::+:: مسابقة الامثال الشعبية ::+::

[رآعي الأوله]

أخوي منصور المثل اللي قلتة صحيح لكن مهوب التكملة الصحيحة لماذكرت



ما طاح من نجوم الليل أبرد للمس

ويستخدم هذا المثل عادتاً أهل النخيل والمزارع



أما قنقة في قلب من .....؟



الصراحة أبي أرمعة ولا قدرت



تحياتي

[منصور الحري]

المشاركة الأصلية كتبت بواسطة رآعي الأوله

ما طاح من نجوم الليل أبرد للمس

أما قنقة في قلب من .....؟

الصراحة أبي أرمعة ولا قدرت

معذرتاً ياراعي الاوله على إستعجالي في الرد

أما بالنسبة للمثل اللي أنا جبته فيقول

قنقه في قلب من لا يفقه

وإليكم المثل الجديد إذا سمحت

جيتك ياعبد المعين تعينني لينك ياعبد المعين . . . .

[ماضي المديري]

جيتك ياعبد المعين تعينني لينك ياعبد المعين تبي العون

بشر صح

[منصور الحري]

مايحتاج جعلك تسلم مية مية

جيتك ياعبد المعين تعينني لينك ياعبد المعين تعان

المثل عندك ياماضي

[ماضي المديري]

من قال سالم

استلمو المثل عند الطعان يبان الفارس ............؟

[أبو حمود]

المشاركة الأصلية كتبت بواسطة ماضي المديري

من قال سالم

استلمو المثل عند الطعان يبان الفارس ............؟

والله ياخوي ماضي مدري عنه ولاني متوكد

عند الطعان يبان الفارس والجبان

[ماضي المديري]

مورد الهايب بيض الله وجهك حلك صح ولمثل عندك

ننتظرك

[أبو حمود]

ووجهك أبيض ياخوي ماضي

أستلموا يالنشامى ..

( مقيط و قافيه .... )

[منصور الحري]

المشاركة الأصلية كتبت بواسطة مورد الهايب

ووجهك أبيض ياخوي ماضي

أستلموا يالنشامى ..

( مقيط و قافيه .... )

مقيط وقافيه رشاه

[منصور الحري]

استلمو المثل:

قـدر الشـراكـة .. ....