منتديات سبيع الغلباء - محاوره بين حبيب العازمي و............

بسم الله الرحمن الرحيم

جرت هذه المحاوره بين الشاعرين الكبيرين
ضيدان بن منصور بن قضعان العرجاني و حبيب العازمي
وتمتاز بجمال أسلوبها وجودة معانيها وجزالة ألفاظها , مما جعلها من الأبيات المسبوكه سبكاً متقناً

حبيب العازمي

سـلام رديـه علـى بحـر العـرب وانته ياابن قضعان سباح البحـر
يمـا تجيـب مـن البحـر درٍ ثميـن وإلا تجيب من البحر وجبة عشا
أرسلتلك مرسولنا حسب الطلب لكـن طـال الوقـت ماجانـا خـبـر
وإليا صبرنـا يامعيـن الصابريـن ماصـابـر إلا مايـريـد الله وأشــا

ضيدان بن قضعان

يامـرحـبـا ترحـيـبـةٍ مـثــل الـذهــب بالشاعـر اللـي صايـرٍ ضابـط خـفـر
واللي سكـن عيـن البراحـة والقريـن يدري عـن اللـي ساكـن دار الـرشـا
ياالعـازمـي تـبـت يـديـن أبــو لـهـب لــكــن لايـدريـبـهـا زيــــد وعــمــر
والأرنب اللي مالها إلا نصـف عيـن صارت نصيب الطرقي اللي ما مشا

حبيب العازمي

ضيدان بن منصـور مفتـول الشنـب لكـن لايـزعـل عـلـى نـايـف صـقـر
مـالــه طـريــق لايـســار ولايـمـيـن بين الضلوع اللي على وجه الحشـا
الصمت حكمه والصحيح من الأدب ان احـتـرام الـرجـل للثـانـي فـخــر
وأنـا عطيتـك فــي البـدايـه كلمتـيـن وإن قلـت كررهـا ماأكررهـا حـشـا

ضيدان بن قضعان

ياحبيب الموضوع مشروه وعتب وأنتـه تبـي توليعهـا مـوتٍ حـمـر
لكـن طعـنـي لاتـضـر المسلمـيـن يـا ناصـر الواشـي ليـا منـه وشـا
الكلمتين خفـاف والمطلـب وجيه لو يستحي وجه الغناه مـن الفقـر
واللي يدور في الحويـه جغمتيـن ماهـوب لاقـي لامحـال ولارشــا

حبيب العازمي

ترى الرضـا يغلـق شراييـن الغضـب مثـل السلامـه تنـزع جـذوع الخـطـر
وابلـيـس رايــه يقـسـم الـواحـد ثنـيـن ويحرض الراشي على اللي ما أرتشا
فزعـت بالمنشـار أبـا أقـص الخشـب وأثر الخشب يابـس وديكـوره خضـر
يااللـي وردت العـد ويـن الـعـد ويــن يمكن مـن السرعـه علـى عينـك غشـا

ضيدان بن قضعان

حاسبت ياحبيب بعد طاح الحطـب لــو تعـتـذر مـاعـاد نقبـلـك عــذر
لـكـن هــذا فـعـل دورات السنـيـن يااللي تصلـون الفجـر قبـل العشـا
يااللي تعجب ماعلى الدنيـا عجـب لو ينشب المنشار فغصون الشجر
وإن كـان ماباقيـلـك إلا شجرتـيـن لعـل يسقيهـا السحـاب اللـي نـشـا