منتديات سبيع الغلباء - الفارس الشيخ / مبارك بن باتل بن مهرس الشدادي الحارثي رحمه الله

[size=5][align=center]بسم الله الرحمن الرحيم

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا أبو سعد سج الركايب يسيرن=وإليا غدا شي ٍِ على الله بدالـه [/poem]

التـاريخ وعلى امتداده ظلت هذه الكثبان الممتدة من الماء إلى الماء تنجب من الفرسان والأبطال ذوي الشيم والشهامة والفروسية الفذة والشجاعة النادرة هؤلاء الأبطال ظلوا طـوال قــرون من الزمان ماثلين في الذاكرة الشعبية تتناقلهم السير والقصائد بنوع فيه الإكبـار والتمجيـد .

الأمير الفارس / مبارك بن باتل بن مهرس الشدادي الحارثي رحمه الله ( أبو سعد )

اسم نقش في صفحات التاريخ والفروسية أمير قبيلة الشدادين من بني الحارث وفارسها المشهور وقائدها في أكثر الوقائع والمعارك الضارية للقبيلة اشتهر بالدهاء والحنكة والكرم الحاتمي ولو أردنا الكتابة عن هذه الشخصية العظيمة لطال بنا المقام وتجف الأقلام في ذكر تاريخه المشرف وأفعاله الخالدة ومواقفه البطولية ولكن أردنا في هذا الموضوع تسليط الضوء على بعض من مآثر هذا الفارس .

كان رحمه الله قوي الشخصية قائد موفق من الله في أكثر أموره لقب بـ ( غيمان ) وسبب هذا اللقب هو بعد المناطق التي كان يغزي عليها حيث كان يأخذ في مغازيه شهوراً كثيرة ولقب كذلك بـ ( مجوّز العزّب ) وكان يحرص الشبان من جميع القبائل على مرافقته في مغازيه ولعلنا نذكر قصة الفارس / مبارك بن خميّس العواضي الشدادي الذي تزوج بنت أحد شيوخ قبيلة العجمان عندما كان مع الأمير / مبارك بن مهرس .

أما قيادته للمعارك فكان رحمه الله مقداماً لا يهاب الموت حتى قال فيه الشاعر / شامان البقمي :-

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قولوا لابن مهرس يخلي هبالـه=لو هو كفو لأخذ الدير ما حقرناه [/poem]

ومن المعارك التي خاضها نذكر على سبيل المثال :- معركة سوقان معركة عن معركة الركية معركة البهارة غزو تربة حرب الباضة وله الكثير من القصص والمواقف المشرفة وسوف نذكر في موضوعنا هذا بعض من مواقفه .

( قصة الذئب )

غزا الأمير / مبارك بن مهرس بقومه على أحد القبائل والتي كانت بعيدة عن ديار بني الحارث وفي أثناء الليل سمعوا عواء الذئاب وكان القوم يقولون : عسى ما عشاكم منا خوفاً من غدر الأعداء لهم فقال الأمير / مبارك : والله ما خبرت إني غزيت وأنكفت وسمعت اللي تقول يا أبوي ويا أخوي وكان يقصد بأنه موفق من الله ولم ينكسر بيرقه في جميع غزواته وفعلاً انتصر في غزوته تلك وغنم ويقول أحد الشعراء من قوم الأمير / مبارك بن مهرس :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ويل اللي مهوب منا=واللي منا يضحك نابه
شيخنا زبـن المجنـا=وا هني اللي مشى بـه [/poem]

( يتلون شيخ ٍ شيخته بالعدالي )

هذه القصيدة لأحد فرسان قبيلة عبيدة قحطان قالها في الأمير / مبارك بن مهرس عندما حصل بينهم موقف عند الإبل وبعد ما سمعها الأمير / مبارك أهدى للقحطاني بعض من الإبل تقديراً له :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ديك ياللي في العلالـي تلالـي=لا وا هنيـك بالتعاجيـب يـا ديـك
تجر صوتك مـا شكيـت الليالـي=وأنا جرى لي في زمانـي شرابيـك
أتعبت ساقي في طرد عُرب ٍ متالي=لعيون من حط العويـدي مساويـك
لين أعطبونـي محتميـن التوالـي=جمع الشلاوى مبعدين المصاويـك
يتلـون شيـخ ٍ شيختـه بالعدالـي=( أبو سعد ) إليا عزل ذيك عن ذيك
العود من جنسـه يجيلـه ظلالـي=والجد واحد ماش ريبـه وتشكيـك
ربعي عبيدة فـي نهـار القتالـي=سوات سيل ٍ من مخيلـه تهاليـك
لكن ثـار الهيـج بيـن الرجالـي=ومنا ومنهم صار ضرب المشاويك[/poem]

( زيزوم ربع ٍ للحرايب مواريد )

قال هذه القصيدة الفارس / رفيع بن هريس الشدادي الحارثي عندما كان في منطقة الأفلاج بنجد ومرسلها للأمير / مبارك بن مهرس وفيها يمتدح الأمير وقومه ويبين أشتياقه لدياره :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا راكب اللي كنهن شرد الصيـد=هجـن ٍ هجاهيـج ٍ ليـا روحنـا
حراير ٍ بوسوط أهلهـن عباريـد=عليهن اللي يوصـل العلـم منـا
تسرح من الأفلاج طوايـة البيـد=والعصر عنـد شيوخنـا برّكنـا
عند الأمير اللي لعوص النضا عيد=عيـد الركـاب الوانيـه لا لفنـا
( أبو سعد ) يوم السبايا عراجيد=مرك ٍ على العدوان رمح المطنـا
زيزم ربـع ٍ للحرايـب مواريـد=حرّابهم فـي مرقـده مـا تهنـا
قله ترانا بخير ما مـن تضاهيـد=على النقاء نمشي ويمشي ضعنـا
لو كان شفـي للديـر والمسانيـد=لا وا هني من شاف ساق ٍ وعنـا
دار ٍ نحد القـوم عنهـا تحاديـد=عنها البقـوم جموعهـم قصّرنـا
لو يبدعون القاف في زامي الحيد=عتيـق هـج اللـي منـول تمنـا[/poem]

( يا أبو سعد سج الركايب يسيرن )

قال الشيخ الفارس / مقبول بن هريس الشلوي الحارثي هذه القصيدة عندما انتهى البن من عنده ويخاطب في القصيدة الأمير / مبارك بن مهرس ومستحثاً إياه على الإستعداد للغزو للكسب والمغنم :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا أبو سعد سج الركايب يسيـرن=وإليا غدا شـي ٍ علـى الله بدالـه
نركب على هجن ٍ للأبعـاد يدنـن=أكوارها تصرخ صريخ المحالـه
حريبنا لـو هـو بعيـد ٍ شكاهـن=في المال وإلا في شفايـا رجالـه
فاتن ثلاث ليال والنجـر مـا دن=البـن بـاح ولا بقـى إلا دلالـه
لا بد عسـرات الليالـي يريفـن=ويرجع ردي الخال تالـي ليالـه
ناشي على ذبح الغنم وأحمس البن=مانـي بناشـي نشـوة ٍ بالفلالـه
وأزمي كما يزمي على السايله عن=لين إن وال العرش يضفي جلاله
وخطو الولد لو هو كبير ٍ وله فن=يجيك في المجلس كبيـر ٍ خيالـه
نتاب نقـاب ٍ كمـا ينقـب السـن=حفـاظ مرجلـة ٍ بليـا رجـالـه
وإن ناحروا ربعه حدود السند خن=دوّر له جدر ٍ قعـد فـي حيالـه[/poem]

( أبو سعد يبري كما يبري الذيب )

حصل في ذلك الزمان معارك ومناوشات بين قبيلة بني الحارث وقبيلة البقوم وتبادل بالقصائد فقال أحد شعراء البقوم :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا دارنا قرّي لضرب المغاليب=بمحبب ٍ كن الرعد في انحطابه
لعيون ملح ٍ يدهلن المساريـب=ملح ٍ تسيّر بين صفق الحرابـه
أبو محمد لا عهم لوعة الذيـب=حوّل على نزل تعـاوى كلابـه
وحمود يبرى له بخيل ٍ جناديب=شيخ البقوم اللي تعشى شبابـه
سمر المباني بيّعت في المجاليب=وأصبح مبارك يرتفد في زهابه
والناصري عذّر وكب المعازيب=واللي سلم منهم تزبّن هضابـه [/poem]

فرد عليه الشاعر الفارس / رفيع بن هريس العواضي الشدادي يقول :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ميعادنا ريحان خشم المذاريب = والكاذب الله لا يطول شبابه
أبو سعد يبري كما يبري الذيـب=شيخ ٍ ليـا وعّـد يباريـه لابـه
صبيان قومي مثل سيل المناحيب=ومن يعترض في نحر سيله غدابه
وإليا لزمنا ناحـلات المقاضيـب=كم حلة ٍ راحـت بعدنـا خرابـه
تفقدوا شيخانكم هم عشاء الذيـب=وكم واحد ٍ منا عطيب ٍ صوابـه
وترعابنا شقح ٍ عليها المشاعيـب=بصافي الحديد اللي تلاعج رقابه
ترعى بنا القفر المطرف ليا هيـب=وحريبنـا تقنـب عليـه الذيابـه [/poem]

وحصل أن الأمير / مبارك بن مهرس دخل تربة البقوم بجيوش بني الحارث ويقول / شامان البقمي في ذلك :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كان ابن مهرس نزل دارنا=لا تعافا من بغـا العافيـه
نوكل الحربي صلا نارنا=وإن حاربنا ناخذ الوافيـه[/poem]

وكذلك يقول شامان :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قولوا لابن مهرس يخلّي هبالـه=لو هو كفو لأخذ الدير ما حقرناه
وادي ٍ حمانا بالمصاقيـل جالـه=لا لا مهابة منزلـه مـا نزلنـاه[/poem]

ومما قاله شعراء البقوم في معارك القبيلتين قول الشاعر / حباب البقمي :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحرب شبّوه الجهل شـب نيـران=حرب ٍ نشينـا فيـه مـا ذي بهيّـه
يابا الفرج حصّل مبارك وسلمان=اليـوم وإلا الصـبـح وإلا قفـيـه [/poem]

وسلمان المذكور هو الفارس / سلمان بن حمدان البديواني الشدادي .

( أبو سعد يا حامي الدوبليه )

استنجدت إحدى الشاعرات من قبيلة الدواسر بالأمير الفارس / مبارك بن مهرس والشدادين لإرجاع حلالها وفعلاً إستطاعوا الشدادين إرجاع الحلال لأهله وكذلك إضافة 100 رأس من الضان على حلال الشاعرة وتقول في قصيدتها :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من يركب المامون وينحّره عـن=ديار ابن مهرس زبـون الونيـه
ويلفي لمن لـه الركايـب يعنـن=أبو سعـد يـا حامـي الدوبليـه
تلقى الشحم عنده مع الهيل والبـن=وله دلة ٍ للنـار دايـم صلـيـه
قله يا أبو سعـد دموعـي يهلـن=وأرب ألاقـي عندكـم مفزعيـه
وا حمس حالي يالشلي حمسة البن=مهوب حزن مهاوي ٍ فـي هويـه
أبكي الولد وأحوالنـا مـا يسلـن=غدوبـه اللـي ما بهـم مرحميـه
وقطعاننا خيل السبيعي بها أقفـن=تكفـون ردوا حبيّباتـي علـيـه [/poem]

وهذه الأحدية تنسب للأمير / مبارك بن مهرس بعد إرجاع حلال الدوسرية ولم يعرف عنه رحمه الله قول الشعر :-

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ينخانا المجمول ونقوم=ونرد حلوات اللبـن
عاداتنا نقضي اللزوم=في شامها وإلا اليمن[/poem]

( وفاة الأمير / مبارك بن مهرس رحمه الله )

توفي الأمير الفارس / مبارك بن مهرس الشدادي الحارثي بسبب كبر السن بعد أن عاش حياته على ظهر فرسه مسجلاً للتاريخ أروع القصص في البطولة والشهامة رحمه الله وأسكنه فسيح جناته . منقول مع خالص التحية وأطيب الأمنيات وأنتم سالمون وغانمون والسلام .[/align][/size]