منتديات سبيع الغلباء - قصائد في الشيخ الشاعر سعد بن ناصر بن فريج السبيعي

[FONT="Arial Black"][COLOR="DarkRed"]عندما كان الشاعر محسن بن ناصر المري يتجول في ارجاء منطقة شمال المملكة بالقرب من ديار الشرارات لفت انتباهه مزاين أبل وبيت كبير فذهب اليها ليلقي نظرة عليها عن كثب؟!
.فكتب هذه القصيدة ويقول فيها[/COLOR] [/FONT][justify][FONT="System"][SIZE="5"][FONT="Arial Black"][CENTER]الطيب يظهر له شهود ومواري ... على مكان الرجل والرجل بالذات
وانا نصيت البيت والبل اجباري...مثل الخوي من عقب طول المسافات
وقابلني العامل مدرب وضاري ... اقبل يرحب بي ويبدي التحيات
في مجلس يطرد كثير الطواري ... بيت عليه من المعزة علامات
فيها الدلال ونجرها والغواري ... والبن في صفر الدلال المراكات
سألت ويش معزبك قال داري ... هذا سبيعي في ديار الشرارات
من اللي يحطون الشحم بالصفاري ... وأهل الثلاث اللي لهم ذكر واصيات[/CENTER][/FONT][/SIZE][/FONT][/justify]__________________________________________________

[FONT="Arial Black"][SIZE="4"][COLOR="DarkRed"]فرد عليه سعود بن سلمان الشراراي حيث انه كان متواجدا قائلاً [/COLOR][SIZE="5"][CENTER]المري اللي مرنا تالي اليوم ... وعنز على بيت عريض كسوره
عنز على بيت له علوم وسلوم ... محاسنه عن الطروق مخبورة
اثنى عليه وقال راعيه شغموم ... ماروث جد وارثينه نموره
وانا على ماقال انبيه بعلوم ... موجز ولا كل الامور محصورة
البيت هذا دايم الدوم به قوم ... لوغاب ماغابت صياني قدورة
تلقا الفقار وسنم الحيل مرجوم ... في بيت عز عالي السور سوره
مشرعاً ماحط به قفل وختوم ... للضيف واللي ينتويه ويزوره
بيت ابو ناصر من بطى الوقت معلوم ... شيد على ساس عميقه جذوره
ساس الجدود مزبنه كل مضيوم ... عدوهم ياما شرب من مروره
وقت اللقاء عداهم الهزر واللوم ... صغيرهم مايأخد الغير دوره
بسيوفهم لا قابلوا كل زيزوم... راس الشجاع بحدهم تقل كورة
بنى عمر لا ضبضب الجو بغيوم... يشبع بساقاتهم جياع النسورة
واليوم تلقى الهيل والعود والكوم... وتلقى تراحيباً تفضي صدوره
ينطحك بدلال لها عنق وخشوم ...رسلان يزهي لراعي الكيف صوره
وعقب المهيل والغداء يساق مقسوم...مما يبل الريق احلى دروره
درة مجاهيم على فخذها رقوم...يهابه الطامع وتقصر شبوره
رعاهن اللي ما عرضهن على سوم... يتعب لهن رجله لشوفه قفورة
يطالهن الحامي ويقزي عن النوم...يسهر الى حس بهواهن حروره
رجل المراجل وافي الردن وكموم ...نفسه على كسب المراجل صبوره
نفسه على الطولات وعن الردى تشوم...وبساقه العليا يطلق سبورة
من لا فعل فعلة من الناس محروم...المجد صعب وكل دربه وعوره
يبغى رخى يمنى ويبغاله أعزوم ...ومعرفتاً بالمقبلات وصدوره
وتوفيق من وفق له الله مقسوم...لوغاب يكثر شاهدة من حضورة
وانا أمدحة ما تحسف ولا لوم...النفس في مدح الرفيق معذوره
وصلاة ربي عد ماينشي غيوم... واعداد ماشيد مباني قصوره[/CENTER][/SIZE][/SIZE][/FONT]

[CENTER][FONT="Arial Black"][SIZE="5"][COLOR="DarkRed"]هذا مما راق لي والســـــــــــلام[/COLOR][/SIZE][/FONT][/CENTER]