الأمير / سليمان الشنيفي
 

انا ياربع اليوم عندي موضوع وفيه نوع من العتاب عليكم لانكم تجاهلتم رجل من رجال
سبيع العريقه الا وهو الامير سليمان بن يوسف الشنيفي السبيعي رحمه الله

هذا الرجل ولد في بلدة ضرما التي تبعد حوالي 80 كيلو عن الرياض على طرق الحجاز وله تاريخ حافل في البطولات شارك في ستة وثلاثين غزوة من اجل توحيد
المملكه وقد تولى امارة منطقة تيماء وامارة لينة والتي كانت من اهم مراكز منطقة الشمال وقد طوع اهل الشمال جميعهم وكان الرجل الثاني في ذاك الوقت بعد امير منطقة الشمال بن مساعد ... وقصره الان موجود في محافظة لينة ...

ومن المواقف التي صارت له انه كان في معركة من المعارك التي شارك فيها مع قبيلة مطير
وحينما واجهه الشيخ عزيز الدويش رحمه الله وكانت ذلول عزيز الدويش مصوبه ووقع منها وكان يقدر يذبحه لكن عزة نفسه لم تسمح له بان يذبح شخص صوبة ذلوله ولاهو اي شخص انما هو الشيخ عزيز الدويش وكان شيخ مطير في ذاك الوقت وكان سلاح عزيز الدويش وقعت منه فلم يذبحه . واتى شخص فوجد عزيز الدويش وهذا الشخص شمري وذبح الدويش ولما وصل الخبر الى الشنيفي قال لازم اتأكد هل هو صحيح ولا لا ؟
فذهب ومعه ناس من الاخوياء اللي كانوا في قصره ومعهم الشمري ذا اللي ذبحه
وقال الشمري هذي هي جثة الدويش وقال للشمري عزيز مانت بكفوا نك تذبحه لان عزيز امير مطير كلها ولا ينذبح بالطريقة ذي ولا ينذبح من غير سلاحه وذلوله مصوبه لكن لو الخوف من الله لذكيك جنبه ياملعون الوالدين وقد قالت شاعرة من شاعرات مطير :
هذا الشنيفي لفا باخبار=ياقاري الخط وشجابه

يذكر عزيز عليه غبار=بالمسعري تكلح انيابه



وفي النهاية تقبلوا تحياتي

فيصل الشنيفي السبيعي

رد : الامير سليمان الشنيفي
 

اظني سمعت بأسم الشنيفي بس مدري وين والعالم انهم يرجعون مجامعة صح

رد : الامير سليمان الشنيفي
 

هلا بك وادي رنية

اولا : مشكووور على مرورك والله لايهينك .

ثانيا : حنا طال عمرك من بني ثور ...

ثالثا : مواطنا في ضرما اما الشنيفي اللي في المذنب والقصيم بشكل عام والمجمعه ماهم سبعان ولا ادري وش هم ؟ وهقوتي وانا ابن عمك انهم عوج دخاااان ..

رابعا : اذا انك في رنيه ابي ايميلك اذا ماعندك مانع لاني بوصيك لرجال شرواك عندكم في رنية وهو منا وفينا ..


وعلى العموووم تقبل تحياتي

اخوك : فيصل الشنيفي

رد : الامير سليمان الشنيفي
 

[center]رجل يشرف قبيلة سبيع وابناء عمه

وتاريخ يعتبر مداد لنا جميعا

تحياتي لك أخي الغالي على ايراد مثل هذه المأثر عن رجالات وابطال سبيع[/center]

رد : الامير سليمان الشنيفي
 

بارك الله فيك اخوي(فيصل) شنيفي ضرمااااااااا في تذكيرنا برجالات سبيع وابطالها منهم
الامير سليمان بن يوسف الشنيفي السبيعي رحمه الله
------------------------------
اما الشنيفي اللي في المذنب والقصيم بشكل عام والمجمعه ماهم سبعان ولا ادري وش هم !!!!!!!!!!!!!!!!?
-----------------------------

رد : الامير سليمان الشنيفي
 

هلا بك ياخو شما ولا يهون عريني الجنيفي

مشكورين على مروركم الكريم ..

اخوكم : فيصل الشنيفي

رد : الامير سليمان الشنيفي
 

ونعم والله بالشنافا وهم من قبيلة بني ثور العزيزه احدى قبايل قبيلة سبيع ولكن اخ فيصل اود اعطانا معلومات عن الشنافا اللي في ضرما من هو شيخهم وكيف استيطانهم في ضرما وكم عددهم ومن هم اصولهم وكبارهم وبالله التوفيق ولك تحياتي

رد : الامير سليمان الشنيفي
 

هلا بك يالسبع الحر ومرحبا بك

اولا : جميع الشنافا اللي في ضرما سبعان ومن بني

ثاينا : استيطانهم في ضرما من فترة حوالي 200 سنه او اكثر بقليل

ثالثا :طبعا محافظه ضرما ليس ديرتنا وانما ديرتنا هي ديرة بني ثور الخرمة واما طريقة استيطانهم انهم من اول البدو تنزح وترحل بحلالها وجو في ضرما وعاشوا فيها , وفيهم اللي دخل بالتجاره مع الحضر وفيهم من قعد مع حلال واللي قعدوا مع حلالهم صاروا يرحلون للشمال والمناطق ذيك .

رابعا : عددهم مايتجاوز الاف رجال ومنهم من في ضرما ومنهم من في الشمال في حائل او لينة و تيماء .

خامسا : شيخهم ياطويل العمر شيخ بني ثور اللي هو بن هليمة وكابر وانا اخوك
معظمهم ماتوا وقليل اللي بقا من هم .

سادسا : عائلة الشنيفي كثير من رجالها تولوا بعض امارات المناطق فمثلا كان االامير سليمان الشنيفي في منطقة الشمال وكان في لينة وقصره لازال في لينه وله ايضا شارع في مدينة حائل المسمى بشارع قصر الشنيفي , وايضا منطقة الدوادمي تولى امارتها الشيخ عبدالله الشنيفي , ومنطقة الحريق تولى امارتها محمد الشنيفي

ملاحظه : اسم الشنيفي انما هو اسم العائله نسبة الى جدنا شنيف وانما اسمنا الكامل
يكون في اخره بن شنيف الثوري السبيعي ..



في النهاية اخوي السبع الحر تقبل تحياتي لك وفائق احترامي
واتمنى ان هذه المعلومات تكون كلفية يابن عمي واذا اردت معلومات اضافية فانا حاضر لك.


اخوك وابن عمك : فيصل الشنيفي

رد : الامير سليمان الشنيفي
 

كفو والله يافيصل ولكن لدي سؤال لدي زميل عمل اسمه المهندس محمد بن عبدالرحمن الشنيفي هل هو منكم ؟

رد : الامير سليمان الشنيفي
 

هلا بك يا السبع الحر

والله اني الشخص ذا ما اعرفه شخصيا

لكن اتوقع اني سمعت بالاسم ذا وانا اخوك

لكن علشان تتأكد وانا اخوك على مايقولون تقدر تاخذ العلم من راسه وانشده والوضع مافيه لا حيا لان فيه ترى شنافا واجد وحسب علمي ان فيه سهول وفيه دواسر وفيه
الشنيفي اللي بالمذنب والقصيم بشكل عاااااام مدري وش هم لكن اتوقع انهم عوج دخااااااان ...

ولك تحياتي .

اخوك : فيصل الشنيفي السبيعي

رد : الامير سليمان الشنيفي
 

بيض الله وجهك يابن شنيف وياثوري ومرحبا بك بين اخوانك

رد : الامير سليمان الشنيفي
 

و وجه من يقول يالسبع الحر

والله لايهينك على المرور الكريم


تحياتي .

اخوك : فيصل الشنيفي

رد : الامير سليمان الشنيفي
 

الأخ فيصل ونعم فيك وفي شيبانك

وأغلب اعضاء المنتدى من الشباب ويجهلون الكثير في النسب ومن ضمنهم انا يامحاكيك وإنا ننتظر اللي مثلك من سبيع ونزح لمناطق ثانيه بالتعريف بأنفسهم لكي يتسنى للجميع المعرفه عن هذه العوائل النازحه

أتمنى منك مراسلتي على الخاص لأنه كما يبدوا انك قريب مني فنحن نفرح بأبناء العمومه اين ما وجدوا

أخوك العويد

رد : الامير سليمان الشنيفي
 

هلا وغلا اخوي العويد وحياك الله

ومشكور على مرورك والنعم في حالك ..


وعلى العموووم وانا اخوك ارجو منك اذا كنت تريد مراسلتي

ان تضيف ايميلي عندك وبامكانك تسأل ماتشاء وعلى الرحب والسعه وفي اي وقت

وانا ترى مافهمت وش تقصد باني قريب منك مدري هل هو المكان لاني انا ترى في

امريكا ...

وهذا هو ايميلي طال عمرك وفي انتظار اضافتك

[email]Faisalksa_o@hotmail.com[/email]

تحياتي

اخوك : فيصل الشنيفي

رد : الامير سليمان الشنيفي
 

السلام عليكم: اخوي فيصل ماتعرفون الشنافين الي في رنيه.alameer1144@hotmail.com

رد : الامير سليمان الشنيفي
 

هلا بك يالشنيفي

الله يطول بعمرك الشنيفي جمعهم الشنافا واللي في رنية مدري من تقصد بالضبط ؟


وعلى العمووم انا اضفت ايميلك عندي على الماسنجر وابغاك توضح لي اكثر وانا

اخوك .. وابشر باللي تبي تعرفه وابرك الساعات اللي ارد فيها على اسئلتك واللي تبي

تعرفه ...

انا في انتظار قبول اضافتي عندك على الماسنجر ...




تقبل تحياتي

اخوك : فيصل الشنيفي

رد : الامير سليمان الشنيفي
 

معروفين الشنافا
منهم راعي لينه المشهور له قصص
وبطولات وهم من بني ثور

شكرا لك يافيصل الشنيفي

رد : الامير سليمان الشنيفي
 

تراني اضفتك يافيصل وانتظر دخولك المسنجر

رد : الامير سليمان الشنيفي
 

هلا بك يالرايق


ومعليك زود طال عمرك ..

على فكره ياطويل العمر راعي لينه هو الامير سليمان الشنيفي ...

هو اللي في الموضوع ذا وهو المقصود طال عمرك وانا يامحاكيك من نسله ..

وهو جدي طال عمرك ..

وابرك الساعات اللي رديت فيها على موضوع من مواضيعي ..


تقبل تحياتي ...



اخوك : فيصل الشنيفي

رد : الامير سليمان الشنيفي
 

هلا بك يا الشنيفي

انا ترى دايم على الماسنجر لكن ترى الوقت يختلف لاني انا في امريكا

وعلى العموووم انا اكون تقريبا على الساعه 2 في ليل بتوقيت السعودية يعني عندنا

العصر ..



انا في انتظارك ..

اخوك : فيصل الشنيفي ..

رد : الامير سليمان الشنيفي
 

[align=center][size=4][font=Arial][color=#0000FF][QUOTE=فيصل الشنيفي;55017]
الشنيفي اللي بالمذنب والقصيم بشكل عاااااام مدري وش هم لكن اتوقع انهم عوج دخااااااان ...

[/QUOTE]

بسم الله الرحمن الرحيم
اولا اعتذر ان ردي هذا على موضوع قديم

ولكن بعد ان قرئة الموضوع وجد به بعض المعلومات
الغير صحيحه والاستفسارات
احببت ان ادلي بما لدي
واعتذر من ابن عمي فيصل الله يرحم سليمان وعمامك

وكما ان المعلومه تهمك تهمني واتمنى اذا انا مخطئ ان اجد تعليق

ندخل بالموضوع

الشنافا وهو جمع شنيف وهوا الجد وان شالله سوف اكتب عنهم موضوع كامل من بداية خروجهم من الخرمه الى ان وصلوا ضرما واستقروا بها

الشنافا من بني ثور موطنهم الاساسي هو ضرما ومن بالمجمعة وبالقصيم وبالتحديد مدينة عنيزة هم ايضا من شنافا ضرما
مع العلم ان هناك في المجمعة شنافا ولكن من بني خالد وايضاً بالقصيم في مدينة بريدة وهم من بني خالد ايضاً
وبالرويضة وهم سهول وفي مدينة الخرج وهم دواسر

هذي نبذه عن شنافا سبيع




[QUOTE=السبع الحر;55015]كفو والله يافيصل ولكن لدي سؤال لدي زميل عمل اسمه المهندس محمد بن عبدالرحمن الشنيفي هل هو منكم ؟[/QUOTE]


ردا على سؤالك اخي الكريم ولو انه قديم اذا تقصد المهندس محمد بن عبدالله الشنيفي اللي كان عايش بالامارات فهذا سبيعي من اهل ضرما


[QUOTE=+الشنيفي;55188]السلام عليكم: اخوي فيصل ماتعرفون الشنافين الي في رنيه.alameer1144@hotmail.com[/QUOTE]


الا اعرف منهم بس هم يقالهم الشنيف مو الشنيفي


اعتذر من اخي وابن عمي كاتب الموضوع على المداخله
اخوكم ابوسديم [/color][/font][/size][/align]

رد : الامير سليمان الشنيفي
 

[size=4]الــ س ــلام عليكمــ ..

احــب اضــ ي ــف معلومــآآت عن الــشــنيفي اللي في الــمــجمعه
وبالاخص الموجودين في وادي النــزيـــه وهم سبعــان من بني ثور

وهمــ :

1- عبدالله عبدالرحمن الشنيفي واحفادهـ ..
2- أحـــمــد عبدالرحمن الشنيفي واحفادهـ ..
3- مــحــمد عبدالرحمن الشنيفي واحفادهـ ..
4- عبدالعزيز عبدالرحمن الشنيفي واحفادهـ ..


ويــوجد الشنيفي أهــل الخيس ويــرجعون خوالد ..

والله يح ــفظكمـ ..[/size]

رد : الامير سليمان الشنيفي
 

[size=4][font=Arial]فيصل الشنيفي الله لا يهينك على ذكر سيرة بطل من أبطال قبيلة سبيع الغلباء وهو الامير /سليمان الشنيفي

الثوري واما بخصوص الشنافين اللي في منطقة رنية فهم من خوالي وياقال لهم ابن شنيف وهم

من الوثالين من المجامعة من سبيع الغلبا ويقطنون في قرية ملهي والمعروفين باأهل الريع ريع ابن شنيف






ودمت بخير وعافية



أخوك/ مترك بن ثواب ابن هليمه الثوري[/font][/size]

رد: الأمير / سليمان الشنيفي
 

[QUOTE]ثالثا : مواطنا في ضرما اما الشنيفي اللي في المذنب والقصيم بشكل عام والمجمعه ماهم سبعان ولا ادري وش هم ؟ وهقوتي وانا ابن عمك انهم عوج دخاااان .. [/QUOTE]


نقلا عن كتاب اصدق الدلائل في انساب بني وائل للأديب عبدالله بن عبار

ان اسره الشنيفي من المجمعه وضرماء تنتمي للمسكا من السبعه من عنزه وقد ذكر لي احد الاخوه من اسره الشنيفي وله اطلاع في مثل هالاموروهو من الاسره نفسها التي ينتمي اليها الأمير سليمان الشنيفي أمير لينة سابقاً رحمه الله الذي ذكر في الكتاب انهم ينتمون للمسكا ذكر لي انهم لاينتمون لعنزه بل هم من قبيله سبيع ولم يسمع بمثل هالكلام من كبار السن من اسره الشنيفي الموجودين حاليا

يعني يا اخوي فيصل .. الشنيفي الموجودين في المجمعه وضرما .. من سبيع من بني ثور

والمقصودين في المجمعه ,, شنافا ( النزيه ) .. :)

.. يعني الله لايهينك تأكد من كلامكـ قبل لآتكتب ,, لآن هذا نسب .. ومافيه هقاوي

وياليت ينحذف ردكـ
لآن مافيه من الصحه شعره


ودام اصلكـ

رد: الأمير / سليمان الشنيفي
 

[COLOR=red]السلام وعليكم ورحمته الله وبركاته : اما بعد[/COLOR]
[COLOR=red][/COLOR]
[COLOR=red]اخوي شنيفي سبيع :[/COLOR]
[COLOR=red][/COLOR]
[COLOR=red][/COLOR]
[COLOR=red]انا اعجبني ردك كثير [/COLOR]
[COLOR=red][/COLOR]
[COLOR=red]ولكن هدي اعصابك وترى هو قال هقتوتي[/COLOR]
[COLOR=red][/COLOR]
[COLOR=red]ما قال اكيد يعني الهداوه زينه وانا اخوك كلكم انسابكم تبيض الوجه وعلومكم تبيض الوجه [/COLOR]
[COLOR=#ff0000][/COLOR]
[COLOR=#ff0000][/COLOR]
[COLOR=#ff0000]وتمنياتي لكم [/COLOR]
[COLOR=#ff0000][/COLOR]
[COLOR=#ff0000][/COLOR]
[COLOR=#ff0000]اخوك راكان الشنيفي [/COLOR]

رد: الأمير / سليمان الشنيفي
 

اخوي الكريم
الاخوان ما قصرو فزعولك وفوا وكفوا
الشنيفي سمعت من واحد ربعين يقوله ابوه ان بعضهم سبيع
والله ما ندري عنهم
بئس الي بقوله ان الله يعز الدول اليوم كلن يقول انا شيخ
اخوكم \ الساري

رد: الأمير / سليمان الشنيفي
 

اللي مو متأكد من معلوماته يا أبناء العمومه لا ينزلها
وعائلة الشنيفي فيه منهم سبعان وفيه منهم من السبعه وفيه منهم عوج دخااان على قولت ولد عمي فيصل
السبعان منهم مواطنهم رنيه ولينه وتيماء والخرمه وضرما
والسبعه من القصيم بشكل عام ومن المجمعه
عوج دخاااان علمي علمكم