منتديات سبيع الغلباء - رائعة الرويبي رحمه الله وأسكنه فسيح جناته

[QUOTE=خيَّال الغلباء;211293][size=5][align=center]ما عن جليل الملك شيء توارا
= عنده جميع الخافيات مخبوره

منه الغناه ومنه فقر الفقارا
= والضر منه ومنه رفع الضروره

ما خاب من هو لاذبه واستجارا
= ونفوس من لا راقبوه مغروره

يا الله بعفو منه ذاك النهارا
= يومن عباده للحساب محشوره

يغفر كبار ذنوبنا والصغارا
= مودع ذنوب أم الذنوب مغفوره

دنيا البنادم ما عليها قرارا
= تمسي لها صوره وتصبح بصوره

عنها سليم العقل يدري ويارا
= السكه اللي كل يوم معبوره

اللي بيدرا ما يفيد المدارا
= قدم قضاء القاضي تقدم سبوره

ما عاد به بيع ولابه مشارا
= والقرض زل وفات حتنه ودوره

والصبح من سود الليال يتثارا
= يكشف غسقهن لا تبين بنوره

اللي بنا دون الحقيقه ستارا
= معلي سوره يطوّل شبوره

لو من حديد وبانيته النصارا
= يمحى مع الأيام بنيه وسوره

النوم طب للعيون السهارا
= اللي وراء من صد عنها نظوره

تحتار وأهل العرف منها حيارا
= تضوي مع الغافل وتنشر نشوره

جريّة بالشوف ما تنتجارا
= وإن فاتها نظره عليها غيوره

وبل المطر لا هل طاح الغبارا
= وأحيى ديار مسنيه ومهجوره

عسى البيوت العامره بالعمارا
= تبقى على طول الليال معموره

لأهل الشرف والجود فيها وقارا
= ذرى وظل إن صار وقت الحروره

تخر صواريم الحرار الحرارا
= اللي نظرها للسنود وجسوره

من رافقن ما عاد خاوى الوكارا
= وإن أفختن تصير نفسه صبوره

الصبر من جاله عليه اقتدارا
= يحمد عقابه لو تجي به مروره

والوقت لا منه على الناس جارا
= ما كل صبّار تحمل لجوره

لولا السنين المجحفات العسارا
= مخليات الشيب يسبق عصوره

محد تنومس بالجمايل ومارا
= تبقى فعول أهل الفعول مغموره

والزور ما طوّل حبال قصارا
= والنور قنديل لغدرا غدوره

يكفي من الشرح الطويل اختصارا
= موضوع يعرف مورده من صدوره

أدري فحول الشعر ما تنتبارا
= دربه مشوه وعارفين بحوره

تبنى بيوته عندهم من حجارا
= يومه عليهم هيّن في عبوره

وأنا أقتبس من نار الأشراف نارا
= نفسي لرفقتهم شفوق فخوره

دوبي مع الحجاج أحذف الجمارا
= نفسي على الكايد ماهي بمعسوره

وإليا مشيت أمشي بسهل المسارا
= وأخلي الدرب الوعر مع وعوره

ما أسمع كلام اللي لزنده شرارا
= لو كان ناره ما تفوّح قدوره

مصوّر اللي ما تكوّن وصارا
= قوله تزكّيه اليمين الفجوره

واللي يساوي باليمين اليسارا
= ما أمشي بطاروقه ولا أطيع شوره

رحم الله الشاعر الكبير / مقعد بن حسن الرويبي السبيعي وأسكنه فسيح جناته [/align][/size][/QUOTE]

[size=9][align=center]مشكور وما قصرت والله لا يهينك[/align][/size]