سبعان لا قالوا على الخيـل سبعـان = من ماضي الدنيا هل سنـان وعنـان
 

السلام عليكم ورحمة الله وبركاتة

يقول المحمدي :

حنا سبيع مطوعين الخصومــــي

وحنا سبيع اللي سعدنا يقومــــي

سبعان لاقالوا على الخيل سبعـــان

نمشي بقو الزند والسيف شامـــان

ياما خذينا من حفيفٍ قلاعــــــه

يسوقنا زود الدجر والشجاعـــــه

حنــا ليا منا نوينــا بعــــدوة

كلٍ نسوقة لين نقصيــة مـــدوة

كم خايعٍ قفــرٍ نجية ونعســــة

يبطي وهو منا صوابــه بنســـة

سقم الخصوم مبعدين المشاحــــي

كسابة الطاله نهار الصياحـــــي

دواسة الجمع المناحر ليا هيــــب

ومذلقاتٍ يوسعن المضاريـــــب

نبيد جمع معسكرات السرايـــــا

لا غردن بالصـوت بيض الصبايــا

تلمنا الغلـبا وحنــا قبايـــــل

من طيبهم طالوا على كل طايـــل


للشاعر دسمان السبيعي

الاخوة الكرام مايخفاكم كيف شارك ابائنا في معارك توحيد الجزيرة .. واقامة هذا الدولة السعودية .. واللي كان لقبيلة سبيع الاثر الاكبر في ذلك .. من بداية فتح الرياض بعشرة رجال .

ولكي لاننسى افعالهم في معارك توحيد الجزيرة .. كتبت هذا الموضوع لننشر اسماء المجاهدين من قبيلة سبيع .

وسابدا بفتح الرياض واذكر اسماء المشاركين بالفتح من سبيـــــــع .





1- طلال بن عجرش أبواثنين

2- عبدالله بن مرعيد الجمالين

3- ماجد بن مرعيد الجمالين

-عبدالله بن زيد أبوادريب الجمالين

5- زايد البقشي من الجمالين

6-مسلم بن مجفل شيخ الصملة

7- فالح بن مجلاد الفويجح الصميلي

8- مطلق بن جفال من العزة

9- ناصر بن عبدالله بن شامان المليحي

10- سعد بن هديب 0


واتمنى مشاركتكم باسماء من تعرفونهم من اقربائكم .. بمن شاركوا بتوحيد الجزيرة .



بن الغلبا.

رد : سبعان لاقالوا على الخيل سبعان.
 

قصيده من أروع القصائد التي نظمها الشاعر

صح لسانه وسلمت يمينك على نقلها

رد : سبعان لاقالوا على الخيل سبعان.
 

بن الغلبا تسلم يمينك يالقرم قصيده رائعه وحما سيه وما عليك زوود ........ وبيض الله وجه دسم المحمدي




وبالنسبه لتوحيد الجزيره ما ذكرت الا الصحيح ولا احد يقدر ينكر على سبيع الفضل بعد الله في توحيد البلاد


والاسماء اللي ذكرتهم هم من رؤوس الذين شاركو مع الملك عبد العزيز ولا يزال هناك منهم لم يذكرو......



تقبل تحيااااااااااااااتي

رد : سبعان لاقالوا على الخيل سبعان.
 

مشكور بن الغلبا


على القصيده الطيبه


وصح لسان شاعرنا

رد : سبعان لاقالوا على الخيل سبعان.
 

اخو شما

قصيده من أروع القصائد التي نظمها الشاعر

صح لسانه وسلمت يمينك على نقلها

-----------

جعلك سالم وغانم .

رد : سبعان لاقالوا على الخيل سبعان.
 

[quote=عايش ابوليل]بن الغلبا تسلم يمينك يالقرم قصيده رائعه وحما سيه وما عليك زوود ........ وبيض الله وجه دسم المحمدي




وبالنسبه لتوحيد الجزيره ما ذكرت الا الصحيح ولا احد يقدر ينكر على سبيع الفضل بعد الله في توحيد البلاد


والاسماء اللي ذكرتهم هم من رؤوس الذين شاركو مع الملك عبد العزيز ولا يزال هناك منهم لم يذكرو......



تقبل تحيااااااااااااااتي[/quote]



جعلك سالم .. دوم .

وانا ماحطيت الموضوع هذا الا عشان يشارك الجميع بمن يعرفه من ابطال ومجاهدين القبيلة .

رد : سبعان لاقالوا على الخيل سبعان.
 

[quote=ابن الغلبا]مشكور بن الغلبا


على القصيده الطيبه


وصح لسان شاعرنا[/quote]


حياك الله يالسمي .

رد : سبعان لاقالوا على الخيل سبعان.
 

لا هنت اخوي بن الغلبا ,,

وتاريخ سبيع وفعولهم معروفه من قديم .. وسبيع كان لها دور كبير في توحيد المملكه ..

يقول شاعرنا نايف الناقول ..

والله يلولا فعول سبيع بعـــــــــــــد الله /// ما والله يتم توحيد السعوديـــــه

والناس تدري ونور الشمس ما يحجب /// ومثبتين الفعل مليون في الميه


تقبل تحياتي يابن العم ..

اخوك
محمد بن سلطان الثوري

رد : سبعان لاقالوا على الخيل سبعان.
 

الله يعطيك العافية ولكن هناك سبعان كثر لم يذكرو ونتمنى من الاخوان أن يتفاعلو معنا

رد : سبعان لاقالوا على الخيل سبعان.
 

بيض الله وجهك سبيع غنيه بفعولها والكل يشهد
ولا خابت قبيله فعلت الجود وانجبت الاشبال شرواك