رد: مثلوثة سبيع الغلباء - تاريخها وما قيل فيها
 

ماجد بيض الله وجهك على هذى الموضوع الي محد يقدر ينكره
سبيع لو نعد الي سوو المثلوثه والله ياماجد مانحصيهم
لاكن الشهره بما انك تكلمت عن الشهره فالمثلوثه شتهرو فيها المجامعه ياماجد
وابشرك ياماجد الطيب مهب لحدآ دون احد وحنا وياكم اسمنا واحد وحالنا واحد
ياماجد انت تكلمت عن بن جويريه وابن جوريه اسم المثلوثه تسموبه سبيع من قبله جعلني مابتسيك
والله والرسوله اعلم
وشكرك ياخوي ماجد والله انك غالي وربعك الشماسات غالين
وانا الي مثلك وشرواك اعزه يشهد الله علي واني ماخالفتك بهالموضوع لاني مكذبك بشي
ادري انك صادق وقد سمعنا عن بن جويريه من قبل لاقرا موضوعك
لاكن من ناحية الشهره فالمجامعه بدوها ..

رد: مثلوثة سبيع الغلباء - تاريخها وما قيل فيها
 

مرحبا بكم جميعا في هذا المبحث حول مثلوثة سبيع ومؤسسها الشيخ ماضي بن جويرية يرحمه الله

وربعنا المجامعة أهل الكرم والصيت فيهم الكرماء والفرسان والله وسبعة انعام

وأهل رنية عموما أهل كرم


والإدعاء بتأسيس المثلوثة لمجرد الحمية أو سماع فقط بدون ادله غير مقبول لدى الباحثين


وبحثنا هنا عن تأسيس المثلوثة واشتهارها . وليس عن كرماء سبيع .



فكل سبيع تفعل المثلوثة ولكن سبب شهرة المثلوثة هو ورودها في قصيدة الشيخ ماضي بن جويرية وكذلك في قصة ضيافته لآل عاصم من قحطان . حيث كانت حدث مشتهر في الجزيرة سبب للمثلوثة شهرتها .


وقد يكون كذلك هناك قبائل اخرى تفعل المثلوثة وكرماء من بلدان متعددة يفعلونها لكنها لم تشتهر عنهم كما اشتهرت في قصيدة الشيخ و قصص ضيافته .



ولك اطيب تحية

رد: مثلوثة سبيع الغلباء - تاريخها وما قيل فيها
 

اخوي خالد انت بعدك مثل ابوي لنك اكبر مني سن وفهم مني ولون ابوي يفوقك بسن

بس تبقا اخ واب لنك طيب ومن ربعن طيبين ولهم معزة عندي خاصه..

ويشهد الله مافي قلبي لكم ياشماسات شي

بس ابي دليل على قصة ضيافته لآل عاصم من قحطان عند بن جويرية ؟؟

وحب اقول لاخوي سفير المجامة خلف بن مشنان ليس في ذالك الوقت امير للمجامعه ولكن كان على المنيفات بفقط ولم يذكر من مئسسين المثلوثه الكذب ماحبه ربي وانا مارضابه ولا اجامل فيه حتا لونه قريبآ مني

مزرعة نزوا لا زوير ابن ظافر أمير المجامعة سابقآ

كلها مظيف لاجيوش والظيوف محد ذكرها ولاني بذاكرها

ويروا ان الي يجيها كان ينصدم من شوفه أثار الجيوش الي تضيفها

ولحد الان هي موجوده بالقرب من مسجد سويد بجدر الظرم..

ولاكن لم تشتهر لنها لم تاخذ حقها بشهره .. والشي الي ماعليه قصيد يضيع ويندثر

وابن جويرية لونه ماحفض فعله بقصيده يروح فعله مع فعال الرياجيل الي ندثرت ولحد يعرف عنها شي الا القليل

وشكركم كلكم

رد: مثلوثة سبيع الغلباء - تاريخها وما قيل فيها
 

السلام عليكم

انا قراءت قصيده ابن جويريه وما لقيت دليل يثبت ان ابن جويريه هو اول من فعل المثلوثه وش دليلك انت ياخالد الشماسي اللي خلك تحكم ان المثلوثه لجدك ابن جويريه وماهو دليل ان جدك فعل المثلوثه صار الموسس لها
اقدر لك جهودك واتمنى لك التوفيق

رد: مثلوثة سبيع الغلباء - تاريخها وما قيل فيها
 

[size=6]لاخ خالد السلام عليكم
المثلوثة عند المجامعه وهم اهلها من قديم
وابن جويرية ونعم فيه وفي ربعه الشماسات [/size]

رد: مثلوثة سبيع الغلباء - تاريخها وما قيل فيها
 

مرحبا أخواني

بامكانكم الاطلاع على قصة ضيافة الشيخ ماضي بن جويرية لقبائل آل عاصم من هنا

[url]http://www.sobe3.com/vb/showthread.php?t=17118[/url]


وقد شرحت بما فيه الكفاية الأدلة والبراهين الثابتة المحفوظة في صدور الرواة


تحياتي لكم

رد: مثلوثة سبيع الغلباء - تاريخها وما قيل فيها
 

ماضي بن جويريه كفو ومعروف ماهو معناة انه لفعل المثلوثه صار المؤسس لها والمجامعه من يوم خلقهم الله
وهم يفعلون المثلوثه ومعروفين بها

وسبيع بعضها يكمل بعض

واكرر واقول لاصار ابن جويريه فعل المثلوثه مايعني انه هو الموسس لها


اشكرك واتمنى لك التوفيق

رد: مثلوثة سبيع الغلباء - تاريخها وما قيل فيها
 

اخوي خالد الشماسي (ابو عمر) شكرا علي القصه الجميله التي تدل عل الكرم والجود وعلي شخصيتها صاحب الشان ( ماضي ابن جويريه رحمه الله واسكنه فسيح جناته) وشكرا علي تفصيل المثلوثه وعلي الشواهد القصه وترتيبها وتوضيحها جليا

رد: مثلوثة سبيع الغلباء - تاريخها وما قيل فيها
 

لاهنت خالد وبيض الله وجهك

رد: مثلوثة سبيع الغلباء - تاريخها وما قيل فيها
 

يعطيك العافية