منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 24 - 10 - 2009 ]
بسم الله الرحمن الرحيم
ألا يـا مل عينن ما تنـامي=سهيـره ما تبــي حلــو المنـامـــي
لها مده تهــل الدمع كـنــه=شخاتيــر السحـايــب والغمـامــي
ويلا منها غفت ولا تهنـــت=تصحيهــا كــوابيـس وحــلامــــــي
هاذي حالتي للي نظرها=تكفــي عـن كثيــر مــن الكلامــي
ألا يا وجد حالي وجد شايب=تعــدى بالعمــر سبعيــن عـامـــي
عقيمن ما رزقه الله بمـحزم=وفقيــــــرن يرتجــي مـد الكـرامــي
ولا يملك سوا عشرين مجهم=وتقفوها الحناشل في المضامـي
ولا يا وجد حالي وجد جــاهل=يتيــم الإم من وقــت الفطــامــــــــــــــي
كبر حزنه قبل تكبر اسنينــة=من العمــة عسـاهــا للعـدامـــــــــي
وأبوه الغافل اللي ما درابـه=ما بيـن المعــارض والــدوامـــــــــــي
وأنا يام أتوجد في قصيدي=لا فـاقــد خـوال ولا عمــامـــــــــــــي
ولا نيب أتوجد من محبـــه=ولا عشــق ومـراسيـل وغــرامـــــــي
ولا همني دنانير ودراهــم=ولا نيـب أشـتـكـي جايـع وضـامــــــي
أنا حزني كبير وما قويتــه=همومي كـأنهـا الضـلـع التـهـامـــي
بعد ما جاني العلم وسمعته=ما قدرت أوقف ولا شالتني اعضامي
جبل قاره تغير عن مكانــه=وسكــان الحـرس كاسيهـا الظـلامـي
بعد ما راح كساب المراجــل=عســى الله يـرحـم الحــر القـطـامــي
وعسى قبره هماليل السحايب=وبالفــردوس يبنــي لــه خيـامــــــــــي
عسانا نجتمع في ظل عرشــة=فـي يومـن تجتمــع فــيه الأنامـــــــــي
وختام الهرج يالي تسمعــلــه=على اسكان الحرس تحيات وسلامـي
أخوكم / محمد فضاء المفالحة
التعديل الأخير تم بواسطة عز الخـوي ; 26 - 10 - 2009 الساعة 20:21
سبب آخر: اخطاء املائيه
رد: مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 24 - 10 - 2009 ]
أخي الكريم الفاضل / عز الخوي السلام عليكم ورحمة الله وبركاته وبعد : صح لسان الشاعر / محمد بن فضاء المفالحة السبيعي وسلم نبضه وبنانه وإعتلا شانه على هذه القصيدة الجزلة المعبرة في رثاء الأخ الشيخ / عبيد بن سرحان المنفالحة السبيعي رحمه الله وأسكنه فسيح جناته والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والامتنان مقرونا بجزيل المحبة والاحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
التعديل الأخير تم بواسطة خيَّال الغلباء ; 27 - 10 - 2009 الساعة 21:27
رد: مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 25 - 10 - 2009 ]
رحمك الله يابو سرحان رحمة واسعه لقد رحلت وابقيت لنا سيرتك العطره فلك منا الدعاء ونسأل الله القبول
وصح لسانك ياشاعرنا محمد فضاء والشكر موصول للناقل الاخ عز الخوي
من لابتك غلباء سبيع اعتلينا=من فوق روسٍ دنقت للهزيمه
نرفع رفيع وطايح ارضه وطينا=صلفين رفقينٍ اظلالٍ وديمه
هذي مبادينا كبارٍ بدينا=وادعي الولي عز الرفاقه يديمه
فهيدالثالب=
التعديل الأخير تم بواسطة فهيد الثالب ; 28 - 10 - 2009 الساعة 19:46
رد: مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 25 - 10 - 2009 ]
مشكور وما قصرت ولا هنت
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
رد: مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 26 - 10 - 2009 ]
مشكور وما قصرت ولا هنت
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
رد: مـرثيـة في الشيــخ / عبيـد بن سرحـان المفـالحة يرحمـة اللـه
كُتب : [ 28 - 10 - 2009 ]
مشكور وما قصرت ولا هنت
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير
غير متصل
مـرثيـة في الشيــخ / عبيـد بن سرحـان المفـالحة يرحمـة اللـه
رد: مـرثيـة في الشيــخ / عبيـد بن سرحـان المفـالحة يرحمـة اللـه
