محمد الطويرقي * عبدالله بن عتقان
 

محمد الطويرقي


يامرحبا ترحيب يثبت له مكانه فالوجـود
من هاجسِ يقدر على بدع المثايـل كلهـا
مادام ابن عتقان حاضر وأكثر العالم شهود
بهرج معه واللي عقد روس الحبال يحلها



بن عتقان

دام البقا ياعيال عمي ياعريبين الجـدود
والله يعز الشجره اللي كلنـا فـي ظلهـا
الناس حضروا يامحمد والعلم فوق العمود
والمرجله تبغى ولد يطلع ولا ينـزل لهـا




محمد الطويرقي


مابه منازع بعد جيتوا ياموفين الوعود
لنا الشرف نلعب مع اللي كلمته مازلها
ياناشدٍ عني تراني ذيب من بين الأسود
بالسلطة العليا جميع دياركـم نحتلهـا



بن عتقان


الأصل واحد طال عمرك والمواقف والعهود
واللي تثمن وقفتي في صفهـا مـا ملهـا
أنا أدري أنك كارثه عظمى وأنا ماني شرود
وديارنا يتعـب لهـا الطامـع ولا ياصلهـا




محمد الطويرقي


صار اختلاف أهل المذاهب فالنصارى واليهود
وانته ليا كانك ذكي صـل الفريضـة صلهـا
الكلمة اللي قلتها مابيـن نقـص وبيـن زود
ربعي ثقيف أهل المواقف والسيوف تسلهـا




بن عتقان

مسلم وأصلي في بيوت الله ولا فوقي قيود
خل اليهود الله يحفظك والنصارى خلهـا
العام فاقد لك جمل واليوم فاقد لك قعـود
دور بعارينك عسى كـل الـدروب أدلهـا




محمد الطويرقي


ساير زمانك وأخلص النية ولاتغدي جحود
المشكلة بعض السوالف ليش ماتفطنلهـا
الحمد لله مافٌقد لي شيء يالقلب يالحسود
ماني سواة اللي يصيح والدمـوع يهلهـا




بن عتقان

عايش زماني وأحسب أيامي مثل عد النقود
أمـوت ماهانـت مكانـة عـزوه أمثلهـا
وأشوف لي عالم تجي بين الصوادر والورود
تنسـى قوانيـن الأوادم والكبـود أتعلهـا




محمد الطويرقي


هذا عشان إنك مسالم ما تعديت الحدود
خايف تموت من القهر وعلومنا في حلها
لكن من جاب الفتايل عند قداح الزنـود
أهل الحسد تبطي ولاظنيت يبـرد غلهـا




بن عتقان


يكفيني التاريخ شاهد والفخر يرقى سنـود
ياكثـر حسـادي وإذا قابلتهـا ياقلـهـا
مرت سحابة صيف لا فيها بروق ولا رعود
لو البدو تقعد بديرتها تـراه أحسـن لهـا

رد : محمد الطويرقي * عبدالله بن عتقان
 

[align=center][B][size=5][color=#FF0000]الحقيقة أنا من أشد المعجبين بالشاعر / عبدالله بن عتقان السلمي ، وحسب وجهة نظري أنه من أفضل الشعار الموجودين على الساحة في الوقت الراهن من خلال متابعتي المستمرة لفن المحاورة[/color]


شكرا" لك أخي ماجد99 على إبداعك المستمر مع تمنياتي لك بدوام التوفيق والنجاح[/size][/B][/align]

رد : محمد الطويرقي * عبدالله بن عتقان
 

[frame="6 80"][align=center][frame="7 80"][align=center][size=6][url=http://sobe3.com/up/uploads/images/sobe3-60f2dc843f.gif][img]http://sobe3.com/up/uploads/images/sobe3-60f2dc843f.gif[/img][/url]
:dr17:
:fst:
:akhe:/[color=#00FF00]ماجد[/color][color=#0000FF] اشكرك على نقل المحاوره الرائعه ,وبيض الله وجهك [/color] تقبل مروري يالذيب :sparkles:والى الأمام :arrow_jump_up_sm_wh
:allahalmowafeq:
:8430-003-04-1062:
:taheya:
[color=#FF0000]س ب ع 777[/color][/size][/align][/frame][/align][/frame]

رد : محمد الطويرقي * عبدالله بن عتقان
 

شاعر المعنى شكرا على المرور

رد : محمد الطويرقي * عبدالله بن عتقان
 

س ب ع


شكرا على المرور