منتديات سبيع الغلباء - مـجموعـه مـن قـصائـد نـاصـر الـفـراعـنـه (( روووووعــه ))

[B][size=4][align=center]بسم الله الرحمن الرحيم

قصيدة الخيل :

بسمك اللهم منزل سورة الأحقـاف والأعـراف منـزل (ن) ( قاف ) ( كاف ,ها ,يا ,عين ,صـاد )

رب صاد ومهلك فرعون وذو الأوتاد عاد هل ارم ذات العمادومن بنـوا صخـرا بـواد

جيت لا حي ولاني ميت بين اقبلت بين اقفيـت احـط البيـت تلـو البيـت واشـد القيـاد

جيت للحفل اعدي شهلول هملول بردي قامت يدي تصفق يدي طبعي لا جيت ابغـى القصيـد

جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر

ما زهمني غير بدر الشمري في الخامسة عصرا وجيت اجري جري بامر العزيز المقتـدر

جيت خير وجيت شر وسر ضر وحلو مر وبين كر وبين فر انفذ الايعـاز الـى اليميـن در

في مثل لمح البصر جيت العصر في حفل ابن خالد حفيـد القائـد الوالـد ولا نعـم الحفيـد

فيصل فيصل سمي السيف راع الكيف ريف الضيف برد صيف هيف هيف ليـس زيـف

من هل المجد الأبي العود منهم والصبـي مرملـة سـود العبـي نزالـة القفـر المخيـف

فوق قين وفوق خف وكل كف فوق كف الصف تلو الصف لين اشتف مـن شـف شفيـف

يوم تصرخ نارها هل من مزيدمسلسلينـه بالحديـد احمـر وريـد وكـل شيطـان مريـد

في سباق اليوم شفت الخيل خضب ليل راس وذيل قوم وقوم مـا بيـن النيـازك والنجـوم

من رمك زوغة سمك لا شفتها تفتح فمك غوج عطا راسه تقول يدين سابح منديال جا بيعـوم

كن تتابع حمرها مـع شقرهـا جيـش مـن الرومـان قابـل مـن غـزاة التـرك قـوم إثر قوم

وشفت منها اشقر تقل مشروب خولاني اشقر صخرة في راس عنقر بل وذو عـزم شديـد

ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول

والله يا لولا الرسن فوقه يحوفه يا نهار ارخى كتوفه ما تشوفه مـن عيونـك عيـن طـول

ما تقول الا شعاع الشمس في وقت الاصيل او سندس في جوف ليل مرصع جوهر ولـول

اسمه المرسول كنه بموية التبر مغسول إليا صهـل كنـه يقول : أنـا هنـا الغـوج الوحيـد

يقبل إقبالة شجاع ويقفي قفاية جبان وكـن ساقـه فـي سياقـه مـن مساقـه صولجـان

لا عقاب ولا حمامة لا قطاة ولا نعامة مثل ابو زيـد سلامـة لاانتهـض وسـط المكـان

لا تنشر ما تقول الا رسول جا يبشر كن سرجـه فـوق مرجـه حـول درجـه طيلسـان

جرتـه يـوم اتتبـع لا مثلـث لا مربـع كالخديـوي متربـع فوقـه الجوكـي مهـيـد

لا تعصب ثم تنصب ما تقول الا مقصب تاج كسرى ما تغصب عرض طول وطول عرض

فزته فزة قريص مونس بالساق لسعة في سباق النخبـة التسعـة يـرى ان الفـوز فـرض

كن تفتاله تفتل روس رهبـان تبتـل ركزتـه حافـر وحافـر زلزلـت فـي كـل ارض

تقل لا طوف حصان يقول له : هاه ! اقتنعت اوكيه ثاني مـرة اعـرف قيمتـك علـم وكيـد

الله اكبر والله اكبر تصغر القالة وتكبـر يكسـر العايـب ويجبـر يـا بـدر علـم بـدر

الله اكبر والله اكبر يقبل العايـل ويدبـر يبتلـى المسلـم ويصبـر كـل فـوق لـه حـدر

شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در

جت بي امي في رماده وأرضعتني في حماده يا نميـر بن (ا) عبـاده جـدي الشاعـر لبيـد

من وانا حي نسوني في عباتـي كفنونـي هـل اذا مـت اذكرونـي لا ورب العاديـات

لا ورب العاديات الضبح رب النازعـات الغـرق رب الناشطـات النشـط رب السابقـات

والله لو عندي فراغ ان قد رسمت الشعر صاغ وجبت ما لا جابه (و) اهل العصورالماضيات

مير اشغلني الزمان وضرب أنس عند جان وعشرة راحت ثمـان وصـرف عبـاد عبيـد

شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)

من خلق ما شال هم الا ثنين ابا وأم الموت عنهـم بعـدكم ورضاهـم اقصـى مطلبـي

ولا هالدنيـا متـاع فرحتيـن ثـم وداع القبـر بـاع فـي ذراع ولا جهلـه الا غـبـي

نفخ صور ثم نشور من قبور ثم سعـادة او دبـور المسعـد اللـي ذالـك اليـوم (ا) سعيـد

منقول مع الشكر لعقيد القوم وأنتم سالمون وغانمون والسلام .[/align][/size][/B]