الشاعر سفر بن نهار يرثي الشيخ ثامر بن هليمه
 

بسم الله الرحمن الرحيم

اخواني الاعزاء يسرني ان اضع بين ايديكم هذه القصيدة للشاعر سفر بن نهار الثوري السبيعي بناء على طلبه

وهي مرثية في الشيخ ثامر بن حمد بن هليمه احد مشايخ بني ثور الذي انتقل الى رحمة الله تعالى في بداية

شهر صفر نسال الله ان يتغمده بواسع مغفرته ورحمته وان يسكنه فسيح جناته


[poet font="Arial,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=350% align=center use=ex length=45 char="" num="0,black" filter=""]
ياشيخنا ياشيخنا واف الاشبار = لاوالله الا كلنا فاقدينك
ياشيخنا ياليت قصـّـاف الاعمار = اختار فينا لابة ٍ مفتدينك
جينا يابوسلطان من كل الاقطار = جينا نعزي ليتناحاضرينك
جينا نسوق اعمار في سن الازهار= نفديك باعمار ٍ تجددسنينك
مير الزمن ياشيخ غدار غدار = كنه يقول ان لابتك مرخصينك
تبكي عليك الخرمه كبار وصغار = شفت الحزن فعيونهم لجل عينك
وكل المساجد والمنابر والاذكار= تبكي في تال الليل سجدة جبينك
حتى المدينه والصحاري والاشجار=تنشد سكون الليل وتقول وينك
ثامر عقيدالقوم لاصار ماصار =ياشيخ كنا للزمن ذاخرينك
عسى السحاب اللي ترازم بالامطار=يسقي ثرى ارض ٍ وسطها دافنينك
وعساك فالجنه بعيد ٍ عن النار = ياربي اسقه شربة ٍ من معينك
وعسى العوض في راس سلطان وذعار=وباقي عيالك مع فعايل يمينك
والموت حق وبين الاجواد دوّار = سبقتنا وانـّـا بعد لاحقينك
[/poet]

الله يرحم الشيخ ثامر وذكره نار في راس علم
وصح لسانك ولسان الشاعر سفر على القصيدة الجزله
والله لا يهينك
اخوك السيف

لله يرحم الشيخ ثامر برحمته وهو معروف بالطيب وصح لسان الشاعر سفر وبيض الله وجهك يا سعد على نقل القصيده

تحياتي لك

البدر

الشيخ ثامر من كبار مشايخ قبيلة بني ثور والله يسكنه الجنه ويغفر له

وصح لسان الشاعر وتسلم يابن جراش

وصح لسان الشاعر وتسلم يابن جراش

ابن هليمه من كبارشيوخ سبيع ويستاهل ماقيل فيه
والله يرحمه ويسكنه فسيح جناته

صح لسان الشاعر

والشيخ ثامر مشهور بالطيب والكرم

وكلنا اهل الخرمه فاقدين واحد ون رجالاتنا

وشهاتي فيه مجروحه

والله يرحمه ويسكنه فسيح جناته

يارب العالمين

ويعطيك العافيه اخوي سعد

وتحياتي لك

شكرا يبن جراش على هذه الأبيات ... وصح لسان الشاعر سفر بن نهار
مشكووووووووووووووووور
ورحم الله الفقيد

ذكر المحاسن حق من حقوق أبو ذعار فهو صاحب توحيد
وصاحب عباده ومن محبي الخير وأهله عرفناه منذ صغرنا بهذا
وعرفه محبوه كذلك.
فرحم الله أبو ذعار وأسكنه فسيح جناته .

شاكرين لك يا بن جراش طرح القصيدة
والشكر موصول للشاعرالرائع/ سفر بن نهار السبيعي

رحمة الله على الفقيد الشيخ / ثامر بن حمد بن هليمه

وشكرا لك ياسعد على نقل قصيدة الشاعر سفر

[COLOR=darkblue][ALIGN=CENTER]اخواني

السيف

البدر

راعيها

الشامل

بن شطيط

عابر عرق سبيع

الغازي

ابوفهد[/ALIGN][/COLOR]

الله يقبل دعائكم ويرحم ابو سلطان ويدخله فسيح جناته

ولكم جزيل الشكر على المرور والتعليق باسمي ونيابة عن اخي سفر بن نهار