محاوره للشاعر فهاد السبيعي وسلطان صاهد
 

[CENTER][SIZE="6"]سلطان الجلاوي


هلا مرحبا في حفلـة ابـن خريبيـش *تراحيـب ترجمهـا لسـان الـجـلاوي
احـب الرجـال مبعديـن المطـاريـش * واحب الرجال اهل الفعل والعزاوي

~ ~ ~ ~
فهاد السبيعي


يدوم البقى بـك عـد وبـل الرشاريـش *نيابه عن اهل الطيب واهل العـزاوي
اعرف الطيور اللي لها جناح وتعيش* وانا عارفك نـاوي وانـا معـك نـاوي

~ ~ ~ ~
سلطان الجلاوي


تـــرى طـيـرنـا عــــزام يـكـفــخ بـهـالـريـش* ويهوي مثل نجم ٍ من الجو هاوي
وروس الظبا ماذكـر فيهـا عراميـش* عسـى الله يثيبـك يابخيـت العطـاوي

~ ~ ~ ~
فهاد السبيعي


ترانا نعرف اهل الوفا واهل الجيش *وانـا عارفـك يالحـر حــر الـنـداوي
اعرفك مغشش مار مافيـه تغشيـش* وانا يمكم يا اصحاب قلبـي هـواوي

~ ~ ~ ~
سلطان الجلاوي


ابــه سالـفـه ماطلعـتـهـا المنـاقـيـش *لكنـك تريّـح واستـمـع فالحـسـاوي
اشوف السبيعي نفخ لكن حتى ايش * عسى الله يعينه في كثيـر الدعـاوي

~ ~ ~ ~
فهاد السبيعي


ترى ماعليه من كثيـر الطفاريـش * وانا شاعرٍ معروف ماني بغاوي
ليا جـا التحـدي جيتكـم بالكلابيـش * ولاينفعون اهل الحكي والرشاوي[/SIZE][/CENTER]


[SIZE="6"]أبدع الشاعر أبو خالد في هذه المحاوره وليس بغريب على شاعر متألق مثل فهاد السبيعي .


ولكم تحياتي[/SIZE]