خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

[frame="7 80"]
حـنّـا بـنـات الـوطـن وشـمـوع ديـجــوره
وحناّ بنـات الوطـن وأحلـى سعوديـه
منابـت المجـد وأصـل المجـد والـصـوره
مـرابــط الـعــز وسـبــوق الـنـداويـه
منابـت الملـح وأصــل الــورد وزهــوره
مكـاسـر الـعـود والنفـحـه سـمـاويـه
عذبات الانفاس وأغلى المسك وعطوره
نفحـات الاشجـان والنسمـه ربيعـيـه
فـوح الخزامـى بـروض ٍ قـيـل ممـطـوره
قـدِ علّهـا مـع بكـور الوسـم وسميـه
حـنّـا بـنــات الـوطــن سـكـنـاه وخـــدوره
حـنّـا بـنـات الـوطـن والثـقـل مـاريّـه
يالـلـي تـعــذرب بـنــا يـمـنـاك مـكـسـوره
مـاكـن فيـنـا لــك أم وبـنــت وأخـيــه
أفـكــارك الـســود مشـبـوهـه ومـبـتـوره
وعلومـك الـعـوج ملفـوفـه وملـويـه
تــلــف وإلا تــزيـــد الــلـــف لـــــك دوره
العلـم بالـهـون والحـاجـات مقضـيـه
خـذهـا عـلـى نــور والـرايـات منـشـوره
بالـعـدل والمـيـز مكـتـوبـه ومـقـريـه
خـذهـا وبـاقــي بـهــا وقـفــات مـذخــوره
تجيـك مـن فــوق وإن حبـيّـت رديــه
بنـت الوطـن ياضعيـف الــرأي مـذكـوره
بالخـيـر والطـيـب مـذكـوره سنافـيـه
مــن أول الـوقـت يالمسكـيـن مشـهـوره
بالفكر وأحلـى التواصيـف النسائيـه
بنـت الوطـن ياقصيـر الشـوف معـمـوره
بالـعـطـف والـلـيـن وتـزيــده بحـنـيـه
إن كـان بالـكـون قـالـوا عيـنـه وحــوره
بنت الوطن من عظيم الشان حوريه
بنت الوطـن مـن جمـال الخلـق مستـوره
الطـبـع هــادي ووقــت الـجـد جـديّـه
ممـكـن تـقـوّم بـوجــه المـعـتـدي ثـــوره
والأصــل تكويـنـهـا ثـابــت حـيـاويـه
شيهـانـة اللـحـظ بـنـت الـريــح مـنـثـوره
ملمومة الخصـر بنـت الذيـب ريميـه
يـعـنــي حـجـازيــة العـيـنـيـن مـخــبــوره
نجـديـة الخـصـر واللمـحـه خليجـيـه
ريحـانـة الـفـل بـــأرض الـفــل مـبــذوره
يعني عسير وعبيـر أحلـى عسيريـه
وقــــاّدة الــحــس بــالاشــواق دكــتــوره
يضيـق صـدر الزمـن تبقـى شمالـيـه
تكـتـب حــروف الـوفـا وتـسّـن دسـتـوره
بحروفها إخلاص وإن حبّت هواويه
يعنـي هــي الـجـو مــع بـيـداك وبـحـوره
مـن رأسهـا للقـدم بالـزيـن مكسـيـه
سمـعـت يالـلـي حسبـتـه لـعـبـة الـكــوره
بعـض السواليـف لا سقتـه عماويـه
لا ضيّـع الـدرب مثلـك وأخـلـف شـعـوره
نـدلّــه الـــدرب والاعــمــال بـالـنـيـه
يـاخــاوي الـفـكـر والــعــدلات مـقـبــوره
في صدرك اللي لبس بلـواه صدريـه
مغـرور مـغـرور مثـلـك نــاس مـغـروره
بمـركـب النـقـص والاوهــام مبـلـيـه
مـنـادمـيـن الـخـطــا مـلــفــاه وطــيـــوره
الـفـكـر خـيــاّل والـسـاحـه خـيـالـيـه
مــن الحمـاقـه لبـسـك الكـبـر وشــروره
والحمق رمح الردى وحـدود هنديـه
تسـكـن زوايــاك والـطـرقـات مـهـجـوره
ياغراب خل الحمـام إنسـى خطاويـه
لــو تـفـرد الـريـش يالـطـاووس مـأثـوره
عـواقـب الكـبـر يالـمـغـرور سلـبـيـه
يـاسـيّـد الغـطـرسـه يـاقـاصــر شــبــوره
ياعاشق الذات عشق الـذات نفسيـه
سمـعـت رد الاصيـلـه وإفـهــم سـطــوره
بـسـيـط مـنـسـاب والاوزان شعـبـيـه
وإسلك طريـق الهدايـه وإحفـظ السـوره
السـوره اللـي علـى المعنـى ومكيـه
وإن كان نفسك علـى الشينـات مجبـوره
والـنــار يـامـيّـت الـنـيـران مـطـفـيـه
أجـيـك أنـــا بـنــت هـالـديـره ومـأجــوره
وتشوف بنت الوطن والجمره الحيه
أجيـك وتشـوف بـنـت السـبـع مسـعـوره
وأخـرك معـروف والدعـوى طبيعيـه
الـوقــت مـعــروف فـــي زنـــات دبـــوره
يخـرّب العـش وهـو الـعـش راعـيّـه
ماهـي بشرَبـه مـن الـغـوري وشـابـوره
بعض الحكاوي وفيـه حـدود محميـه
خـذهــا ولا أقـــول لا رديّـــت مـشـكـوره
من واجبـي لا دفعـت الشـر والسيّـه
بــأول خـطـوط الـدفــاع وراس طـابــوره
أصــــد وأرد والــصـــدّه هـجـومـيــه
خذهـا وأنـا بنـت قـوم المجـد وحـضـوره
منـي وأنـا مـن بـنـات الــدار نجـديـه
مـن نجـد ماجيـت أنـا المغـرب وناطـوره
وماجيت حد اليمن ما كنـت مصريـه
خذها وأنا ماعرف الحمراء ولا شتـوره
ولا جيـت عمـاّن وإلا كـنـت شامـيـه
ولا نـيـب مــن بـابـل النهـريـن وآشــوره
وإلا بعـد مـن بنـات الشـرق شرقيـه
خذها وأنـا مـن عظيـم الشـان منصـوره
من نجد ماقول أنـا شقـراء وغربيـه
أعـيّــد الـعـيـد مـــا عـوشــر بـعـاشــوره
الـديـن الاســلام والمـنـهـاج سـنـيـه
خذهـا ونفسـي علـى المسـفـار مـأمـوره
والنفـس معـروف مأمـوره ومنهـيـه
ماقلتهـا مــن غـضـب بالـوقـت مقـهـوره
على الملا وإن بغيت السلـم سلميـه
خذها وأنـا بنـت روس الطيـب وصقـوره
الـجـد عدنان والقبيله سبيـــعيه[/frame]

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

ما شاء الله عليك يا جزل العطايا


اختياراتك زينه بس ما تعلمنا بشاعر القصيدة



-5 درجات

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

هههههههههههه تسلم على المرور ام بالنسبه للقائل والله مايحضرني لويحضرني كان كتبت

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

[size=4]صح لسان قايلها
ومشكور ولك كثير الشكر على القصائد الي تجيبها
وياليت نعرف قايلها[/size]

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

لا هنت اخوي جزل العطايا على النقل المتميز .



صح لسان قائلها او قائلتها .. تحياتي

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

صح بدنكم وشكرن على المرور

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

صح لسانك ياجزل العطايا ولسان الشاعرة والتي حرة في معرفتها

ولا هنت يأبن العم

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

صح لسان قائلتها

ولاهنت يجزل العطايا على النقل

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

[center]خذها وأنـا بنـت روس الطيـب وصقـوره
الـجـد عدنان والقبيله سبيـــعيه

اشهد بالله انها بنت رجال هالشاعرة

يكفي فقط انها سبيعية[/center]

رد : خذها وأنـا بنـت روس الطيـب وصقـوره =الـجـد عدنان والقبيله سبيـــعيه
 

[center][grade="0000FF FF0000 008000 4B0082 00008B"]«®°·.¸.•°°·.¸¸.•°°·.¸.•°®»أخي العزيز{جزل العطايا }«®°·.¸.•°°·.¸¸.•°°·.¸.•°®»




أسعد الله أوقاتك أنت وجميع الإخوان الأعزاء




لالالالالالالالالالالالالالالالالالالالالالالالا ومليون لالالالالالالالالالالالالالالالالالالالالالالالالالالالالالا

أنا أرفض اللي تسويه فينا هذا مايجوز منك يا أخوي لا تزعل مني لأنه من غير المعقول أن فيه إنسان ينقل هذي القصيدة التي أقسم برب البيت أني لم يمر علي في حياتي من الشعر النسائي بمثل جمال وروعة وعذوبة وقوة وجزالة هذه القصيدة ولا تعرف أسم الشاعرة والله العظيم لو وصل الأمر اني أدفع فلوس لكي أعرف أسم هذه الشاعرة الرائعة لما ترددت

ومثل هذه الشاعرة تستحق أن يطلق عليها ملكة على الشعر النسائي ليتك ما نقلتها بدون أسم الشاعرة لأني كل ما قرأتها أو تذكرتها سوف أتحسر على عدم معرفة قائلتها عموماً مشكووووووور ما قصرت أجتهدت ولا تلام على شيء الله يعطيك العافية ولا هنت يا الغالي




هـــــــذا ولك مني ولجميع الإخوان كل تحية وتقدير واحتراااااااااااااااااااااام[/grade][/center]