الشاعر الفارس / فالح بن مسعر بن ركاض العامري السبيعي رحمه الله
 

[poem=font="Simplified Arabic,4,white,normal,italic" bkcolor="white" bkimage="backgrounds/21.gif" border="groove,4,white" type=1 line=0 align=center use=ex num="0,black"]






قم يانديبي ترحل فوق مرمالي = من فوق منجوبة شيب محاقبها
مافوقها الا العقيلي يابعد حالي = وشديد يوم ينسف هبل غاربها
لاروحت لا مذارعها تهوبالي = لكن يديها تمزع من ترايبها
فيها من الربد مهذال وزرفالي = منكوسة الزور مايلحق شواذبها
اطمر عليها اليامن ثرب التالي = لعيون حمراء تباريها جنايبها
ياما خسرنا العدا من كل مشوالي = وكم سابق باللقا طاحت براكبها
مع لابة فعلها ماضي له افعالي = سبعان عدوانها تشكي مضاربها
ولي بندق رميها يغدي غثا بالي =ومخضب عقبها من كف صاحبها
شريتها بالذهب لو سعرها غالي = بماية وعشرين مايفهق بغايبها
مطرق فرنجي رباعي مالها اشكالي = يكودني طولها لاجيت أزهبها
يابندق ......ياللي مالها امثالي = اللي ليا جت ليال الصيف اعج ابها
كم فرحت بالخلا من صدر زمالي = وكم سرحة دورت منها ربايبها
يازين طردي بها غزلان الاسهالي = والتيس دمه يثوع من مضاربها
كم عود ريم يجي مشيه تهنفالي = كن الحنايا على راسه يقلبها






...[/poem]

رد : الشاعر فالح بن مسعر بن ركاض العامري السبيعي
 

اخوي الغالي وافي السبيعي
سلمت يمينك على هذا النقل الرائع
وبيض الله وجه الشاعر/فالح بن مسعر بن ركاض
قصيده جزله ورائعــــــــــــــــــــــــه

رد : الشاعر فالح بن مسعر بن ركاض العامري السبيعي
 

الاخ العزيز الشاب القرم وافي السبيعي بيض الله وجهك ووجه الشاعر على هذه القصيدة الجزله وانت سالم والسلام

رد : الشاعر فالح بن مسعر بن ركاض العامري السبيعي
 

اخونا الفاضل أبو يزيد اشكرك جزيل الشكر

وتقبل تحيات اخوك وافي

رد : الشاعر فالح بن مسعر بن ركاض العامري السبيعي
 

اخونا مسلط22 اخونا ابويزيد واخوننا الافاضل هذه مجموعة من القصائد تدور حول الصيد ووصف الذلول والبندق
وقد انتشرت بعض أبيات هذه القصائد بحيث غنيت مقطع من قصيدة المقناص ثم نشر
منها في الصحف مخلوطة ونسبت هذه القصيدة لفراج ابن ريفه القرقاح وبعد البحث والتقصي ومقارنة الروايات في تحقيق نسبة هذه القصائد ورد كل قصيدة لصاحبها فقد تبين من احد الرواه أنه كان قد سمع قصائد المقناص من أحد حفاظ الشعر وعددهن سبعة قصائد ولكن فات علينا أدراك هذا الرجل
والاخذ منه حسب قول الراوى مانتج عندنا من أقوال الرواة فان هذه القصيدة هي عبارة عن مجموعة قصائد تواردت خواطر اصحابها وكل واحد منهم قالها يجاري الثاني والقصائد التي سوف نوردها ثلاث قصائد لكل من ابن ركاض والعطيفي
والقرقاح القصيد ة التي طافت لبن ركاض

وسوف اكمل الباقي للقرقاح والعطيفي من اجل تعرف القصائد واصحاب القصائد

رد : الشاعر فالح بن مسعر بن ركاض العامري السبيعي
 

[poem=font="Simplified Arabic,4,white,normal,italic" bkcolor="transparent" bkimage="backgrounds/21.gif" border="solid,4,white" type=2 line=0 align=center use=ex num="0,black"]


وهذه قصيدة الشاعر فراج بن ريفة القرقاح الفهري العبيدي القحطاني
مجاراة لقصيدة الشاعر فالح بن مسع بن ركاض السبيعي

حيث كان فراج جلوي عند قبيلة سبيع وعندما سمع قصيدة ابن ركاض تذكر جماعته
وارسل هذه القصيدة للشيخ ابن شفلوت يقول فيها



.............................................................................


قال ابن ريفه بدا بالمرقب العالي = واخيل مزن من المنشا يهل ابها
مايدهله غير صافي الريش ولوالي = ولا الولع يوم يفنك في عجايبها
عليك يامرقب جيته وانا سالي = هيض على قلبي ديار شطيت ابها
هيض عليه شدوق الثفن لا سالي = عطفت طريب الى زافت عجايبها
لامن غدا الفيض كنه زرع عمالي =سيله من القدم للبطنان ناهبها
ياما وياما نزلنا بعشبه المالي = ببيوتنا لاوزا المجرم يلوذ ابها
ننزله ببيوت عراف وجهالي = وان جاء النذر من حفيفا ما نزهبها
بعوال مفلح وهم حماية التالي= بمحول صلف وعطيبات ضرايبها
انشد عبيدة هل الطولات عن حالي = وانشد لجانيب يوم انا نقربها
من هو يقلط على فرش وفنجالي = سعد ابن عمه الى جاته مكاربها
لامن غدى بين نقاض وفتالي = وصفت لجانيب واذبته بطلايبها
ثم جيتهم ثم لفحت ابهم على الجالي = لفح الدلي للمعيدي يوم يجذبها
وخلافها شد لي وتزها الخرج وحبالي = وامجربه بالسرى فالليل صالها
ملفاك من يلبسون الجوخ والشالي = ربعي ودرعي وضد اللي يحاربها
ملفاك شيخ القبيلة ذرب الافعالي =عند ابن شفلوت يالمندوب قربها
قله علي طالت المدة وانا جالي = عشرة سنين مضت بعداد مقطبها
ربعي عبيدة ماني عن قربهم سالي = هل هذة بالضحى تشعا كسايبها
فان كان ربعي نسوني ماني بغالي = بعيش في ديرة قفر جوانبها
انا من الخبرة اللي شورهم عالي = واهل سلوك الردى يارب تذهبها
لي بنق ما صنعها الصانع التالي = من دقت المارت نحال مقاضبها
في يدي قرار تكف الحمع لنهالي = طويلة ناحل مقضب خشيايبها
ولمحلا صوتها بالمردم الخالي = في قنة الحيد والحدباء تجاذبها
ولمحلا ضربها في جزل الاوعالي = ابو حنيه كبير الراس شايبها
ذبحت عشرة بها والضل مامالي = والحادية روحت تثلغ مضاربها
عط الطويله عريب الجد والخالي = ولد الردي لا تخلونه يزول ابها
ولا الشجاع الذي للصعب حمالي = ارفع نواصيه ياربي وقطبها
تمت وصلوا عدد ماهل همالي = على رسول شروع الحق رتبها
اغفر ذنوب الفتى يارب يا والي = لاجيت في حفرةرزوا نصايبها




.........[/poem]

رد : الشاعر فالح بن مسعر بن ركاض العامري السبيعي
 

الاخ وافي السبيعي بيض الله وجهك على القصائد وياليت تكتبها بشكل حرف اخر لكي تتضح جميع الكلمات بدون لبس ليتسنى لنا النظر بالمعاني ومطابقتها على الموجود عندنا والسلام

رد : الشاعر فالح بن مسعر بن ركاض العامري السبيعي
 

[poem=font="Simplified Arabic,4,white,normal,italic" bkcolor="transparent" bkimage="backgrounds/21.gif" border="groove,4,white" type=2 line=0 align=center use=ex num="0,black"]

وهذه الابيات للعطيفي
.......................................................


قال العطيفي رقا في روس الاقذالي = باعلا المراقيب تومي به هبايبها
عسي يعله حقوق الديم هطالي = هاشل من المزن لا هلت سكايبها
جلست في مرقبي ماحولي الوالي = احاسب النفس بالزلة واعاتبها
ياالله اني طالبك جمرا هوا بالي = لاروح الجيش طفاح جنايبها
لاروح الجيش حاديه اشهب اللالي = لاهي تورد وسيع صدر راكبها
لاروحت مع سباريت الخلا الخالي = كن الذيابه تنهش من جوانبها
اللي على كورها واللي بالاحبالي = واللي على المردفة واللي بغاربها
تشدا هنوف غنوج شافت الغالي = ولاطموح مها ويها يلاعبها
ابغي عليها الى جاالجيش زرفالي = مع لابة دارها من عال هايبها
ولادعه بالملاقى ترخص الحالي = ماينطح جمعها لا ضاع مدبها
ولي بندق رميها ماضي له افعالي = ومخضب عقبها من لفض شاربها
عدل نظرها وحديده كنها ريالي = كن الحيايا تلوى مع مقاضبها
عاداتنا باللقا نحمي بها التالي = نيشانها باللحم حزت نجربها
والى لفونا من المقناص زعالي = احد مدح بندقه واحد يعذربها
بشرتهم بالعشا من عقب مقالي = القايده مع مرد الكوع ضاربها











.....[/poem]

رد : الشاعر فالح بن مسعر بن ركاض العامري السبيعي
 

اخوي /وافي السبيعي

بيض الله وجهك وسلمت يمينك التي تكتب لناء بماالذهب...
اشكرك على هذا التدوين والتحقيق الجميل....
ثانيااا اخوي القدير..يحضرني بيت من الشعر وهو على وزن وقافية القصائد
التي دونتها اعلاه وحقيقة لااعلم هل هو للشعراء الذين ذكرتهم ام لاوهو:
الله يرحمك ياعودااا شراهاّلي
من واحدااا جابها للسوق جالبها

دمت ودام قلمك الشامخ. وتحياتي

رد : الشاعر فالح بن مسعر بن ركاض العامري السبيعي
 

اخي ابو يزيد اشكرك على الملاحظة والبيت الذي تقول لم يغيب عن بالي

والله اعلم انه لبن ركاض ولكن من اجل عدم التاكيد انا تركت كتابة البيت هذا




وهو ...الله يرحمك ياعود شراهالي ... من واحد جابها للسوق جالبها


واذا عندك دليل لمن هذا البيت المشهور نكون لك من الشاكرين

وتقبل تحياتي