|
وقعة خبراء البرازات بين سهول ومطير
استغل الدويش مغادرة قبيلة غالبية قبيلة السهول من منطقة العرض الى مناطق العارض وبرك وسدير والعويريض والمحمل فجمع معه من مطير وغزا قبيلة السهول في منطقة خبراء البرازات و
خبراء البرازات منطقه معروفة في شرق القويعية ذكرها الشيخ البليهد في كتابه (( ماتقارب سماعه)) وهي خبراء تجتمع فيها السيول وهي سابقاً من ديار برازات السهول وجرت عليها وقعة أغار فيها الدويش بقوم من مطير على ابل للسهول في تلك الخبراء وفيها يقول شاعرهم : [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"] انا هاضنى يوم علينـا مـن الدوشـــــــــان *** بنـات الحميـدي والملابيـس تتليـهـا غزوا على خبرا البـرازات بالظفـــــــران ***وقمنـا عليهـم والله الـلـى يقديـهـا حدينا......بالمـزاريـج والفـرســـــــــــــان ***يجى الحول مابريت مداحـى سماريهـا حديناه ليـن انـه تحـول وراطاســــــــــان ***وخلا الطماعه عقب لـه شقـوهٍ فيهـا وياويلهم من سربـه جرهـا عرهــــــــان ***الـى صـاح بالبلهـا وحنـت تواليهـا ترى الخيل جاها بدر وشلاش بن لحيان ***وراحـت باهلهـا ماتسنـع مواطيـهـا ابمدح بها سمو البـرازات والظهــــران ***قروم الرجال التـى تنومـس عزاويهـا انا من بنى عامـر لاعسكـر الدخأــــان ***اليا حل عند الخيـل سـو البـلا فيهـا لـى لابـه مرباعهـا يمـه الصمــــــــان ***سهول تعشى الطير من جـدع اياديهـا مصاييفها في نجد العـرق والوديـان ***مـن البـل جنبهـا دايـمٍ منـا تخليهـا [/poem] |
رد : وقعة خبراء البرازات بين سهول ومطير
[size=5] اتحفتنا بمعلوماتك ياصقر السهول
وسهول معروفين بافعالهم ونعم فيهم وفيك وحيــــــــــــــــــــــــاك الله [/size] |
للحقيقة فقط
صقر السهول (زي ماتسمي نفسك)
من متى والسهول تكسر المطران في اي معركة او من متى سجل التاريخ غزوة للسهول على اي قبيلة ثانية فمابالك بمطير اخي اذا لم تكن لديك المعلومات االكافية فلا تقول مالاتعرف واذا لم تكن تعرف من هي القبيلة التي نظفة مكان اقامتها مع قطعانها في الصمان بملابسها وبأمر الدويش فسأل كبار السن من السهول او اي شريف من اي قبيلة والى متى وانتم تقولون ان الدويش استغل او انتهز فرصة ما وكأن الدويش لم ينتصر بأي معركة قادها الا بمحض الصدفة وليس لشجاعته ولشجاعة من معه بعد توفيق الله انا ذكرت هذا للحقيقة فقط واكتفي به حرصا" على خاصية هذا المنتدى والسلام |
رد : للحقيقة فقط
لا هنت يا صقر السهول ...
ويعطيك العافيه يا خوي يا سلمان ... |
رد : وقعة خبراء البرازات بين سهول ومطير
كفو والله السهول نوخو المطران
بعدين سلمان انت اكيد مطيري وراكم متولجين هالعالم كل ما قبيله كتبت عن معركه كذبتوهم الظاهر الملائكه تحارب معكم انتم:) استغفر الله بس تناشبون العالم |
رد : وقعة خبراء البرازات بين سهول ومطير
اخوي الاجودي
اولا" اي نعم انا مطيري وانا شاركت بالموظوع لتصحيح الغلط لا بقصد مناشبت العالم زي ماقلت لان الموظوع فيه غلط وواظح بعد ولكوني انا والسهلي في منتدى سبيع كان لابد من تصحيح الموظوع لان فيه بعض الاخوان من قبيلة سبيع مايعرفونه بالشكل الصحيح وكان عندي المعلومات الصحيحه فشاركت لوكان قصدي مناشبت العالم فيه موظوع كاتبه نفس السهلي وهو وقعة عيده بين السهول ومطير ماشاركت فيه لان ماعندي معلومات عنه السؤال اخوي هل انت سهلي حتى تأخذك كل هذه الحميه التي فاقت حمية كاتب الموظوع؟ ام ان الرد كان بدافع اخر؟ واللي ابيك تعرفه اني تربطني علاقة اكثر من طيبة مع بعض افراد قبيلة سبيع وهذا مادفعني للمشاركة في هذا المنتدى الطيب واود تقبل مشاركتي بصدر رحب اخوك سلمان |
رد : وقعة خبراء البرازات بين سهول ومطير
الاخ سلمان
السلام عليكم ورحمة الله وبركاتة لقد اخطأت بحق صقر السهول وكذلك قبيلة السهول عامه فكان الاولى ان تناقش وتطلب توضيح وتواريخ ومراجع واسماء روات؟؟؟؟؟؟؟؟ في اي معركة او من متى سجل التاريخ غزوة للسهول على اي قبيلة ثانية فمابالك بمطير لاحول ولا قوه الا ابالله خذ عندك عليكم يامطير دع غيرك 1/وقعة الدبدبه بين حمود بن هادي بن جلعود وترحيب بن شقير الدويش 2/وقعة عيده علوش بن جلعود وسلطان الدويش 3/وقعة العتش قتل بها عبدالله الفغم 4/وقعه لا تحضرني الان قتل بها مناحي بن زريبان 5/قتل السور من قبل السهول بأحدى الغزوات اخي سلمان قل انك تكذب ياعبد العزيز ولكن لي مطلب وانا خوك ان تسئل هل الذمه من مطير واخير يا غالي هاذي سمت السلبقين غزو وقتل وغالب ومغلوب فلا تزعل ولم اذكر الا حقائق فوالله لولدي ولو واحد بالمئه عن ما ذكرت فيعلم الله اني لا اذكره (والحميه مطلوبه وتظهر تلقائي من الشخص ولا يلام وتلا حظ ذلك بجميع المنتدايات لا يصدقون التاريخ اي يعني لا غلبه لا حد بالسابق واخير ارجو التقبل بصدر رحب وعدم الا نفعال |
رد : وقعة خبراء البرازات بين سهول ومطير
اخوي عبد العزيز
طريقتك انت هي طريقة الحوار مو زي ماسوا صقر السهول وتفرد بالموضوع كامل انا اوعدك اسال عن اللي انت كتبت واردلك بكل موضوعية تحياتي اخـــ سلمان ـــوك |
رد : وقعة خبراء البرازات بين سهول ومطير
[size=4]والنعم بالسهول مافيهم قصور
لكن البيت الي يقول : أنا من بني عامر إلا عسكر الدخان ...الخ هذا بيت مكذوب مصنوع مدخل على القصيدة وضعه من يريد أن يؤكد أن السهول من بني عامر بن صعصعة وهم لاشك من بني عامر ولكن لم يرد عند السهول لاشعرا ولا نثرا الإنتساب لبني عامر أبدا ولو تقصى أحد وسأل أي كبير في السن من السهول أو من سبيع وقال له هل يقال للسهول آلاد عامر أو هل ورد في شعرهم وكلامهم قديما هذه النسبة لنفوا ذلك ولا يعرف بالإنتساب لبني عامر إلا سبيع فقد ورد في أشعارهم وأشعار غيرهم أنهم سبيع بن عامر وشواهد ذلك كثيرة منها : قول ابن مخشوش : أنا من الغلبا سبيع بن عامر * أهل الشجاعه والفعول الجزايل وكقول الغبيوي المطيري : ياسبيع يااهل الفعل يالاد عامر * لاقيل يم المال ثار اصياح ولاشك أن هناك قبائل كثيرة تنتسب لبني عامر غير سبيع والسهول ولكن لم يعرف بالانتساب علنا إلى عامر شعرا ونثرا إلا سبيع وحتى لايغلط أحد فليس معنى هذا نفي انتساب السهول لبني عامر وللأخ سلمان أقول هداك الله لاتظلم نفسك فالسهول كسائر قبائل العرب تغير ويغار عليها وتنتصر وتنهزم وليس في الهزيمة عيب ولا عار لاعليهم ولا على مطير ولا سبيع ولا لأحد من الناس والأيام دول وشكرا لكم [/size] |
رد : وقعة خبراء البرازات بين سهول ومطير
مواضيع ومشاركات تضيق الصدروالله:(
(اللي يزعل سلمان مافيه بركه) |
رد : وقعة خبراء البرازات بين سهول ومطير
لاشك من بني عامر ولكن لم يرد عند السهول لاشعرا ولا نثرا
الإنتساب لبني عامر أبدا ولو تقصى أحد وسأل أي كبير في السن من السهول أو من سبيع وقال له هل يقال للسهول آلاد عامر أو هل ورد في شعرهم وكلامهم قديما هذه النسبة لنفوا ذلك ولا يعرف بالإنتساب لبني عامر إلا سبيع فقد ورد في أشعارهم وأشعار غيرهم أنهم سبيع بن عامر وشواهد ذلك كثيرة منها : قول ابن مخشوش : أنا من الغلبا سبيع بن عامر * أهل الشجاعه والفعول الجزايل وكقول الغبيوي المطيري : ياسبيع يااهل الفعل يالاد عامر * لاقيل يم المال ثار اصياح ولاشك أن هناك قبائل كثيرة تنتسب لبني عامر غير سبيع والسهول ولكن لم يعرف بالانتساب علنا إلى عامر شعرا ونثرا إلا سبيع 0000000000000000000 الي مسافر بالنسبة الي ما قلت ان السهوول لا يرجعون الي عامر فانا معك جعلك تسلم السهووووووول ما يرجعون الي عامر ولا الي عمرو ولا الي [color=#CC0000]؟؟؟؟؟ [/color]ولا الي عمير لكن يرجعون الي عامر بن صعصعه واما سبيع فمع احترامي لك ولهم الا سمعنا منكم انكم في سبيع بن عامر بن جعده طبعا هذا كلامكم وتاكيداتكم لكن مع الاسف ما لقينا ان هناك قبيله اسمها سبيع بن عامر بن جعده فاركد الله يصلح وبعدين سوال الفراج امراء البليدان وابو ثنين [color=#CC0000]؟؟؟؟؟؟؟؟[/color] وغيرهم ممكن توضح لللي كيف البليدان يرجعون في الجمالين مع ان الفراج من عنزة [size=5][color=#CC0000]تم استبعاد بعض الالفاظ بعلامة استفهام من قبل الاداره الاخ السهلي هذه المره الثانيه التي ارجو منك الالتزام بشروط المنتدى المره الاولى تم ايقافك لمدة اسبوع والمره القادمه سيكون ايقافك نهائيا مع تحيات الاداره ( اخو شما )[/color][/size] |
رد : وقعة خبراء البرازات بين سهول ومطير
[b]السلام عليكم...
الاخ العزيز/صقر السهول. لدي بعض الاسئله وارجوا الاجابه عليها اولا: ما المصدر الذي نقلت هذه الوقعه منه؟؟ ثانيا:في اي سنه حدثت هذه الوقعه؟؟ ثالثا: من هو الدويش الذي كان قائد مطير في هذه الوقعه؟؟ رابعا: يقول الشاعر: (لى لابه مرباعها يمه الصمان ***سهول تعشى الطير من جـدع اياديهـا) من متى كانوا السهول يسكنون الصمان؟؟ وما هي ديارهم بالصمان؟؟ ارجوا الاجابه على الاسئله ... وشكرا..[/b] |
رد : وقعة خبراء البرازات بين سهول ومطير
اخواني الاعزاء ..
الموضوع كان عن معركه وقعت بين قبيلة السهول وقبيلو مطير وكلها قبائل عزيزه علينا .. وانتوا هداكم الله حولتوا الموضوع الى موضوع نسب واصل وفصل ... اخواني ان كنتوا تبون تتناقشون في هالموضوع عندكم قسم الانساب ادخلوا اكتبوا اللي تبون ولكن ليكن النقاش بطيرقه افضل .. وتقبلوا تحياتي .. اخوكم محمد بن سلطان |
رد : وقعة خبراء البرازات بين سهول ومطير
ونعم بالسهول
ونعم بمطير كلاً فية حقة |
رد : وقعة خبراء البرازات بين سهول ومطير
ماقصرت ياصقر السهول على القصه والقصيده
اخوي سلمان انت اكبر من هاالكلام اللي تقوله الله يهديك ومطير حمران النواظر مايلحقهم الكلام ونعم فيهم مليار واللي يجب عليك وانا اخوك انك ما تنجرف ورا التيارات العصبيه المنتنه اللي نها عنها ديننا الحنيف وامر بجتنابها رسولنا الكريم صلى الله عليه وسلم ماتدخل الشكه عير الرديين= والا ترا الطيب وسيع بطانه وانت منت ردي وربعك ماهم رديين خيرين والله أخير من خلقه وتقول الله يهديك متا سجل التاريخ للسهول غزوه أو وقعه نسيت مناخ الرضيمه والعجمي يوم قصد رحنا وجينا باالدويش المسما ============== ورحنا وجينا من السهول بسربه= برازات بااللقا تروي حرابها وفي هكا المناخ قتل ألامير ضويحي اللحيان يوم شق صفوف بني خالد وكسر خطاف البيرق بيرق أبن عريعر وانتهت المعركه باالكسيره على بني خالد بمقتل الامير ضويحي اللحيان وكسر البيرق اللي كان حدره شوكة ابن عريعر والشوكه من اطيب الفريس وأرساهم على الشده والمجالده في الاكاوين هكا الدور والسهول من القبائل الاربعه اللي شهدت التقلبات السياسيه في نجد وهي السهول وبني عمنا سبيع ومطير والعجمان واقوى معركه في تاريخ سدير والمجمعه على المحلف من السهول عندما اتا الباشه التركي موسى الكاشف بثلاثمائه من جنده واصطدم باالمحلف من السهول وكانو المحلف على راس الشيخ محسن الكرك وربعه من ضمنهم الفارس جدعان القعيه ولا معهم الا شلف وسيوف والبنادق ماهيب واجد والترك معهم بغول (تكرم ويكرمون الاخوان) تسحب المدافع وقامو عليهم المحلف يوم الله جاهم ومحقهم وقتلو جنده كلهم مافيهم اللي يلحس الخمس الا شريدتهم ثلاثة عشر زبنو سور المجمعه ودخلو على ابن عسكر امير المجمعه هاك الوقت وموجوده باالتاريخ ومهنا بن سويحل من البرازات اللي عليه المثل المعروف (ماغزيت مع مهنا) يقول ابن هدلان الفارس المعروف يا سابقي مالي بطرش البرازات = ولا لي بذيدانن جنبها مهنا خيالهم ياخذ على الخيل ردات = يظرب بحد السيف لين يتثنا والعلوم واجد لاتخلص يانسل الطيبين وصقر السهول مهوب رخمه يذكر علوم ربعه ويمجدهم ولا ذم مطير والهزيمه حتى الرسول قد انكسر ويقولون واثق الخطوه يمشي ملك وانت محد يلومك لاحاميت عن ربعك بس بدون انجراف وتعصبات لأننا مسؤلين من يم الله على كل كلمه انقولها ونزل بها في حق احد اخوي سلمان انا الان ماني في دور الناصح لك الا كلي عيوب وأخطاء من هامتي لرجلي ياالله المستعان الله يثبتني اناوياك واخوانا المسلمين على الحق(انت فاالشداد وانا فاالردوف ) ولاكن حبيت اوضح بعض الامور حميا لربعي ودفاع عنهم فاابيك تفهم كلامي ومداخلتي فأن أصبت فمن الله وأن أخطئت فمن نفسي والشيطان أخوك عقاب البرازي ،،،،،،،،،،،،،، |
رد : وقعة خبراء البرازات بين سهول ومطير
[QUOTE=عقاب البرازي]ماقصرت ياصقر السهول على القصه والقصيده
اخوي سلمان انت اكبر من هاالكلام اللي تقوله الله يهديك ومطير حمران النواظر مايلحقهم الكلام ونعم فيهم مليار واللي يجب عليك وانا اخوك انك ما تنجرف ورا التيارات العصبيه المنتنه اللي نها عنها ديننا الحنيف وامر بجتنابها رسولنا الكريم صلى الله عليه وسلم ماتدخل الشكه عير الرديين= والا ترا الطيب وسيع بطانه وانت منت ردي وربعك ماهم رديين خيرين والله أخير من خلقه وتقول الله يهديك متا سجل التاريخ للسهول غزوه أو وقعه نسيت مناخ الرضيمه والعجمي يوم قصد رحنا وجينا باالدويش المسما ============== ورحنا وجينا من السهول بسربه= برازات بااللقا تروي حرابها وفي هكا المناخ قتل ألامير ضويحي اللحيان يوم شق صفوف بني خالد وكسر خطاف البيرق بيرق أبن عريعر وانتهت المعركه باالكسيره على بني خالد بمقتل الامير ضويحي اللحيان وكسر البيرق اللي كان حدره شوكة ابن عريعر والشوكه من اطيب الفريس وأرساهم على الشده والمجالده في الاكاوين هكا الدور والسهول من القبائل الاربعه اللي شهدت التقلبات السياسيه في نجد وهي السهول وبني عمنا سبيع ومطير والعجمان واقوى معركه في تاريخ سدير والمجمعه على المحلف من السهول عندما اتا الباشه التركي موسى الكاشف بثلاثمائه من جنده واصطدم باالمحلف من السهول وكانو المحلف على راس الشيخ محسن الكرك وربعه من ضمنهم الفارس جدعان القعيه ولا معهم الا شلف وسيوف والبنادق ماهيب واجد والترك معهم بغول (تكرم ويكرمون الاخوان) تسحب المدافع وقامو عليهم المحلف يوم الله جاهم ومحقهم وقتلو جنده كلهم مافيهم اللي يلحس الخمس الا شريدتهم ثلاثة عشر زبنو سور المجمعه ودخلو على ابن عسكر امير المجمعه هاك الوقت وموجوده باالتاريخ ومهنا بن سويحل من البرازات اللي عليه المثل المعروف (ماغزيت مع مهنا) يقول ابن هدلان الفارس المعروف يا سابقي مالي بطرش البرازات = ولا لي بذيدانن جنبها مهنا خيالهم ياخذ على الخيل ردات = يظرب بحد السيف لين يتثنا والعلوم واجد لاتخلص يانسل الطيبين وصقر السهول مهوب رخمه يذكر علوم ربعه ويمجدهم ولا ذم مطير والهزيمه حتى الرسول قد انكسر ويقولون واثق الخطوه يمشي ملك وانت محد يلومك لاحاميت عن ربعك بس بدون انجراف وتعصبات لأننا مسؤلين من يم الله على كل كلمه انقولها ونزل بها في حق احد اخوي سلمان انا الان ماني في دور الناصح لك الا كلي عيوب وأخطاء من هامتي لرجلي ياالله المستعان الله يثبتني اناوياك واخوانا المسلمين على الحق(انت فاالشداد وانا فاالردوف ) ولاكن حبيت اوضح بعض الامور حميا لربعي ودفاع عنهم فاابيك تفهم كلامي ومداخلتي فأن أصبت فمن الله وأن أخطئت فمن نفسي والشيطان أخوك عقاب البرازي ،،،،،،،،،،،،،،[/QUOTE] هذا الكلام اللي نبيه كل قبيله فيها حقها مقصرت ياعقاب |
رد : وقعة خبراء البرازات بين سهول ومطير
والله والنعم في بني عمنا السهول ..
|
رد : وقعة خبراء البرازات بين سهول ومطير
ماعليك زود يامحمد بن سلطان واسعدتني بتواجدك العذب
|
رد : وقعة خبراء البرازات بين سهول ومطير
والله ونعم في السهول بني عمنا كفو والله
[frame="1 80"]حنا ارتبطنا بالشرف والعز جيل بعد جيل *** مثل ارتباط الدم مابين ((السبيعي)) و((السهلي))[/frame] |
رد : وقعة خبراء البرازات بين سهول ومطير
كفيت ووفيت ياعقاب
|
رد : وقعة خبراء البرازات بين سهول ومطير
ونعم باالسهول ونعم باالمطران
اشكرك من الاعماق ياصقر السهول |
رد : وقعة خبراء البرازات بين سهول ومطير
الغرب يصنع طايرات وصواريخ
والشرق الأوسط راح نفطه بلاشي حطوا لهم في صفحة العلم تاريخ وأنا بماضينا نعيد النقاشـــــي صح لسان قائل هذه الأبيات |
رد : وقعة خبراء البرازات بين سهول ومطير
أخوي وابن عمي ذخر طيبين حياك على المرور وشكر لك على رفع موضوع اخونا الغائب الخاضر بقلوبنا صقر السهول
حبيت اشكرك باالنيابه الاخ ابوسلامه حياك طال عمرك وهاذي مافيها شي لاذكرت ولاتردنا عن التطور ولا عن صناعة الصواريخ هاذا جزء من الماضي والعرب دايم ارتباطهم بماضيهم أكثر واللي ماله ماضي ماله حاضر وكماقيل اللي ماله اول ماله تالي بعدين الاخوان حطو هاالمنتدى وسموه منتديات الـمـشـاهـيـر والقصص البطولية تحياتي لك اخوك سلطان البرازي |
رد : وقعة خبراء البرازات بين سهول ومطير
[QUOTE=صــقــرالسهــول;34240]استغل الدويش مغادرة قبيلة غالبية قبيلة السهول من منطقة العرض الى مناطق العارض وبرك وسدير والعويريض والمحمل فجمع معه من مطير وغزا قبيلة السهول في منطقة خبراء البرازات و
خبراء البرازات منطقه معروفة في شرق القويعية ذكرها الشيخ البليهد في كتابه (( ماتقارب سماعه)) وهي خبراء تجتمع فيها السيول وهي سابقاً من ديار برازات السهول وجرت عليها وقعة أغار فيها الدويش بقوم من مطير على ابل للسهول في تلك الخبراء وفيها يقول شاعرهم : [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"] انا هاضنى يوم علينـا مـن الدوشـــــــــان =بنـات الحميـدي والملابيـس تتليـهـا غزوا على خبرا البـرازات بالظفـــــــران =وقمنـا عليهـم والله الـلـى يقديـهـا حدينا......بالمـزاريـج والفـرســـــــــــــان =يجى الحول مابريت مداحـى سماريهـا حديناه ليـن انـه تحـول وراطاســــــــــان =وخلا الطماعه عقب لـه شقـوهٍ فيهـا وياويلهم من سربـه جرهـا عرهـــــــان =الـى صـاح بالبلهـا وحنـت تواليهـا ترى الخيل جاها بدر وشلاش بن لحيان =وراحـت باهلهـا ماتسنـع مواطيـهـا ابمدح بها سمو البـرازات والظهــــران =قروم الرجال التـى تنومـس عزاويهـا انا من بنى عامـر لاعسكـر الدخأــــان =اليا حل عند الخيـل سـو البـلا فيهـا لـى لابـه مرباعهـا يمـه الصمــــــــان =سهول تعشى الطير من جـدع اياديهـا مصاييفها في نجد العـرق والوديـان =مـن البـل جنبهـا دايـمٍ منـا تخليهـا [/poem][/QUOTE] [size=9][align=center]والنعم باخواننا السهول [/align][/size] |
رد : وقعة خبراء البرازات بين سهول ومطير
صقر السهول
الأجودي عبدالعزيز الأحمد عقاب البرازي ما قصرتوا وكفيتو ووفيتوا ولا تهون البقيـة وأدعو الأخ سلمان أن يتحلى بالهدوء ويبتعد عن المشاحنات خصوصآ التي لا لا يصحبها أدلة أو براهين اما عن السهول فتاريخها معروف ويكفي وقوفها بجانب الملك عبدالعزيز ولم تنقلب قبيلة السهول على طاعة ابن سعود كما فعل البعض في معركة السبله من عام 1929م ودمتــــم |
| الساعة الآن 16:57. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها