منتديات سبيع الغلباء - مرثية الشاعر الشيخ / عبدالله بن غصن اّل علي السبيعي بالملك / فيصل رحمهما الله

[QUOTE=كليب;99300][size=5][align=center]بسم الله الرحمن الرحيم

إخواني الأعزاء / أعضاء شبكة سبيع الغلباء السلام عليكم ورحمة الله وبركاته وبعد : هذه مرثية الشاعر الشيخ / عبدالله بن غصن اّل علي السبيعي في الملك / فيصل بن عبدالعزيز رحمهما الله وأسكنهما فسيح جناته ويقول فيها :

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الأيام حبلى والزمان ولود = بأحداث مايعرف لهن حدود
والإنسان مهما كان قدره من الملا = ماله عن لقارب العباد صدود
والأقدارمكتوبه على ساير البشر = ومخلابها للخيرين صيود
يا حظ من ياخذ من الوقت عبرته= قبل يعتبربه ماجد ملهود
ومن ياخذ العبره تخفف مصايبة = ويزود مع كثر الحوادث جود
عسانا من اللي لا تحنهم زمانهم= يزيد هم جور الزمان صمود
جسور مع البلوى بودر مع الرجاء= مصابيح لا زاد الظلام تزود
فلا يقدر البلوى لياجل خطبها = إلا صابر صلب الفواد جلود
صبرنا على ما صابنا في عزيزنا = عزيز عزنا عن كماه جحود
صبرنا ولولا الصبر ما طال عزنا= ولولا التحمل ما نقود جنود
ليت المنية جنبت راس فيصل = وخذت من سواد الناس بيض وسود
خذت كل تذلل وكل سقط وخايب = تخص اللذي مامن وجودة زود
ليتة بقا عشرين عام يقودنا = للمجد حتى نبلغ المقصود
يهز السياسة لين يفحم رجالها = ويجي لنابين الوجود وجود
منه احترمنا الشرق والغرب هابنا = وعالم أوروبا يرسلون وفود
هذا يبي حكمة وهذاك معرفه = وهذا يبي خبره وذاك نقود
ناس يودعهم وناس يجون له = وناس يوخرهم بربط وعود
يردون عد عادته يروي العرب = عد العدود العيلم المارود
يعطي صديقة جل ماله وحكمته = ويكسر قناة اللي يجي به زود
حضب حجوجي حكيم عارف = صلف صموت صارم نقود
حكيم حليم مستقيم على الهدى= عزوف عطوف للضعيف ودود
عليم سليم القلب والنطق والعمل = زعيم عديم في رجال الكود
وحيد فريد في زمانة ودولته = ولا ظن الزمان باللي كماة يجود
فقدناه في وقته وحنا بحاجته = الجو كاتم والليالي ســـود
فقدناه من سبه غرير طايش = نسي الوصل والرحمة وبر العود
نحسب عدو الدار من غير أهلها= وأثر عدو الدار صلب جدود
لاسامح الله فيصل بن مساعد = أثره عدو غادر الدود
فجعنا وروعنا وكدر حياتنا = وتبدلت حال النعيم نكود
على فيصل الأسلام هلت دموعنا = وخيم على كل البلاد جمود
يبكي على فيصل شباب وشايب = يبكي ولو قلبه صخر جلمود
ياحسرتي ياما بكاه من أبلج = رجال كود طيبين سدود
وياما بكا من كاعب مصيونه = حمام دوح صاعه المقرود
عيونهن بدموعهن هماله = حمر حدقهن عقب ماهن سود
هذا وكلن في ذهول وريبه= وكبر المصيبه من غلا المفقود
إلا وخالد للجميع ينادي = وصوته لحر فالكبود برود
نهض وقال الحمل أنا شـــــــــــــيالة = وتمت له البيعة من ال ســــــــــــــــعود
وجينا وبا يعنا ملكنا خـــــــــــالد= بقصر الحكم في يومه المـــــــــــــشهود
جينا نبايع بالولا والطــــــــــــــاعة = ما يكفي الوالد عن المولـــــــــــــــــود
عاش الملك خالد وعاشو اخوانــة = عاشو ذخيرتنا عيال العــــــــــــــود
عاشو وعاش الشعب في ظل حكمهم = رغم انف كل مكابر وحــــــــــقود
متكاتفين وكل منهم فيصـــــل = وعدوهم في نون عينة عـــــــــــــــود
يانصره الأسلام يأولاد مقـــرن = يانور نجد وعزها المنـــــــــــــشود
لا تتركون الجرح يكبر ويــــــــنفجر = ترى كل شي له مدى وحـــــــــــدود
مافاح قدر الاولة وشـــــــــــاية = ولامن لهيب الاوله وقـــــــــــــــــود
تعاونو وامشو بعز وقــــــــــــــــوه = ولا يصير ذا عاري وذا مشـــــــدود
خلو عدو الدار يصغر ويندحر = ويدري ان في وسط العر ين اسود
هذا كلام اللي يهمة شانــــــــــكم = هدية ما بغي لها مــــــــــــــــردود[/poem]

منقول وهي أول مشاركة لي معكم لعلها أن تنال على استحسانكم وتقبلوا تحيات أخيكم / كليب عامر[/align][/size][/QUOTE]

[size=6][align=center]صرام مشكور وما قصرت ولا هنت[/align][/size]