن المسؤولين هل لهم وجه بعد اللي سووه في ناصر وعيضه خاصه وفي شعار السعوديه عامه !!..
فأليكم هذه القصيده وأرجو ان تنال اعجابكم ..
(( قــد الـتحــدي ))
يـــــا شاعــــــــــر المليون بانت نواياك *** والله وربــي ضيع العــدل شـــــاطيك
لا تقـولي وش صار وش فيك وش جاك *** لأني أعرفــــك زين واعـرف مباديـك
حــــدك وعــلمــــــي يــاصلك ويتعـــداك *** خــــل السعودي فوق وناظر مواطـيك
لـــولا السعـودي كـــان قـفـت مطـايــاك *** ولولا السعـــودي كان محـداً يراعــيك
ولـــولا السعـــودي كان كثرت خطاياك *** ولولا السعودي كان شاطيــك ينعــيــك
أصــل الشعـــــــــر منا ومثـلي تحــداك *** وكا نك عــلى قـــــد التحـدي هلا بـــيك
أنـــــــــــا معـــك لين أوصلك لأقصــاك *** بـــالحـــق والا رفعــت الصوت لـلـــديك
محسـن وبن لعـــــبون وراكــان ذولاك *** ســــاس الشعر يا هيه ما فيه تشكــيك
وأنشد عن العــــزي أذا كان يخـــــفاك *** شاعر تهـــــز بيوت شعــــره مماليـــك
ما لـــــوم انا سمسار وهــــانم وسباك *** ولشره على صعـــلوك بين الصعـــاليك
أشــــره على شعارنا كان تنصــــــــاك *** عيباً عليـــهم كان قــــربـــــوا نواحـيك
خـــــلنا نشوف بـــدونهم كيف ممشاك *** والله أن تطـيح ولا بلغتَ مـــــرامــيــك
عــادي شعاع الشمس يــــنور زواياك *** لـكن كبيره تحجب الشمس بـــــــــيديك
شاعر غــــيور
غير متصل
قـد التــحــدي
