هذه محاورة بين بوش وبلير
 

[align=justify][size=4][align=center]هذه محاورة بين بوش وبلير

بلير:
الله لايجزاك بالخير يابوش=ورطتنا في حرب صدام ورطه
غرمتني وتقول بترول وقروش=بس الحقيقه روحتي معك غلطه

بوش:
يابلير رد العلم عن بوش إبن بوش=الله خلقنا للمقاريد سلطه
وأبوي عنده للرياجيل دنبوش=كم واحد شلنا فلوسه ونفطه

بلير:
أبوك والنعمين لكن انت مربوش=تموت بالبترول وتحب شفطه
صحيح عندك مال وسلاح وجيوش=مير اتوقعلك تدهور وسقطه

بوش:
يابلير كانك خفت يوم إحتمى الهوش=حرام ماتاخذ من النفط نقطه
قبلك ترى شيراك قد راح مكروش=شوفه يصرح كل يوم بمحطه

بلير:
وراك ماتعطي لشيراك عرموش=تراه مشغلنا بشيله وحطه
وليا انتهى موضوعنا نرسل طروش=ونجمع المبلغ من الربع قطه

بوش:
شيراك هذا عنده الفكر مغشوش=فرط علي بمجلس الامن فرطه
بدزه اليابان والصين ويطوش=ومجهز الفيتو لتحقيق شرطه

بلير
:
يابوش انا مرهق وخايف ومدهوش=وأنت تقول الحرب خدعه وخطه
أسراي واسراك امتلى منهم الحوش=عزالله أنه اصابني منك جلطه

بوش:
ماقلتلك كم فيه إذاعات ودشوش=لاتكشف المعنى وانا اقول غطه
وان قالوا انّا علوج واصحابنا جحوش=ماهمنا الصحاف واللي يحطه[/size][/align][/align]

رد : هذه محاورة بين بوش وبلير
 

[color=#0033CC][size=5][align=center]لاهنت يالفندي


على هالنقل الرائع[/align][/size][/color]

رد : هذه محاورة بين بوش وبلير
 

بلير
:
يابوش انا مرهق وخايف ومدهوش=وأنت تقول الحرب خدعه وخطه
أسراي واسراك امتلى منهم الحوش=عزالله أنه اصابني منك جلطه

بوش:
ماقلتلك كم فيه إذاعات ودشوش=لاتكشف المعنى وانا اقول غطه
وان قالوا انّا علوج واصحابنا جحوش=ماهمنا الصحاف واللي يحطه

................................................

تسلم ولك التحية

رد : هذه محاورة بين بوش وبلير
 

لاهنت اخوي

على النقل الجميل

رد : هذه محاورة بين بوش وبلير
 

[align=center]ههههههههههههههههههههههههههههههههههههه


[size=3]والله انت فله تسلم يالغالي



تحياتي العذبه لك [/size][/align]

رد : هذه محاورة بين بوش وبلير
 

[align=center]الفندي مشكور على المحاورة الطيبة

تقبل التحية[/align]