محاوره قديمه بين صياف و حبيب
 

[size=7]
[color=#00008B]صياف الحربي

جانا ببرنامـج حيـاة الباديـه شاعـر جديـد
يامرحبا باللي على درب الشرف سار اقدمـه
يالعازمي ليلن رمى بـك عندنـا ليلـن شديـد
لكن اظن الذيـب تـال الليـل يفتحلـك فمـه [/color]

حبيب العازمي

ماجاكـم الا خصمكـم والله يدبـر مايـريـد
واما القضا والحق يقضي فيه قاض المحكمـه
أنا حسبت حساب وقتي من قريب ومن بعيـد
واليا لقيت الذيب اسمي باسم ربـي وارجمـه



[color=#00008B]صــيــاف

حنـا رجـال ولا يخوفنـا كلامـك والوعيـد
ومن لايعرف العلـم بالعلـم الحديـث نعلمـه
تـراك لاذالحيـن ماعلمـت بالعلـم الأكيـد
اقلط على سبـع الخـلا يلزمـك ولا تلزمـه [/color]

حـبـيــب

انتـم رجـال وكـل رجـال يفيـد ويستفيـد
ماحدن يعلـم عالمـن يقـرا ويكتـب بقلمـه
ماخاف من سبع الخلا وانا معي سيفن حديـد
واللي يجي من تحت حد السيف الأبيض يقضمه


[color=#00008B]صــيــاف

ياكثر ماتجمع وتحسب مـار مـدري وش تصيـد
لاحضروا الكتاب طلع علمـك اللـي تزعمـه
ياكبر حظك لو حضرت العيد واليوم السعيـد
لكن حظك لو بنى لـك بيـت بكـره يهدمـه [/color]


حـبـيــب

انته تجاهلت الرسايل عقـب جاتـك فالبريـد
واليا دخلنا المعركـه مـن تقـدره لاترحمـه
ياكبر حظي وانت حظك قام ينقـص مايزيـد
واليا كحلت العين ابكحل نون عينـك والطمـه[/size]

رد : محاوره قديمه بين صياف و حبيب
 

[align=center][B][size=5][color=#FF0000]صياف :[/color]
يالعازمي ليلن رمى بـك عندنـا ليلـن شديـد
لكن أظــن الذيـب تـال الليـل يفتحلـك فـمـه

[color=#FF0000]حبيب :[/color]
أنا حسبت حساب وقتي من قريب ومن بعيـد
واليا لقيت الذيب أسمي باسم ربـي وأرجمـه

الله يرحمك ياصياف والله يطول عمرك ياحبيب . فعلا" شعراء بمعنى الكلمة وأنا من أشد المعجبين بشاعريتهم الفذه والتي لن تتكرر طال الزمان أو قصر .

ولا أنسى أن أشكر أخي / [color=#FF0000]ماجد الشماسي[/color] على هذا النقل المتميز وليس بغريب عليه لأنه دائما" مبدع والمبدع يستحق الشكر والتقدير . شكرا" لك أخي / ماجد وإلى الأمام .



أخوك / [color=#FF0000]شاعر المعنى[/color][/size][/B][/align]

رد : محاوره قديمه بين صياف و حبيب
 

[size=7]لاهنت ياشاعر المعنى شهاده اعتز بها ومبارك عليك الشهر[/size]