قصيدة للشاعر/ شافي مسلط السبيعي في الملك بعد عودته سالمن معافى

[سفير الجهوم]

ياهجوسي زان نظم القوافي والقصيد=بعد عودت سيدي سالمن لرض الوطن
عودته بقلوب شعبة فرح وايام عيد=ياعسى ربي يفكه من اصدوف الزمن
افرحي يالمملكة من قريب ومن بعيد=عمت الفرحة جميع القريا والمدن
يوم عاد الها الملك راعي الراي السديد=عودته لرض الوطن ماتقدر بالثمن
انت ياصقر العروبة عسى عمرك مديد=يافخر من يفتخر بك ومزبن من زبن
الغلى بقلوبنا ياملكنا لك يزيد=الغلى بقلوب شعبك يابو متعب سكن
فالقلوب المنصحة من وريد الياوريد=جارين مجرا الدما فالعروق وفالبدن
ياطويل الباع ياراعي السيف الحديد=يرتفع راسك وغيرك يابومتعب طمن
لك مكان ولك معزة ولك شكلن فريد=مالقينا لك حلي فالشمال وفاليمن
كل يومن فالقنوات مرسومن جديد=ياعسى من عقبه في جنانن من عدن
بالكرم غطا على حاتم الطي ويزيد=صيرمين فوق يمناه ينصب السمن
باسطن كفه ولاقال بيحت الرصيد=لين عم الخير شعبه وغيره في فتن

[عبدالعزيزالجهمي]

((هذا الشبل من ذاك الأسد))
بيض الله وجهك على الابدااع
الراااااااايع ويستاااااهل ملكنا
طول الله بعمره تقبل تحياتي

[سفير الجهوم]

وجهك ابيض يابو كمهان والله لايهينك

ونشكر لك مرورك

[ابومشاري الجهمي]

شاعر رايع وجزل ولاغرابه من مواطن تجاه مليكه

صح لسانك يا ابو مسلط

[سفير الجهوم]

صح بدنك يابو مشاري والله لايهينك