ابوسالـــــــــــــــم
صح لسانك ولسان الشاعر علي القجطاني
قال ابوسالم اكتب قلت حاضر وجب = قلت لازم اكتب قصيده واشرح اسبابها
والقصيده رفيعه من عيون الادب = والبيوت الاصيله يبطي أنجابها
القصيده كتبناها بماء الذهب =وافتخر في قصيده نالت اعجابها
غانيه لو ذكرناها لحقني عتب=والامور الطويله ينفتح بأبها
بنت ناس يغالوا بالحسب والنسب = نارهم حاميه ياويل شبابها
ناس يطول شنب معهم ويقصر شنب = والملامات انا ماني بجلابها
بس من حقي اكتب بجمال العرب = مركزن في محاجرها وفي اهدابها
واشتعل واهجه بخدها والتهب = واحسب كل خيط تلوابها
ان قلت عقلي ضاع قالوا كذب = قلت كم ناس قبلي ضاعت البابها
الزيارة لذاك الحي كانت سبب = وين ربي نهار الاربعا جابها
الشاعر : علي بن محمد القحطاني
مـاراح لاتكثـر عليـه النـدايـم = اثبت وجودك بالعمل ونس ما فـات
اصنـع جديـدك ياشديـد العزايـم = ود الفروض الواجبه خمس مـرات
تنـور افكـارك بنـور العظـايـم = وجعل مجالك خير كـل المجـالات
خطاك في الماضي وضع لك علايم = لولا الخطاء ماصاب راعي الرمايات
والقرم لاجـار الزمـن فـز قايـم = وليا رقد ساعـات نومـه قليـلات
الطير يصبح يكسـر الحـوم دايـم = يسعى لرزقه في جميع المسـارات
والرزق لو ياتي لمـن كـان نايـم = شفت الرجال تفاخـروا بالمخـدات
الشاعر :على محمد القحطانى
الكاتب : ابو سالم الريس
سلامتك وعافاك يامنيع الجود = عنكم نسأل اشواقنا مالها حد
الشاهد اللي للمخاليق معبود = وحي الضمير بكل مكنون يشهد
قبل الكلام اسلم وسلم على العود = شايب من اجواد العرب عالي الجد
واطلب من اللي لادعيناه مقصود = يشفيه مما يشتكي وافي المد
وسلم على ربعك ومن حولك قعود = مآاذن بلال وصافي الريش غرد
والمجلس اللي ماتلاقيه مردود = فرشه لعطران الشوارب منجد
والثانيه كيف انت وتخبرك زود = صوتك علينا ياولد سالم آبعد
ماقد تعسر طلب وانت موجود = ملعون من ينكر جميلك ويجحد
ياسعد من ظهره بشرواك مسنود = تجلي هموم لاغدا ليله اسود
يفداك اللي مالهم وعد وعهود = ليشان مايسوى مواطي محمد
وان كان تسألني عن الحال مسعود = عساك تنعم في حياتك وتسعد
الخير واجد بان له برق وارعود = كان اول المشروع عندي بنا السد
بفضل من فضله على الكون ممدود = اللي لوجهه كل مسلم تهجد
والثانيه ساهمت معنا بمجهود = عندي جميلك دين يا الذيب الاجرد
وانا اعتبرني لك سند غير محدود = بالفعل ماهو بالكلام المجرد
وختامها بالعطر والمسك والعود = واشواق قلبي نحوكم ما تعدد
اهدا من على القحطاني الى ابو سالم الريس
مع نسيم الصبح بارسل سلامي = وازكى تحيات المودة والاشواق
اخترت ساعة راحتي وانسجامي = والشمس دنت وانحنت يم الافاق
والقول والمعنى على مايرامي = والجوصافي والفكر ماراق
خمسين بيت اكملتها بالتمامي = نظمتها في ظرف ساعة على ساق
مثل البرد من سابحات الغمامي = في ليل وتنثر على نور براق
ابيات شاعر ما يجيه التهامي = ماهو لغيره من اهل الشعر سراق
واهديتها لك ياكريم الكرامي = صديق متربي على الجود صداق
صديق اللي يوم وقت اللزامي = ياشايل اهمومي لياخاطري ضاق
ابو سالم يا ذاكريم الاسامي = رمز الرجوله والشجاعه والاخلاق
قله سبا حالي كثير الهيامي = واسباب مابي من دقيقات الاعناق
ذهبت للحفلة بكل احترامي = حامل معي دعوة بقرطاس براق
لقيت من ضيع علينا الكلامي = والحفل نخبة من رفيعين الاذواق
يوم التفت وانحل عقد اللثامي = لو شاهده من غاب عن واقعه فاق
بانت شفايا كنها توت شامي = على ثنايا من كرستال براق
ابو جدايل مثل ليل الظلامي = اما اجتمع ولاغداله تفراق
تحت الحواجب مثل حد الحسامي = وفوق الحواجب بارق الصيف شعاق
ماحط بذراعه نقوش الوشامي = ماقد عبث بكفوف ايديه دقاق
لكن مخضبها بحنا تهامي = نادر وجوده ما جلب وسط الاسواق
والجسم كنه ماخلق به عظامي = محتار كيف اشكي هوى مبرم الساق
اشتاق له شوق العطاشا الضوامي = وفرح فرحها شافت النهار دقاق
فتان مغري وان قعد وان قامي = ياظامر السرجوق نشفت الارياق
توي دريت ان الغرامي حرامي = وانا غريبة كيف صدقت بواق
الحور تسكن دور الاضامي = الا يامحمد طابع البدو حراق
عليه عيني ساهره ماتنامي = عليه شعري يشتكي ضيق الاوراق
قد كنت في حب العذاراء عصامي = وباب الهوى عندي مصكر بمغلاق
والسوق مادانيه وقت الزحامي = يوم العرب تاتيه من كل مطراق
يامحمد اخبارك تجيني شمامي = وانته بحب البيض هايم وعشاق
اذاحبيبك يامحمد نظامي = حاضر وغايب مابعد خان ميثاق
يناقشك بسلوب راقي وسامي = والحب قد غاصت جذوره بالاعماق
حافظ على حبه بكل اهتمامي = واعطه من الاخلاص طاقين بالطاق
اما حبيبي اللي على طول حامي = لايمكن العشره مع ذاك تنطاق
يبدل ايم الرضا بالخصامي = ويهددك دايم بهجران وافراق
والصيد واجد وانت ياخير رامي = اختار من غزلان لافاق مالاق
والوقت يمضي عام بعد عامي = راحو من اجواد العرب كل عملاق
قليل زيك ياشديد الحزامي = الشاهد الله صدق ماهو تملاق
غنت بلحن الحب بيض الحمامي = وقلوب بيضاء للمحبين ورقاق
والحب مايعرف شمالي ويامي = القلب له في كل الاوطان خفاق
غير متصل
