لاذكرت اللي جفا الناس من شاني
 

والله لولا سجت الرجل وحداني *** والخلا بعض الليالي يسليني
ان ابيح بالسر واعلن به اعلاني *** وافرح اعدايه واغيض المواليني
من لهيبٍ ليا تحرك بوجداني *** ساعةٍ فيها تضيع البراهيني
مير انا لاضاق صدري من احزاني ***ارقب اللي يرقبن الشياهيني
مرقبٍ لهل الولع فيه نيشاني ***في مشاريفه عذاب المشقيني
يوم اشرف فيه مانيب طرباني ***اجذب المسحوب للناس توحيني
اتنــاسى فيه ياكــــــــــود ينساني ***همي اللي لاضوى الليل يضويني
واثر همي للدهر صار عواني *** كل ليلٍ بغارة الحرب يرمينــــــــي
غارتٍ منها عطيبات الاكواني ***عقبها تشبع جياع السراحيني
ياوجودي واشتكي لابن شرثاني *** طيب المجنى زبون المخليني
وجد من له ِدينة ماله اخواني ***عند شيخٍ يتبعه حسبة الفيني
لاذكرها يقضي الليل سهرا ني ***وده ابها مير ربعه قليليني
يرجي اللي ماكمل عامه الثاني *** يقتضيبه من العدى مرمس الديني
عيروه ابها قليلين الاحساني *** وامتلى صدره عليهم من الشيني
كن في صدره من الغيض بركاني ***صايبه ماصابني تالي سنيني
لاذكرت اللي جفا الناس من شاني ***مزعلن غيري على شان يرضيني
قمت اردد عوية الذيب سرحاني ***كل عينٍ غاضيه ماغضة عيني

الشاعر / سعد عويد المجمعي

رد : لاذكرت اللي جفا الناس من شاني
 

[poem=font="Simplified Arabic,5,indigo,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاذكرت اللي جفا الناس من شاني =مزعلن غيري على شان يرضيني
قمت اردد عوية الذيب سرحاني =كل عينٍ غاضيه ماغضة عيني [/poem]



صح لسان شاعرها ولا هنت يا ناقلها


جزله يا سنايدي

رد : لاذكرت اللي جفا الناس من شاني
 

صح لسان شاعرها ولا هنت على النقل